更多
2020-10-21
3085 瀏覽
太耐冇食自助餐,近近地去返附近比較出名既自助餐食返次。咁啱佢呢排又做緊promotion,見佢食物種類都算多,所以就試吓。前菜方面,冷凍海鮮種類都算幾多,蝦,大螺,蟹腳,青口,煙三文魚都有,不過今晚咁啱就冇龍蝦,所以如果想瘋狂食龍蝦嘅人,就要提前問定酒店嗰日會唔會提供龍蝦。味道方面,唔算話特別鮮甜好食,不過勝在種類較多。其他頭盤就冇試啦,因為唔係幾吸引。cold cut完全冇風乾火腿或者辣肉腸嗰啲,不過有煙三文魚,煙三文魚幾好食。主菜就都係嗰啲,有啲通心粉,雞翼,咖喱雞,龍利柳,雜菜,紅酒膾牛脷等等,不過我全部都冇試😂因為大家食自助餐其實都係想食啲貴價嘢㗎啦。所以以下都淨係會講你哋關心嘅嘢。生蠔🦪望落去幾新鮮,有個小妹妹即場開同洗,都唔使點等。鵝肝,出得都算幾快,唔使大排長龍。不過我就嫌佢啲鵝肝出邊係有層炸粉,同埋冇醬汁,所以食落去就有啲油膩。魚生唔知點解好少人食,我就冇試啦,不過見佢種類都好似幾多咁。麻辣湯帶子蜆粉絲煲,鍾意食麻辣火鍋嘅一定要食呢個,真係好鬼過癮。佢係即叫即煮嘅,可以叫佢少辣。但真心呢個係成個自助餐裏邊最好食😋可能因為我真係好鍾意食辣。但佢個麻辣湯真係夠晒重口味,啲粉
前菜方面,冷凍海鮮種類都算幾多,蝦,大螺,蟹腳,青口,煙三文魚都有,不過今晚咁啱就冇龍蝦,所以如果想瘋狂食龍蝦嘅人,就要提前問定酒店嗰日會唔會提供龍蝦。味道方面,唔算話特別鮮甜好食,不過勝在種類較多。
其他頭盤就冇試啦,因為唔係幾吸引。cold cut完全冇風乾火腿或者辣肉腸嗰啲,不過有煙三文魚,煙三文魚幾好食。
主菜就都係嗰啲,有啲通心粉,雞翼,咖喱雞,龍利柳,雜菜,紅酒膾牛脷等等,不過我全部都冇試😂因為大家食自助餐其實都係想食啲貴價嘢㗎啦。所以以下都淨係會講你哋關心嘅嘢。
生蠔🦪望落去幾新鮮,有個小妹妹即場開同洗,都唔使點等。
鵝肝,出得都算幾快,唔使大排長龍。不過我就嫌佢啲鵝肝出邊係有層炸粉,同埋冇醬汁,所以食落去就有啲油膩。
魚生唔知點解好少人食,我就冇試啦,不過見佢種類都好似幾多咁。
麻辣湯帶子蜆粉絲煲,鍾意食麻辣火鍋嘅一定要食呢個,真係好鬼過癮。佢係即叫即煮嘅,可以叫佢少辣。但真心呢個係成個自助餐裏邊最好食😋可能因為我真係好鍾意食辣。但佢個麻辣湯真係夠晒重口味,啲粉絲索晒啲湯之後,好入味,正。其實另外佢仲有辣酒煮花螺,不過個賣相真係好差,差到我唔夠膽食。但有呢個麻辣湯補救下都算係咁。
最後到甜品,甜品種類都算幾多,芒果拿破崙係好出名嘅。另外仲有個冧酒蛋糕,味道都唔錯,酒味濃郁。反而tiramisu就麻麻哋。另外仲有個迷你葡撻,一路有焗爐熱住,非常鬆軟,甜度剛剛好,好食。
甜品就梗係要講埋自助餐比較少有嘅心太軟,雖然佢賣相灰灰地咁樣,但係都幾好食。唯一缺點就係入邊唔夠燙心。如果大家想食新鮮出爐嘅,記得要去甜品枱嗰度睇住甜品哥哥個倒計時,佢會倒數下一批心太軟嘅出爐時間。
另外雪糕方面,雖然佢唔係有Movenpick或者Häagen-Dazs既新鮮雪糕,不過杯裝雪糕來講嘅話,選擇都算多。Häagen-Dazs嘅雪糕都有士多啤梨,cookies and cream,雲呢拿。Dreyers既就有triple chocolate。算係咁啦。
總體黎講不過不失。400蚊既自助餐黎講,食物總類係多既,但質素就平平無奇。你俾幾多錢佢就比同等嘅貨色你,我覺得呢一方面佢都做得幾均真。
服務方面侍應都幾好,收碟收得幾快,問佢攞濕紙巾,加水嗰啲都好有效率。呢方面值得讚。
張貼