更多
2020-07-08
1769 瀏覽
收工約左朋友食飯,見到呢間法國菜價錢好似幾平民,所以嚟試吓。呢間餐廳個設計比較特別,佢哋係用開放式廚房,所以坐喺度食嘢嘅同時,可以一邊望住啲廚師準備食物,就算要等耐啲先有嘢食,視覺上都可以享受咗先。一開始我就試咗佢個焗古也芝士洋蔥湯,佢個湯好特別,平時去食飯飲餐湯個包都係分開上,而佢呢一個湯就係將個包放埋係入邊。平時食都唔會話浸好多餐湯,但意想不到嘅係,法包加埋呢個洋蔥湯,原來係非常之入味,雖然口感比較林,但索晒啲洋蔥湯嘅味,鹹鹹地咁都幾好食。再嚟就係蘑菇多士,多士係烘過的,面頭有一浸橄欖油,脆得來又有橄欖油嘅香味,一啲都唔會dry,加埋佢嗰個蘑菇忌廉汁,口感超級豐富,非常之立體,而蘑菇亦都好新鮮好香,非常推薦。嚟到主菜,我哋叫咗海鮮墨汁意粉。意粉嘅材料意想不到地多,有蜆、蝦、帶子,仲有車厘茄添。墨汁意粉非常之彈牙,而且煮得好入味添,而且海鮮都好新鮮。另外,我哋仲叫咗一個燒蜜糖檸檬芥茶籽黑毛豬排骨配香蒜薯仔。啲肉唔會話好硬,仲幾Juicy,有好香嘅蜜糖味,甜甜地真係幾好食。至於個薯仔,雖然蒜蓉味唔係話非常之大,但剛好冇掩蓋到薯仔本身烹調嘅味道,保留左薯仔本身嘅香甜,都幾好食㗎。甜品方面
呢間餐廳個設計比較特別,佢哋係用開放式廚房,所以坐喺度食嘢嘅同時,可以一邊望住啲廚師準備食物,就算要等耐啲先有嘢食,視覺上都可以享受咗先。
一開始我就試咗佢個焗古也芝士洋蔥湯,佢個湯好特別,平時去食飯飲餐湯個包都係分開上,而佢呢一個湯就係將個包放埋係入邊。
平時食都唔會話浸好多餐湯,但意想不到嘅係,法包加埋呢個洋蔥湯,原來係非常之入味,雖然口感比較林,但索晒啲洋蔥湯嘅味,鹹鹹地咁都幾好食。
再嚟就係蘑菇多士,多士係烘過的,面頭有一浸橄欖油,脆得來又有橄欖油嘅香味,一啲都唔會dry,加埋佢嗰個蘑菇忌廉汁,口感超級豐富,非常之立體,而蘑菇亦都好新鮮好香,非常推薦。
嚟到主菜,我哋叫咗海鮮墨汁意粉。意粉嘅材料意想不到地多,有蜆、蝦、帶子,仲有車厘茄添。
墨汁意粉非常之彈牙,而且煮得好入味添,而且海鮮都好新鮮。
另外,我哋仲叫咗一個燒蜜糖檸檬芥茶籽黑毛豬排骨配香蒜薯仔。啲肉唔會話好硬,仲幾Juicy,有好香嘅蜜糖味,甜甜地真係幾好食。至於個薯仔,雖然蒜蓉味唔係話非常之大,但剛好冇掩蓋到薯仔本身烹調嘅味道,保留左薯仔本身嘅香甜,都幾好食㗎。
甜品方面有三款,有馬卡龍、朱古力雲呢拿花生雪糕、同埋酥皮蛋撻。
特別值得一提嘅係個蛋撻,因為佢係燒過,所以蛋撻面非常之香脆,而入口就會有濃濃嘅蛋味,酥皮非常鬆脆,有種難以形容嘅融入感覺。
張貼