麵麵 (已結業)

好耐之前黎過一次麵麵食魚湯麵，今次就決定食下呢度嘅拌麵。原來呢度午市免加一，變相九折，都幾抵。餐台上見到$10炸魚皮，即刻點一份。好脆不過感覺放落湯麵一齊食會比較夾。我就揀左安格斯牛肉拌麵，本身跟前菜，有我最愛嘅紫薯仔，仲有啲酸甜可口嘅紫菜同清清地嘅蘿蔔條。拌麵係用胡麻醬，好日式嘅感覺。麵條果然有質素，係彈牙爽口，夠曬滑。飲品揀左少見嘅斑蘭咖啡，有一塊葉，感覺特別。味道就係斑蘭蛋糕嘅味道，唔算好甜，咖啡味都頗濃。