更多
2020-06-05
1372 瀏覽
平時喺觀塘住,都唔喺太清楚觀塘有咩嘢食。所以喺觀塘番工嘅朋友,帶我放工喺觀塘食好西。今次一試朋友平時食開嘅飯堂,其中一個叫哈豆。之後聽朋友講係食台灣風味嘅嘢食,肉燥飯丶拌麵之類。哈豆位於工廈,座位都幾多,而且幾闊落。成個環境裝修有台灣嘅感覺,營造出有「家」嘅感覺。餐廳食物種類都幾多,有選擇困難症嘅我,揀咗好耐。我同朋友分別點咗台灣五寶拼盤肉燥飯(套餐)$62,配咗杯鮮奶綠茶+8蚊。另外一個係豐盛牛肉蕃茄湯麵(套餐)$72,配咗一杯檸檬梅子QQ(珍珠+椰果),最後加咗一個小食,台灣滷水拼盤$42。台灣滷水拼盤份量都幾多,有豆腐丶滷蛋丶牛肉丶雞翼同豬腳。滷蛋幾入味,滷味好濃烈。雞翼大隻不過偏咸咗少少。牛肉幾彈牙。台灣五寶拼盤肉燥飯份量大而食材豐富,有香腸丶雞翼丶豆腐丶貢丸同花枝丸。肉燥飯好入味,肉燥汁都幾多。香腸煎得好香口,豆腐啲滷水味都入晒味。豐盛牛肉蕃茄湯麵牛肉湯麵份量好多,不過湯底太過偏甜,如果蕃茄味再濃郁少少就好。不過配料都幾多,有牛肉丶貢丸同花枝丸。檸檬梅子QQ梅子味道都幾濃,椰果粒粒好Q彈。而且唔會太酸。鮮奶綠茶奶味好重,唔會死甜死甜咁。感覺唔錯,價錢幾抵,份量幾飽幾滿足。
今次一試朋友平時食開嘅飯堂,其中一個叫哈豆。之後聽朋友講係食台灣風味嘅嘢食,肉燥飯丶拌麵之類。
哈豆位於工廈,座位都幾多,而且幾闊落。成個環境裝修有台灣嘅感覺,營造出有「家」嘅感覺。
餐廳食物種類都幾多,有選擇困難症嘅我,揀咗好耐。我同朋友分別點咗台灣五寶拼盤肉燥飯(套餐)$62,配咗杯鮮奶綠茶+8蚊。另外一個係豐盛牛肉蕃茄湯麵(套餐)$72,配咗一杯檸檬梅子QQ(珍珠+椰果),最後加咗一個小食,台灣滷水拼盤$42。
台灣滷水拼盤
份量都幾多,有豆腐丶滷蛋丶牛肉丶雞翼同豬腳。滷蛋幾入味,滷味好濃烈。雞翼大隻不過偏咸咗少少。牛肉幾彈牙。
台灣五寶拼盤肉燥飯
份量大而食材豐富,有香腸丶雞翼丶豆腐丶貢丸同花枝丸。肉燥飯好入味,肉燥汁都幾多。香腸煎得好香口,豆腐啲滷水味都入晒味。
豐盛牛肉蕃茄湯麵
牛肉湯麵份量好多,不過湯底太過偏甜,如果蕃茄味再濃郁少少就好。不過配料都幾多,有牛肉丶貢丸同花枝丸。
檸檬梅子QQ
梅子味道都幾濃,椰果粒粒好Q彈。而且唔會太酸。
鮮奶綠茶
奶味好重,唔會死甜死甜咁。
感覺唔錯,價錢幾抵,份量幾飽幾滿足。
張貼