更多
2019-12-20
6271 瀏覽
之前一直想嚟呢間餐廳試下，嗰陣得銅鑼灣有，但weekend去親都爆多人。而家喺尖沙咀都開咗分店，可以lunch同同事偷走嚟睇下佢有幾咁「麻麻地」🙊。餐廳喺正加連威老道一幢翻新嘅大廈，有落地玻璃向街，去到樓下先發現原來無電梯(應該係)，要行樓梯...，好彩2層姐。一入到去就已經覺得個環境好正，真心好多打卡位，睇得出花咗好多心機裝修，天花、牆壁、掛畫、擺設都好靚，我最鍾意咁色彩班爛嘅風格🌈。餐廳接近9成滿，唔止女仔多，竟然仲有唔少上班族嘅大男人嚟食，佢哋都係咁影相🤣。呢到都有提供Lunch Set Menu，連餐飲，但款式唔係特別吸引，所以我哋揀返大Menu嗰啲，所有食物名稱都好鬼正，又係餐廳另一賣點。另外，餐枱餐具都係好有個性，聽到隔離個男人講呢到食裝修都抵XD，嗯我都好同意！噢賣葛限定嘅好邪惡既咸蛋牛油果蟹肉比薩($116)，一嚟到已經聞到超香，熱辣辣焗起，係薄批嚟嘅，所以好脆口。我哋完全估唔到依個pizza🍕咁好食，首先芝士量非常足，好味又能夠拉絲，二來係個咸蛋王味恰到好處，超香口但又唔會太濃或鹹啊。最後就係啲餡好足料，有六片pizza每片都有一隻蟹鉗仔之外，其實中間係有好多真蟹肉🦀
之前一直想嚟呢間餐廳試下，嗰陣得銅鑼灣有，但weekend去親都爆多人。而家喺尖沙咀都開咗分店，可以lunch同同事偷走嚟睇下佢有幾咁「麻麻地」🙊。餐廳喺正加連威老道一幢翻新嘅大廈，有落地玻璃向街，去到樓下先發現原來無電梯(應該係)，要行樓梯...，好彩2層姐。
一入到去就已經覺得個環境好正，真心好多打卡位，睇得出花咗好多心機裝修，天花、牆壁、掛畫、擺設都好靚，我最鍾意咁色彩班爛嘅風格🌈。餐廳接近9成滿，唔止女仔多，竟然仲有唔少上班族嘅大男人嚟食，佢哋都係咁影相🤣。
呢到都有提供Lunch Set Menu，連餐飲，但款式唔係特別吸引，所以我哋揀返大Menu嗰啲，所有食物名稱都好鬼正，又係餐廳另一賣點。另外，餐枱餐具都係好有個性，聽到隔離個男人講呢到食裝修都抵XD，嗯我都好同意！
好邪惡既咸蛋牛油果蟹肉比薩
$116
50 瀏覽
0 讚好
0 留言
噢賣葛限定嘅好邪惡既咸蛋牛油果蟹肉比薩($116)，一嚟到已經聞到超香，熱辣辣焗起，係薄批嚟嘅，所以好脆口。我哋完全估唔到依個pizza🍕咁好食，首先芝士量非常足，好味又能夠拉絲，二來係個咸蛋王味恰到好處，超香口但又唔會太濃或鹹啊。最後就係啲餡好足料，有六片pizza每片都有一隻蟹鉗仔之外，其實中間係有好多真蟹肉🦀，食得出蟹甜味，而唔係偽蟹柳。唯一少少可挑剔嘅地方就係面頭個蟹鉗啲肉，有啲乾身，好難撩佢出嚟。
唔好抱咁大期望蒲燒鰻魚蛋包飯($118)，要咗升級版(+$28)要原條鰻魚。上菜發現升級咗個造型真係勁有霸氣，因為條鰻魚真係好大條，仲長過個碟😎。鰻魚下低就係大大個蛋包飯，同有啲木魚碎，但啲木魚唔知點解無平日咁扭嚟扭去🤔。整體份量多，夠餸夠汁幾唔錯，不過飯本身差少少，食得出係珍珠米，但比較乾身，唔係好索到汁。
本身想要埋甜品，是日精選係檸檬cheesecake，見隔離枱叫咗都幾大嚿幾吸引。但食完上面兩樣嘢之後，已經超飽，飽到放工...。知份量唔少，但又真係無諗過會飽到咁誇張🙈。
總括嚟講，Mamaday其實一啲都唔「麻麻地」，環境裝修真係唔馬虎，連天花都有條火車軌囉🚅！至於食物方面，雖然我只係試得兩樣，但味道都算係咁，因為我本身無expect會好好食，主要都係嚟打吓卡咁，但個好邪惡嘅pizza直頭令我喜出望外，一定要嗌，必食推介😋。至於定價，雖然説不上平，但食物好味大份，最低消費都只係一杯飲品/食物，就可以坐下影下相吹下水，性價比高，去連鎖咖啡店買一杯都差唔多錢，但又無咁坐喎。如果未嚟過，我覺得係值得一試👍。
張貼
