M Kitchen (已結業)

行到荃灣千色匯覺得肚餓，系遠處見到裝修簡約M kitchen，於是入去試試。坐底感覺好舒適，打開菜單點晚餐可以加$10轉特飲，加$18各式小食，於是叫左兩個主餐再加小食。我叫左一份呢到好出名的火熔芝士焗巨脾飯雞髀。大得非常跨張，非常厚肉地，肉質又鬆軟，係高質雞髀。果然名不虛傳。之後上既系三隻炸香草雞翼，粒粒香草鋪上雞翼面。非常酥脆鮮味，又冇太多炸粉。最後上既紅豆蓉雪糕，紅豆夠淋，唔會太甜，又唔會搶到雲尼拿味雪糕。