鍋処雪舟 (已結業)

今日同男朋友嚟咗銅鑼灣呢間餐廳食日本嘢，個人覺得呢度既lunch set喺銅鑼灣區來講定價都唔正常，加上非常好嘅環境同埋食物質素都好唔錯，我一定會再encore。呢度所有嘅lunch set都會包前菜，沙律，同埋超級超級好食嘅茶碗蒸。唔係講笑，呢度嘅茶碗蒸非常滑，個味道亦都調校得好好！主食方面，今次嗌左雪舟壽司set，總共有八件壽司，同埋兩件玉子燒。師傅手勢好好，壽司飯唔會太鬆散或者太硬。而且魚生亦都非常新鮮，個人最愛一定係三文魚子同埋海膽，鮮味十足啊！玉子燒亦都值得一讚，甜甜地，又夠厚切。本身以為就咁就完，點知食完壽司之後，侍應突然之間拎上一碗熱辣辣嘅湯烏冬。烏冬好滑，簡單配以昆布同埋豉油清湯已經好好食，成個餐份量啱啱好。原來仲未完！仲有甜品，係好靚嘅水信玄餅！打卡一流之外，口感亦都好特別，加埋黑糖漿，非常圓滿。