更多
2020-06-26
2651 瀏覽
知道呢間小店五月裝修後重開 所以再來再戰江湖! 首先就食咗個大會提供嘅海膽, 海膽鋪上青瓜上面食落口清爽。 之後就開始日式放題 ,先叫刺身拼盤 ,刺身仍然保持水準 之後就叫咗冷盤有：拍青瓜 鳳爪 皮蛋 蟹子沙律, 以及我個人推介嘅柚子汁帶子沙律 。之後炸物就叫咗新出品嘅芝麻雞翼 鳳尾蝦 以及炸榴槤丸,再嗌少少壽司 ：有左口魚 鰻魚 赤蝦 以及象拔蚌 。天婦羅方面 有大蝦 茄子 南瓜及蟹柳, 全部炸物出嚟都係新鮮熱辣 以及不油膩! 我個人在推介係金沙雞軟骨 配合清酒一絕。 燒物方面我推介係鹽燒牛脷肉質爽口彈牙, 其次就係燒蝦及燒菠蘿。 最後再要埋個清酒煮蜆及麻醬冷麵 作為呢一餐飯嘅總結😋
張貼