更多
2020-07-01
5161 瀏覽
食到一肚火既一餐，以後都唔會再黎。我早幾個月聖誕節黎食過一次，覺得都幾好味，所以早幾日朋友話想食韓國野我就推介呢間，點知！出晒事！！！-首先，一上到去，門口既阿豬媽話有位，執緊比我地，叫我地等五分鐘，點知一等就等咗15分鐘，比我發現枱客原來未走！好啦，佢地安排咗我地係廚房同窗邊既一條隙到。係勁逼勁逼。仲要我坐果張凳係卡位款，但得一邊，搞到佢會因為唔平衡而係咁反落黎，變相我坐係到要好似硬板人咁唔郁得。（用咁廣角鏡影，現實係更逼）仲要！我一抬頭係對正廚房。大油煙不在話下，佢地落咩材料都好似係我個頭上面落咁近，試問咁樣既環境我點會食得舒服？-【五花肉泡菜湯】個湯完全無泡菜味，係連我就咁食塊泡菜都係無任何泡菜味。其他野正常，但無泡菜味其實已經係唔合格。-【魷魚勁道麵】我要讚自己影到佢好好味咁，但同事實完全相反。魷魚好un，個麵好似羅宋湯面。有d摸不著頭腦呢個韓國野食真正既味道係咪咁。-【五花肉泡菜餅】上次黎食既時候覺得呢個好好味！所以今次再食，不過五花肉煎到太乾，因為切得好薄，煎到好乾既時候有d似bacon。個汁幾好味，好味係因為個汁。-【甜辣醬炸雞】甜而完全不辣，炸粉太厚，入面雞都唔會柴口，
點知！出晒事！！！
-
首先，一上到去，門口既阿豬媽話有位，執緊比我地，叫我地等五分鐘，點知一等就等咗15分鐘，
比我發現枱客原來未走！好啦，佢地安排咗我地係廚房同窗邊既一條隙到。係勁逼勁逼。
仲要我坐果張凳係卡位款，但得一邊，搞到佢會因為唔平衡而係咁反落黎，變相我坐係到要好似硬板人咁唔郁得。
（用咁廣角鏡影，現實係更逼）
仲要！我一抬頭係對正廚房。大油煙不在話下，佢地落咩材料都好似係我個頭上面落咁近，
試問咁樣既環境我點會食得舒服？
-
【五花肉泡菜湯】個湯完全無泡菜味，係連我就咁食塊泡菜都係無任何泡菜味。
其他野正常，但無泡菜味其實已經係唔合格。
-
【魷魚勁道麵】我要讚自己影到佢好好味咁，但同事實完全相反。
魷魚好un，個麵好似羅宋湯面。有d摸不著頭腦呢個韓國野食真正既味道係咪咁。
-
【五花肉泡菜餅】上次黎食既時候覺得呢個好好味！所以今次再食，
不過五花肉煎到太乾，因為切得好薄，煎到好乾既時候有d似bacon。
個汁幾好味，好味係因為個汁。
-
【甜辣醬炸雞】甜而完全不辣，炸粉太厚，入面雞都唔會柴口，但雞肉本體有d少。
-
總結，由入鋪到離開，整體體驗，無論係環境服務食物都係極BAD。
我去食碗車仔麵都坐得舒服過呢到啦。野食無平到，水準就差咗。
bye啦bingo & cook。無下次。
張貼
