更多
2020-03-29
5794 瀏覽
兩口子又出動捐窿捐罅發掘好野食，今次嚟到灣仔試試呢間主打日式海鮮的餐廳。是日晚餐Set Menu主要圍繞海鮮做題材，套餐包括沙律、餐湯、前菜、主菜和甜品，睇落都幾豐富。📌野菜沙律沙律菜新鮮，加上酸甜的胡麻醬一齊食好開胃，面頭仲有粒粒蟹子令口感更豐富。📌 麵豉湯本身諗住餐湯都是比較普通的麵豉湯，點估到原來有隻份量十足的大刀貝，令個湯多添幾分鮮味。📌 新鮮南非磯煮鮑魚配鮑魚肝醬鮑魚食得出鮮味，口感結實，旁邊的鮑魚肝醬味道濃郁，咸咸地用嚟佐酒一流。📌刺身三款三款刺身都沒有雪藏或霉味，都幾新鮮，質素不錯。📌活鮮蟹鮑魚汁焗飯底下的焗飯吸收了蟹和花甲的精華，味道鮮甜帶有陣陣蒜香，加上飽滿的珍珠米口感軟糯，確實令人想多添一碗。蟹鉗想當大隻，而且是啖啖肉的。雖然宜家已經過左食蟹的季節，但估唔到隻蟹都有好多膏，我地兩個都食到好滿足。📌 烏龍茶啫喱啫喱的烏龍茶味頗濃，入口甘甘地唔太甜，質地比較實淨，似大菜糕的口感，連平時唔太好甜品的男友都大讚！餐廳裝修以天藍色為主色調，梳化座位寬敞舒適，是個靜靜享受美食的好地方。剛才吃到的海鮮都是放在門外的藍色水缸，裏頭海鮮都十分生猛！下次會帶埋朋友一齊嚟試試其他日式海鮮
是日晚餐Set Menu主要圍繞海鮮做題材，套餐包括沙律、餐湯、前菜、主菜和甜品，睇落都幾豐富。
📌野菜沙律
沙律菜新鮮，加上酸甜的胡麻醬一齊食好開胃，面頭仲有粒粒蟹子令口感更豐富。
📌 麵豉湯
本身諗住餐湯都是比較普通的麵豉湯，點估到原來有隻份量十足的大刀貝，令個湯多添幾分鮮味。
📌 新鮮南非磯煮鮑魚配鮑魚肝醬
鮑魚食得出鮮味，口感結實，旁邊的鮑魚肝醬味道濃郁，咸咸地用嚟佐酒一流。
📌刺身三款
三款刺身都沒有雪藏或霉味，都幾新鮮，質素不錯。
📌活鮮蟹鮑魚汁焗飯
底下的焗飯吸收了蟹和花甲的精華，味道鮮甜帶有陣陣蒜香，加上飽滿的珍珠米口感軟糯，確實令人想多添一碗。
蟹鉗想當大隻，而且是啖啖肉的。
雖然宜家已經過左食蟹的季節，但估唔到隻蟹都有好多膏，我地兩個都食到好滿足。
📌 烏龍茶啫喱
啫喱的烏龍茶味頗濃，入口甘甘地唔太甜，質地比較實淨，似大菜糕的口感，連平時唔太好甜品的男友都大讚！
餐廳裝修以天藍色為主色調，梳化座位寬敞舒適，是個靜靜享受美食的好地方。
剛才吃到的海鮮都是放在門外的藍色水缸，裏頭海鮮都十分生猛！下次會帶埋朋友一齊嚟試試其他日式海鮮料理。
張貼
