一鍋堂 (大鴻輝(荃灣)中心) (已搬遷) 新店位置

想食一餐超值火鍋當然有好多選擇，係我返工呢頭都有幾間任飲任食放題火鍋店，是日晚就去咗呢間人氣高企火鍋店一鍋堂開飯可以慢慢品嚐一餐美味火鍋，任食套餐都有三款不同肉類配搭，價錢都係貴少少視乎大家想食邊款套餐，我哋就點呢款特選安格斯牛套餐，已包括幾款肉類任食一定食得滿足，而且用QR code落單夠晒方便，仲有多款火鍋配料任食係自助區仲有熱食前菜同蔬菜區連飲品供應，等一陣湯底同埋各款火鍋配料逐一送上，湯底要咗鴛鴦兩款特色湯底咁食先夠滋味一邊食住各款前菜麻辣鴨血入口爽彈香滑，泰式香茅魚餅同炸腐皮角呢D惹味小食，火鍋配料終於滾起係時候食啖安格斯小牛排，入口肉質香嫩又多汁另一款牛板腱肉味更香濃，封門柳食落一樣咁色，鐘意食肉嘅我地當然繼續Encall 咁食先夠開心，輪到品嚐一下其他食材，手打蝦滑同墨魚滑食落彈牙多汁用料十足另一款必食嘅真係花膠食到香滑骨膠原，唔少得生猛海蝦再食埋是日推介海鮮沙白蜆特別滿足唞一唞再食杯乳酪，又繼續享受一餐超值火鍋。