更多
2020-03-18
3784 瀏覽
朋友約我食飯，我又想打邊爐，但邊爐家族事件又令我卻步喎。之不過係度諗，依家疫症應該唔多人出街食飯嘅，就懷住咁嘅心態去食啦。佢可以係網上同Openrice book位，但即日冇得book，我打上去侍應都有禮貌話要walk in等位，咁由佢啦，反正我6點幾去應該好快有位掛。我6點35分上到去，嘩，少年我真係太年輕啦，太睇少班年輕人，都有成十個八個係度等位，咁我就拿拿臨拎飛啦，男侍應同我講應該7點可以入座，大約等Walk in 2-3人位嘅6張檯左右啦。一路等位一路有人入黎，差不多成條走廊迫滿晒人，我等左大約25分鐘左右就可以入座啦。安排左一張圓檯分開一半俾我同朋友2個人，不過都冇所謂啦，半張檯都夠大嘅。我叫左個帝王食補薑母鴨窩(+$50)，用手機scan QR code落單，出面自助區有好多款醬料同丸菜類任揀（要拎佢提供個黑色大碗去拎打邊爐料）自助飲品櫃超多野揀桂花烏龍好飲手機like佢個page可以有杯黑糖珍珠鮮奶飲，真係好飲過出面台式個d。我地揀左極上和牛吃到飽($298) ，依個餐每人有2粒澳洲和牛牛丸，好好味呀～我都分唔到邊款係安格斯特選牛板腱､安格斯牛小排､澳洲和牛M5牛肩卷鮮甜
之不過係度諗，依家疫症應該唔多人出街食飯嘅，就懷住咁嘅心態去食啦。
佢可以係網上同Openrice book位，但即日冇得book，我打上去侍應都有禮貌話要walk in等位，咁由佢啦，反正我6點幾去應該好快有位掛。
我6點35分上到去，嘩，少年我真係太年輕啦，太睇少班年輕人，都有成十個八個係度等位，咁我就拿拿臨拎飛啦，男侍應同我講應該7點可以入座，大約等Walk in 2-3人位嘅6張檯左右啦。
一路等位一路有人入黎，差不多成條走廊迫滿晒人，我等左大約25分鐘左右就可以入座啦。
安排左一張圓檯分開一半俾我同朋友2個人，不過都冇所謂啦，半張檯都夠大嘅。
我叫左個帝王食補薑母鴨窩(+$50)，用手機scan QR code落單，出面自助區有好多款醬料同丸菜類任揀（要拎佢提供個黑色大碗去拎打邊爐料）
自助飲品櫃
超多野揀
桂花烏龍好飲
手機like佢個page可以有杯黑糖珍珠鮮奶飲，真係好飲過出面台式個d。
我地揀左極上和牛吃到飽($298) ，依個餐每人有2粒澳洲和牛牛丸，好好味呀～
我都分唔到邊款係安格斯特選牛板腱､安格斯牛小排､澳洲和牛M5牛肩卷
鮮甜海蝦同脆肉鯇魚腩
海蝦一般貨仔，但鯇魚腩好爽
水蓮同澎湖花枝漿
第一次食水蓮，都幾fresh
牛媽秘製滷水牛肚､牛媽秘製滷水牛筋
台式蝦餃､豐原排骨酥(火鍋料)､美人花膠､牛媽秘製滷大腸
即炸午餐肉､鬼馬老油條
熟食（冇我想食嘅鴨血，因為話黎唔到貨喎）
土林鹽酥雞(辣)
但我唔覺得辣喎，同埋雞胸位有d鞋
魚香皮蛋豆腐
好大舊豆腐，我冇食到，成舊朋友食
最後每人一杯movenpick雪糕。
總括黎講，牛大人之所以係疫症同股市大跌下仲生存到，因為食物獨特，多選擇，食品質素又高，岩晒年輕人黎打卡或吹水地方。我自己都覺得好滿意（除左要等位外），食左$711。我諗下次會選擇食中價個價位。
張貼
