更多
2020-02-28
3644 瀏覽
近排疫情咁嚴重，都好少出去食飯；今次就破例同朋友去咗一間良心嘅韓國餐廳慶祝生日。呢間餐廳位於山東街街口嘅二樓，叫Outdark，因為我哋一早就已經打電話去預約，所以唔洗等位，入面都差唔多坐滿哂，生意好好！點解會話呢間係良心餐廳，因為佢會派一個口罩比顧客，真係好感動，完全發揮哂香港人互相幫助嘅精神！呢間韓國餐廳係我食過最好食嘅一間，一定要推介比大家。首先，韓國菜一定唔少得炸雞，我哋叫咗半份原味炸雞，雞肉外脆內軟，好juicy，仲有四款醬可以點，有韓式芥辣、韓式醬油、蒜蓉蜜糖醬同韓式辣醬，一定有一款啱哂你！食完炸雞之後就有我好鍾意食嘅韓式紫菜包飯，炭豚飯捲，飯捲入面好足料，有炭燒豚肉、蘿蔔、青瓜同雞蛋等等，係必食推介！天氣凍凍哋，想食啲熱食，我哋叫呢個串串魚糕湯就啱哂！清甜嘅野菜香菇魚糕湯底，配上韓式年糕、蘿蔔、魚蛋，仲有烏冬，真係冇得頂呀！飲品方面我就叫咗呢個打卡呃like之選，Blue Girl Rita，睇得、玩得又飲得！仲有一杯養生熱嘅甘菊茶今晚呢餐大家都食得好開心，飽哂，希望疫情快啲完，我下次會再嚟過㗎！
呢間餐廳位於山東街街口嘅二樓，叫Outdark，因為我哋一早就已經打電話去預約，所以唔洗等位，入面都差唔多坐滿哂，生意好好！
點解會話呢間係良心餐廳，因為佢會派一個口罩比顧客，真係好感動，完全發揮哂香港人互相幫助嘅精神！
呢間韓國餐廳係我食過最好食嘅一間，一定要推介比大家。首先，韓國菜一定唔少得炸雞，我哋叫咗半份原味炸雞，雞肉外脆內軟，好juicy，仲有四款醬可以點，有韓式芥辣、韓式醬油、蒜蓉蜜糖醬同韓式辣醬，一定有一款啱哂你！
食完炸雞之後就有我好鍾意食嘅韓式紫菜包飯，炭豚飯捲，飯捲入面好足料，有炭燒豚肉、蘿蔔、青瓜同雞蛋等等，係必食推介！
天氣凍凍哋，想食啲熱食，我哋叫呢個串串魚糕湯就啱哂！清甜嘅野菜香菇魚糕湯底，配上韓式年糕、蘿蔔、魚蛋，仲有烏冬，真係冇得頂呀！
飲品方面我就叫咗呢個打卡呃like之選，Blue Girl Rita，睇得、玩得又飲得！
仲有一杯養生熱嘅甘菊茶
今晚呢餐大家都食得好開心，飽哂，希望疫情快啲完，我下次會再嚟過㗎！
張貼
