渝味曉宇重慶老火鍋 (聚賢逸居) (已結業) 查看

呢間餐廳食物種類比較多，稀有既內臟都會有。一入門口已經聞到麻辣香味，帶好圍裙就免費送上紅棗雪耳糖水打個底。叫左鴛鴦鍋，普通辣同蕃茄湯底，辣度一開始還可以接受到，但後期唔好頂得順。 《紐西蘭精品羊肉卷》$56有少少羶味，但同火鍋湯底幾夾，個人覺得親蕃茄湯比較好。《大刀牛肝》$46先將牛肝同鵪鶉蛋撈一撈先，熟左之後點一點甜甜地辣椒粉食。《牛骨髓》$46口感好特別，有點似豆腐。《牛心椗》$59口感有點似魷魚，但比較爽口。《曉宇苕粉》$29則係薯粉，時間要把握得好，5分鐘就可以煮到煙煙韌韌咁。 《功夫萵筍片》$22解辣之選，建議放係蕃茄湯底《凍豆腐》$29係凍左既蜂巢豆腐，放落火鍋，入面既冰慢慢溶，火鍋湯慢慢浸入豆腐，所以一咬，就好多汁。《稻田毛肚》$62雖然外表唔靚，食落又唔差，口感好似薄片金錢肚咁。《重慶粍兒魚》$42條魚細細條，魚肉一夾就會離骨《紅糖糍粑》$36口感煙煙韌韌，建議大家最後先叫，呢間餐廳上菜得好快。《紅糖冰粉》Like fb 送既，食到覺得辣，就要叫，除左冰粉仲有提子乾同豆。