更多
2020-10-22
1397 瀏覽
今日又約咗個觀塘返工嘅朋友食晚飯，今次輪到我去觀塘搵佢，而佢就帶我去咗一間喺觀塘工廈嘅隱世西餐廳。成日以為工廈內餐廳晚市會相對較靜，但我哋晚上8:00到達嘅時候，見到餐廳都坐得滿滿的，好彩我哋有訂枱，所以即刻可以入座。懶人食法當然係叫餐啦，呢個set for two $548，計過條數又真係抵過單點喎，一於去馬！首先食個凱撒沙律先，沙律菜新鮮，麵包粒好脆，再灑上少少凱撒沙律醬同埋芝士碎，好開胃！餐包有兩款，一款係加入咗蕃茄乾嘅軟麵包，另一款就係脆脆嘅長麵包條，一定要試嘅係佢個加入咗蕃茜嘅牛油，真係好香好好食。餐湯係羅宋湯，我最鍾意啲湯夠晒熱，酸度適中，非常醒胃。朋友話呢度嘅牛扒好出名，所以一定要試啦，果然勁優質，首先係外面燒得好靚，有晒格仔紋，再配以長青豆、小蕃茄、澳洲新薯，賣相已經攞滿分！揀咗七成熟，切開牛扒仍然保持粉嫩，肉質好淋身，亦好重肉味，難怪朋友話係佢嘅私心推介！另外揀咗Parma Ham pizza， pizza餅底非常薄脆，上面放咗火腿、火箭菜、蕃茄絲，再加上黑醋汁，感覺清新唔油膩。餐飲簡單叫杯凍檸茶，夠晒大杯！甜品係雪糕泡芙，外面用朱古力包住，雖然賣相麻麻地，但食落都O
懶人食法當然係叫餐啦，呢個set for two $548，計過條數又真係抵過單點喎，一於去馬！
首先食個凱撒沙律先，沙律菜新鮮，麵包粒好脆，再灑上少少凱撒沙律醬同埋芝士碎，好開胃！
餐包有兩款，一款係加入咗蕃茄乾嘅軟麵包，另一款就係脆脆嘅長麵包條，一定要試嘅係佢個加入咗蕃茜嘅牛油，真係好香好好食。
餐湯係羅宋湯，我最鍾意啲湯夠晒熱，酸度適中，非常醒胃。
朋友話呢度嘅牛扒好出名，所以一定要試啦，果然勁優質，首先係外面燒得好靚，有晒格仔紋，再配以長青豆、小蕃茄、澳洲新薯，賣相已經攞滿分！
炭燒安格斯西冷牛扒
25 瀏覽
0 讚好
0 留言
另外揀咗Parma Ham pizza， pizza餅底非常薄脆，上面放咗火腿、火箭菜、蕃茄絲，再加上黑醋汁，感覺清新唔油膩。
意大利巴馬火腿薄餅
15 瀏覽
0 讚好
0 留言
甜品係雪糕泡芙，外面用朱古力包住，雖然賣相麻麻地，但食落都OK嘅，不過我就覺得朱古力外層比較甜啲啲。
特別要讚賞一吓呢度嘅職員，佢哋真係好細心，因為佢哋會留意食客每食完一道菜，先會收碟同奉上下一道菜，我真係好鍾意呢種服務，非常貼心！
張貼
