更多
2020-04-03
5866 瀏覽
呢間「OPPA韓國燒肉店」位於旺角洗衣街，店面不大，有10幾張檯，位置黎講，無咩人流，但就看似幾出名，因為都有唔少人訂座同埋等位。首先要講，性價比真係五粒星，好抵食，食物價位不高，但份量都算幾多，但質素卻係出奇地好，每人平均200-250蚊都可以食到好飽好滿足，韓式燒肉黎講，算係好平...!五花腩 ($98/150g): 豬五花腩肉非常厚實，好有肉感，最鍾意就係腩肉一半脂肪一半肉嘅比例，油香豐富，肉味又夠香，非常BALANCED餐廳有提供免費爐邊蛋及生菜，燒肉可包生菜及其他免費配料如泡菜及芽菜等等一起享用，減低油膩感。和牛拼盤 ($458): 拼盤非常大堆頭，當中有美國上肩胛肉、美國下肩胛、美國牛小排、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊及澳洲和牛舌。總體而言，呢個拼盤非常高質，散叫不如叫呢個，食落就知超值。牛小排肉質爽實嫩滑，牛味都算香濃；而數款日本A4肉，包括背峰肉、上腦肉及牛肉眼嘅脂肪比例明顯較高，油花多油香味自然較重，非常香口惹味，而且肉味都幾香；澳洲和牛嘅脂肪比例無咁高，但都帶有油香，反而牛味就係咁多款之中最濃郁最到位，拼盤嘅多款肉牛肉
首先要講，性價比真係五粒星，好抵食，食物價位不高，但份量都算幾多，但質素卻係出奇地好，每人平均200-250蚊都可以食到好飽好滿足，韓式燒肉黎講，算係好平...!
五花腩 ($98/150g): 豬五花腩肉非常厚實，好有肉感，最鍾意就係腩肉一半脂肪一半肉嘅比例，油香豐富，肉味又夠香，非常BALANCED
餐廳有提供免費爐邊蛋及生菜，燒肉可包生菜及其他免費配料如泡菜及芽菜等等一起享用，減低油膩感。
和牛拼盤 ($458): 拼盤非常大堆頭，當中有美國上肩胛肉、美國下肩胛、美國牛小排、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊及澳洲和牛舌。總體而言，呢個拼盤非常高質，散叫不如叫呢個，食落就知超值。牛小排肉質爽實嫩滑，牛味都算香濃；而數款日本A4肉，包括背峰肉、上腦肉及牛肉眼嘅脂肪比例明顯較高，油花多油香味自然較重，非常香口惹味，而且肉味都幾香；澳洲和牛嘅脂肪比例無咁高，但都帶有油香，反而牛味就係咁多款之中最濃郁最到位，拼盤嘅多款肉牛肉各有特色，建議一試...!
蒜蓉牛油大扇貝 ($108/4隻): 要平平地揀款海鮮食，扇貝都唔錯，只係$27/隻，咁大隻厚肉係街市買都要十幾廿蚊啦。店方比左兩盒仔牛油我地自己落，燒完之後，扇貝殼上面嘅肉汁、蒜蓉及牛油汁真係好正，撈飯食都仲得。扇貝非常鮮甜，嫩滑而且厚肉，夠曬Juicy!!!
韓國炸雞 ($88): 炸雞都唔錯，炸粉幾香，唔會太厚，皮脆內滑，肉汁超級多，而且搭配嘅甜辣醬幾濃幾惹味。
張貼
