九份•十分 (河畔花園) (已結業)

今天晚上去了沙田水田河畔選了這間台灣菜館(因為在網上睇節目時介紹台灣牛肉麵，而且在openrice亦見評語不俗，所以去了一試。一進店舖，裝修不錯，有一點台南小鎮的感覺。打開餐牌，馬上點了紅燒半筋半肉牛肉麵、芭樂鳳梨鹽水雞干拌麵、台式烤香腸、忌廉芝士磨菇雞翼、老媽煎餃子、柳丁綠茶及青瓜梳打。先講牛肉麵、牛肉都算入味,但偏「淋」，沒有台灣牛肉麵的咬口，應該是在煲裡煮了一段長時間(感覺就好似香港啲茶餐廳牛腩飯一樣咁淋，而且湯味偏淡，菜圃亦很少，而且完全無味，麵身食落去同大家食啲削麵無分別(不過大家食仲有得自己落菜圃)，所以呢個牛肉麵係唔合格。而鹽水雞干拌麵，全部都係雞胸肉，仲要係完全無味，所以都係唔合格。烤香腸就正常，都係一般台灣腸的味道。雞翼反而唔錯，食落去無骨之餘，啲忌廉味都幾香，而且都幾多磨菇，配搭唔錯，值得一試。煎餃子就無乜驚喜，普普通通。柳丁綠茶都係普通，反而杯青瓜梳打幾香，飲落口個感覺幾清新。整體嚟講，小食係唔錯，但當正餐(牛肉麵)就麻麻地。