Espuma (H8) (已易手) 新餐廳

今日係漫無目的地行街，係咁意想吃個飯但又唔想吃太飽。查實呢間我地之前已經想黎試下，我嘅原因係餐廳個裝修幾靚。諗住吃下午茶的，不過太晏所以只有晚餐Menu。同埋呢間餐廳嘅價錢都偏高架。牛油果蝦沙律貪佢有牛油果，夠飽肚。蝦都大隻，有桃令到成個沙律更清新。沙律配搭好簡單，唔算話有啲咩驚喜。帶子菠菜汁意大利飯我鍾意個汁，夠香同夠濃。帶子亦夠大粒，意大利飯都煮得啱啱好。我諗係我期望過高。話就話係西班牙餐廳，但Menu入面啲野好多都係意大利野，還是係西班牙都食意大利野？同埋野食都係好基本嘅西餐，查實真係冇乜特別。食物係正常嘅，唔難食，但又唔係好好食囉，會係食完之後唔會特別返轉頭嗰啲。