更多
2020-06-30
1142 瀏覽
餐廳採用歐式裝潢，柔和燈光播放住輕鬆悠揚嘅英文歌，感覺好relax。嚟到Oyster House一定要食生蠔啦。叫咗【Yellow Stone】、【Rollex M】、【Irish Rock】各兩隻。三款都大隻爽脆好鮮美，口味方面我就鍾意Irish Rock，海水味淡但鮮味突出。【手切三色脆片(薯仔、蕃薯、紅菜頭)】現切現炸嘅香脆薯片，有純鹹味(薯仔)、鹹中帶甜(蕃薯)同鹹中帶酸甜(紅菜頭)。裡面配嘅羅勒葉都係炸過，同薯片一齊食，味道又幾夾。【自家製蟹餅】蟹餅炸到外皮超脆，裡面好多蟹肉，蟹味勁濃，啱晒鍾意食蟹嘅我。【黑松露野菌忌廉湯】個湯都幾濃稠。黑松露野菌忌廉湯黑松露味同野菌味平衡，啖啖香濃野菌味，好出色。【炭燒加拿大天然豬鞍】又厚又大塊嘅豬鞍，上面大條炭燒格紋。切開豬鞍質感軟腍，燒到接近九成熟，肉色有少少粉嫩。咬落去肉汁相當豐富，而且肥瘦適中肉香脂肪香兼備。【香蕉拖肥批】厚身又大件嘅香蕉拖肥批，面頭係軟滑蛋糕、中間係香蕉肉，下面係餅底。食個咁豐富嘅甜品，今晚真係Perfect~
嚟到Oyster House一定要食生蠔啦。叫咗【Yellow Stone】、【Rollex M】、【Irish Rock】各兩隻。三款都大隻爽脆好鮮美，口味方面我就鍾意Irish Rock，海水味淡但鮮味突出。
【手切三色脆片(薯仔、蕃薯、紅菜頭)】現切現炸嘅香脆薯片，有純鹹味(薯仔)、鹹中帶甜(蕃薯)同鹹中帶酸甜(紅菜頭)。裡面配嘅羅勒葉都係炸過，同薯片一齊食，味道又幾夾。
【自家製蟹餅】蟹餅炸到外皮超脆，裡面好多蟹肉，蟹味勁濃，啱晒鍾意食蟹嘅我。
【黑松露野菌忌廉湯】個湯都幾濃稠。黑松露野菌忌廉湯黑松露味同野菌味平衡，啖啖香濃野菌味，好出色。
【炭燒加拿大天然豬鞍】又厚又大塊嘅豬鞍，上面大條炭燒格紋。切開豬鞍質感軟腍，燒到接近九成熟，肉色有少少粉嫩。咬落去肉汁相當豐富，而且肥瘦適中肉香脂肪香兼備。
【香蕉拖肥批】厚身又大件嘅香蕉拖肥批，面頭係軟滑蛋糕、中間係香蕉肉，下面係餅底。食個咁豐富嘅甜品，今晚真係Perfect~
張貼
