更多
2020-07-18
1082 瀏覽
呢間台式火鍋放題係我waitlist等咗好耐,終於食到喇🥳不過真係好誇張,1700開舖,我地1658到,已經要等45mins先食到,所以如果你唔係book咗位,真係唔使黎,否則只會掃興。講到咁出名,一齊睇下係咪真係咁好食先😆.🥘湯底 (牛大人秘方麻辣鍋+阿嫲養生濃湯鍋)打邊爐最緊要就係個湯底,牛大人啲湯底選擇都幾多,total有9款,睇得出全部都係真材實料。我地叫咗鴛鴦鍋,要額外加錢,不過試到兩種湯底都抵嘅。麻辣鍋係必叫,有大中小辣比你揀,可能我地唔食得辣嘅緣故,小辣已經食到出曬汗,不過好好食又係咁食,真犯賤😂至於另外一個養生湯底就變相冇乜味,應該係食麻辣已經食麻咗個味覺🤣中和返,整體算唔錯。.🥘火鍋料比一般鋪頭多好多選擇,基本上你諗到嘅都有,仲有好多都係台灣直送。牛肉當然最重要,見最平個個set嘅牛都幾新鮮,脂肪分布均勻,而我地叫中間價錢個個set啲牛都好正,絕對唔會孤寒,啲牛大大塊😋強烈建議大家叫鴨血食,襯埋個麻辣湯底真係一流,從來冇食過咁好食嘅鴨血😂另外就覺得個蜆特別出色,可惜啲肉好細粒,唔夠過癮。.🥘熟食熟食嘅選擇都好多,不過記住留返個肚食邊爐😂有鹽酥雞、滷肉飯、炸午餐肉等等,
.
🥘湯底 (牛大人秘方麻辣鍋+阿嫲養生濃湯鍋)
打邊爐最緊要就係個湯底,牛大人啲湯底選擇都幾多,total有9款,睇得出全部都係真材實料。我地叫咗鴛鴦鍋,要額外加錢,不過試到兩種湯底都抵嘅。麻辣鍋係必叫,有大中小辣比你揀,可能我地唔食得辣嘅緣故,小辣已經食到出曬汗,不過好好食又係咁食,真犯賤😂至於另外一個養生湯底就變相冇乜味,應該係食麻辣已經食麻咗個味覺🤣中和返,整體算唔錯。
.
🥘火鍋料
比一般鋪頭多好多選擇,基本上你諗到嘅都有,仲有好多都係台灣直送。牛肉當然最重要,見最平個個set嘅牛都幾新鮮,脂肪分布均勻,而我地叫中間價錢個個set啲牛都好正,絕對唔會孤寒,啲牛大大塊😋強烈建議大家叫鴨血食,襯埋個麻辣湯底真係一流,從來冇食過咁好食嘅鴨血😂另外就覺得個蜆特別出色,可惜啲肉好細粒,唔夠過癮。
.
🥘熟食
熟食嘅選擇都好多,不過記住留返個肚食邊爐😂有鹽酥雞、滷肉飯、炸午餐肉等等,大部份都係台灣嘅特色小食。個滷肉飯一定要試😋
.
🥘台式飲品
除咗一般汽水之外,仲有好多台式飲品,而且啲包裝好靚🤪我地叫咗冬瓜茶、洛神花茶同埋冷泡烏龍茶。頭兩個都偏甜,我都話甜就真係好甜架喇😂至於烏龍茶嘅茶味超濃,係會回甘個種,解濟一流🍻
.
🥘整體
呢個價錢食到高質嘅火鍋放題真係唔容易,第一次去食嘅話仲有迎新優惠。火鍋料嘅上枱速度超快,基本上你一落咗單,五分鐘內就已經到曬。整體黎講值得回頭🥳
.
🍽味道: 3.5/5
🏙環境: 4/5
👨🏼🍳服務: 4/5
💧衛生: 4/5
💰價錢: 3.5/5
張貼