更多
2020-01-20
210 瀏覽
同阿哥阿嫂加埋小B去咗啟德碼頭間親子餐廳。小朋友有得玩,大人又可以安心食,呢度都係好選擇。兒童餐有軟嫩獅子頭,海鮮豆腐羹,飯,水果同埋有個卡通造型嘅包。份量都好足夠,相信大部份小朋友都食唔晒架啦,個個都掛住去玩,食到1半已經完全心不在焉架啦。小朋友就掛住玩,食緊飯果時個心都係想去繼續玩。不斷望去D玩樂區個方向,完全無睇住D食物,搞到食野時爭D食到成身都係食物。我地大人點咗蜜椒汁雞翼、蔥油拌麵、雞軟骨椒鹽豆腐。蜜椒汁雞翼帶有香香蜜糖味,不過唔會太甜,送飯一流。雞軟骨椒鹽豆腐炸得脆卜卜,又唔會有淋淋。整體食物水平都幾好。
張貼