更多
2020-06-22
5396 瀏覽
因應疫情下嘅四人及八人限聚令，今年父母親節嘅慶祝活動結果就分散哂黎進行，當中令做東嘅小肥最難忘嘅必數名店「松菱日本料理」嘅鐵板燒晚餐。位於灣仔會展商場三樓嘅日本餐廳暗黑嘅入口通道帶點神秘，光線柔和嘅用餐大堂則非常開揚，幾個互相連接嘅大型鐵板燒爐坐滿食客都完全冇話煙霧瀰漫，抽氣相當強勁。店內簡樸時尚嘅裝潢中可見不少懷舊嘅和風吊飾及擺設，低調得黎仍能感受到內藏嘅氣派。由於全店滿座，八人飯局被安排於廂房內進行，以一點五米之距同另外一對食客隔開之後都仲有好多空間，舒適闊落得很。座位圍繞著師傅嘅鐵板大舞台，餐桌上有齊備嘅自用餐具、調味汁及禮服圍裙，簡潔衛生。厚本餐牌共有十五頁之多，打開一睇，原來店子已經開咗成四十年，應該都可以叫做老字號喎！由於OpenRice上嘅餐牌未齊，細佬就喺度續一展示，順便簡單講兩句。多得契爺介紹，慶祝晚宴全部叫哂套餐，每客均包齊前菜、沙律、燒蝦或帶子或鱔或魷魚、燒野菜、炒飯或麵、湯、生果或雪糕。晚市套餐有兩款可選，分別在於主菜嘅選擇：第一款價格較經濟嘅「特別定食」（$550 - $580/位）可選美國靚牛或日本黑豚肉或羊架。而第二款「松菱定食」（$780 - $930/
位於灣仔會展商場三樓嘅日本餐廳暗黑嘅入口通道帶點神秘，光線柔和嘅用餐大堂則非常開揚，幾個互相連接嘅大型鐵板燒爐坐滿食客都完全冇話煙霧瀰漫，抽氣相當強勁。店內簡樸時尚嘅裝潢中可見不少懷舊嘅和風吊飾及擺設，低調得黎仍能感受到內藏嘅氣派。
由於全店滿座，八人飯局被安排於廂房內進行，以一點五米之距同另外一對食客隔開之後都仲有好多空間，舒適闊落得很。座位圍繞著師傅嘅鐵板大舞台，餐桌上有齊備嘅自用餐具、調味汁及禮服圍裙，簡潔衛生。
厚本餐牌共有十五頁之多，打開一睇，原來店子已經開咗成四十年，應該都可以叫做老字號喎！
由於OpenRice上嘅餐牌未齊，細佬就喺度續一展示，順便簡單講兩句。多得契爺介紹，慶祝晚宴全部叫哂套餐，每客均包齊前菜、沙律、燒蝦或帶子或鱔或魷魚、燒野菜、炒飯或麵、湯、生果或雪糕。晚市套餐有兩款可選，分別在於主菜嘅選擇：第一款價格較經濟嘅「特別定食」（$550 - $580/位）可選美國靚牛或日本黑豚肉或羊架。
而第二款「松菱定食」（$780 - $930/位）則可選A4和牛或日本雞或西班牙伊比利亞豬。
其餘嘅十三頁單點項目全部分類列出：前菜、刺身、壽司、燒物、美國牛肉、佐賀牛肉、飛驒牛肉、節令野菜、一品料理、湯、飯、麵、甜品。
XO仔好有計劃地點咗五客美國薄切西冷「U.S. Prime Sliced Sirloin」（$580/位）及三客和牛西冷「A4 Japanese Sirloin Steak」（$900/位），燒物一環就點咗燒蝦及燒帶子，單尾清一色食炒飯，並勞煩樂師傅平均分給各人；甜品最後先各自點。
場內嘅服務生友善好客，且落力體貼，斟酒速度仲非常迅速，面前嘅酒杯可保持常滿狀態實在難得！請留意，自攜靚酒所收取嘅開瓶費係視乎酒樽嘅大細：少於或等同750ml為$300/樽，1.5L或1.8L則為$800/樽。
自攜靚酒
331 瀏覽
2 讚好
0 留言
沙律
194 瀏覽
1 讚好
0 留言
咖哩厚切牛脷
164 瀏覽
1 讚好
0 留言
蘋果醬油、橙味茄汁、梨味甜豉油
141 瀏覽
1 讚好
0 留言
燒蝦
174 瀏覽
1 讚好
0 留言
燒帶子
126 瀏覽
1 讚好
0 留言
蒜片
74 瀏覽
1 讚好
0 留言
蒜片
87 瀏覽
1 讚好
0 留言
美國薄切西冷
57 瀏覽
1 讚好
0 留言
美國薄切西冷
77 瀏覽
1 讚好
0 留言
和牛西冷
81 瀏覽
3 讚好
0 留言
和牛西冷
80 瀏覽
1 讚好
0 留言
和牛西冷
77 瀏覽
1 讚好
0 留言
炒雜菜
99 瀏覽
2 讚好
0 留言
靚牛炒飯
66 瀏覽
1 讚好
0 留言
海鹽雪糕
70 瀏覽
1 讚好
0 留言
張貼
