更多
2020-06-03
3162 瀏覽
想為屋企個廳更換廳燈，於是嚟左荃灣中染到行個圈，雖然最終未有買到嘢落袋，但行左過去愉景新城搵食，當然有啲唔可以食喇，但估唔到搵到間食日本菜嘅好嘢夜晚9點前嚟到都有8成坐滿，依家香港咁嘅情況下有咁多人算係好好，加強信心，最意外係個餐牌咁多嘢揀，好似放題咁，前菜、沙律、壽司、炸物、串燒都有，非常吸引睇menu都眼花瞭亂，揀唔落手就決定向壽司埋手！叫咗火炙左口魚、芝士蝦卷、三文魚、帆立貝，質素真係幾好！火炙左口魚「脂」味豐富，入口成咀油香，一流！而芝士蝦卷都好好味，香口又夠大份！不過要提提啲豉油同埋芥末，芥末應該係手磨嘅，唔太辣又有啲粒粒，有自然風味！而豉油就同一般食開有少少唔同，甜啲濃味啲，點少少已經好襯啲壽司！壽司之外，我哋再叫多咗兩隻燒蠔，同埋想試埋佢嘅韓風嘢，所以叫咗泡菜豚肉煲！豚肉煲有少少crossover嘅，湯底同豚嘅醃製方式都係和風，不過就加咗泡菜去煲，都足料架！成個煲爆晒，一開始有啲難落手添！豚肉好香甜，味道係偏濃味嘅，但勝在煲耐咗都唔韌，可能因為切得夠薄！湯底甜甜哋似壽喜燒汁，加埋少辣嘅泡菜係好開胃！最開心係有粗身粉絲喺底，咁好味嘅湯底可以回味多幾次！至於燒蠔就非常多汁，火
夜晚9點前嚟到都有8成坐滿，依家香港咁嘅情況下有咁多人算係好好，加強信心，最意外係個餐牌咁多嘢揀，好似放題咁，前菜、沙律、壽司、炸物、串燒都有，非常吸引
睇menu都眼花瞭亂，揀唔落手就決定向壽司埋手！叫咗火炙左口魚、芝士蝦卷、三文魚、帆立貝，質素真係幾好！火炙左口魚「脂」味豐富，入口成咀油香，一流！
而芝士蝦卷都好好味，香口又夠大份！不過要提提啲豉油同埋芥末，芥末應該係手磨嘅，唔太辣又有啲粒粒，有自然風味！而豉油就同一般食開有少少唔同，甜啲濃味啲，點少少已經好襯啲壽司！
壽司之外，我哋再叫多咗兩隻燒蠔，同埋想試埋佢嘅韓風嘢，所以叫咗泡菜豚肉煲！豚肉煲有少少crossover嘅，湯底同豚嘅醃製方式都係和風，不過就加咗泡菜去煲，都足料架！成個煲爆晒，一開始有啲難落手添！豚肉好香甜，味道係偏濃味嘅，但勝在煲耐咗都唔韌，可能因為切得夠薄！湯底甜甜哋似壽喜燒汁，加埋少辣嘅泡菜係好開胃！最開心係有粗身粉絲喺底，咁好味嘅湯底可以回味多幾次！
至於燒蠔就非常多汁，火喉剛剛好！一咬落去真係咇晒啲汁出嚟，好滿足！
不過少少建議，想食真係要早啲嚟！我哋9點前後入座，已經無晒燒牛舌同埋好想試嘅鍋巴，下次要早啲嚟先得！
張貼
