更多
2020-07-01
917 瀏覽
朋友推薦我食呢間經常幫襯嘅日式燒肉，話有去咗日本食燒肉嘅感覺。習慣咗食燒肉或者油膩野之前會先食一啲蔬菜，日式麻醬豆腐沙律就啱晒我，粟米豆腐都令到我陣間開胃啲。美國Prime牛小排，味道算係比較一般喺香港食燒肉會食到嘅牛扒，但係佢脂肪比例比較好，燒熟之後都仲係好淰，嚟到依間燒肉一定要試。美國Prime牛角切，呢碟牛角切，比起牛扒更肥脂肪更多，食過出面好多牛角切好多時候肉質都係比較靭，但呢一點完全唔會，可以放心六面都燒香一啲。鹽燒豬腩肉係有驚喜嘅，初頭見到佢以為會好肥好膩，但係可能佢切得比較薄，當燒到啲脂肪位溶晒，成塊腩肉變到好香脆好好食，一啲都唔肥膩。鍾意牛味比較濃嘅就一定要試吓呢碟特選霜降牛仔骨，牛肉嚟講呢碟係最平嘅，但係黐住骨嘅部份肉質係最好食，肥瘦亦都適中。海鮮呢揀咗呢個，日本帆立貝黑松露蒜蓉牛油燒，聽個名入邊嘅材料就知道佢有幾好食，帆立貝夠新鮮夠大隻，吸晒溶咗嘅松露同牛油汁，無可挑剔，食完一隻會有想食多隻嘅衝動。仲有其他日本燒肉店先食到嘅肉呢度都有，好似A4和牛， A5飛驒牛同埋其他海鮮就下次先再嚟試。
習慣咗食燒肉或者油膩野之前會先食一啲蔬菜，日式麻醬豆腐沙律就啱晒我，粟米豆腐都令到我陣間開胃啲。
美國Prime牛小排，味道算係比較一般喺香港食燒肉會食到嘅牛扒，但係佢脂肪比例比較好，燒熟之後都仲係好淰，嚟到依間燒肉一定要試。
美國Prime牛角切，呢碟牛角切，比起牛扒更肥脂肪更多，食過出面好多牛角切好多時候肉質都係比較靭，但呢一點完全唔會，可以放心六面都燒香一啲。
鹽燒豬腩肉係有驚喜嘅，初頭見到佢以為會好肥好膩，但係可能佢切得比較薄，當燒到啲脂肪位溶晒，成塊腩肉變到好香脆好好食，一啲都唔肥膩。
鍾意牛味比較濃嘅就一定要試吓呢碟特選霜降牛仔骨，牛肉嚟講呢碟係最平嘅，但係黐住骨嘅部份肉質係最好食，肥瘦亦都適中。
海鮮呢揀咗呢個，日本帆立貝黑松露蒜蓉牛油燒，聽個名入邊嘅材料就知道佢有幾好食，帆立貝夠新鮮夠大隻，吸晒溶咗嘅松露同牛油汁，無可挑剔，食完一隻會有想食多隻嘅衝動。
仲有其他日本燒肉店先食到嘅肉呢度都有，好似A4和牛， A5飛驒牛同埋其他海鮮就下次先再嚟試。
張貼
