18樓雞煲火鍋專門店

營業中

休息中

第一次幫襯這家店已是幾個月前，不過裝修及口味都非常合我心意，所以今日就帶了媽咪過來試試。媽咪喜歡吃雞煲，不過經常覺得鋪頭衛生麻麻，抽氣時出問題，特別侷促，今次是少有一間令她滿意的鋪頭，所以特地介紹下！——————————🔹雞煲食雞煲點可以不辣！今次同樣叫了小辣，惹味一點，二人份量多，雞件飽滿不肥，最重要是調味剛好，不會煎得太焦或太濃，加入紅洋蔥、芹菜、芫荽等提香，香氣好足！如果香菜量更多就更好！-🔸火鍋$178雞煲+火鍋，任食2.5小時，抵食又有時間同親朋傾計！點菜用QR code系統，沒漏單亦快送到，服務不錯；食物種類多，超過80款任飲任食，質素亦好。-雪花肥牛選用美國肩胛，色澤鮮紅，肉味濃而不肥；頂級梅頭豬肉同樣重肉味，不過肉片可能未完全解凍，肉色偏暗；豬潤驚喜，粉嫩不會有雜味。-鯇魚新鮮脆口，蜆肉飽滿大隻；即炸響鈴大大件，吸滿湯汁夠入味。媽咪最喜歡外面自取的蔬菜，每一款摘好用碗裝好，超級鮮甜，最愛西洋菜，養生又清甜。