更多
2020-11-09
1393 瀏覽
🎏Open Rice 最近舉行盛大的優惠活動，九月尾開始一連8星期逢星期一可以以$20優惠搶買與Open Rice 合作的指定餐廳推出的菜式。熊妹幸運地🌟搶到《Yadllie Plate》原價$208的海鮮部隊鍋跟辛辣麵。📌用餐時段就規定咗下午或者宵夜時段，熊妹就揀咗晚上9:30，拉埋想試部隊鍋好耐嘅樹熊試吓呢個優惠啦。📌宵夜時段都仲係好多人，睇嚟《Yadllie Plate》都幾受歡迎。📌餐牌有着各款韓國特色美食，包括烤雞🐣、炸雞🐥、紫菜手抓飯🍙、拌麵🍜、韓國年糕🍡、部隊鍋🥘、魚糕湯鍋🍢、韓國pizza🍕同沙律🥗等等。📌飲品方面就有韓國特製飲品同埋唔少得嘅韓國燒酒🍶。海鮮部隊鍋跟辛辣麵，$208（Open Rice 活動優惠價$20）📌首先出場嘅就係今日嘅主角海鮮部隊鍋。部隊鍋嘅意思就係雜不𠹌乜都有，份量都幾多。海鮮有幾隻蝦、有啲蜆同埋青口。而部隊鍋主要嘅材料有腸仔煙肉卷，無限量多的圓形長方形而肉質係一樣嘅火腿片，午餐肉，雜菇，椰菜，泡菜，大蔥同韓國年糕，辛辣麵就一包分開碗上，食法多數係食完部隊鍋配料之後剩低嘅湯再煮埋麵食。煮滾喇！湯底有本身醃好泡菜嘅辣味，越煮就會越辣，一路煮一
🎏Open Rice 最近舉行盛大的優惠活動，九月尾開始一連8星期逢星期一可以以$20優惠搶買與Open Rice 合作的指定餐廳推出的菜式。熊妹幸運地🌟搶到《Yadllie Plate》原價$208的海鮮部隊鍋跟辛辣麵。
📌用餐時段就規定咗下午或者宵夜時段，熊妹就揀咗晚上9:30，拉埋想試部隊鍋好耐嘅樹熊試吓呢個優惠啦。📌宵夜時段都仲係好多人，睇嚟《Yadllie Plate》都幾受歡迎。
📌餐牌有着各款韓國特色美食，包括烤雞🐣、炸雞🐥、紫菜手抓飯🍙、拌麵🍜、韓國年糕🍡、部隊鍋🥘、魚糕湯鍋🍢、韓國pizza🍕同沙律🥗等等。
📌飲品方面就有韓國特製飲品同埋唔少得嘅韓國燒酒🍶。
海鮮部隊鍋跟辛辣麵
$208
30 瀏覽
0 讚好
0 留言
📌首先出場嘅就係今日嘅主角海鮮部隊鍋。
部隊鍋嘅意思就係雜不𠹌乜都有，份量都幾多。海鮮有幾隻蝦、有啲蜆同埋青口。而部隊鍋主要嘅材料有腸仔煙肉卷，無限量多的圓形長方形而肉質係一樣嘅火腿片，午餐肉，雜菇，椰菜，泡菜，大蔥同韓國年糕，辛辣麵就一包分開碗上，食法多數係食完部隊鍋配料之後剩低嘅湯再煮埋麵食。
海鮮部隊鍋跟辛辣麵
$208
26 瀏覽
1 讚好
0 留言
大邱辣醬無骨雞
$115
20 瀏覽
0 讚好
0 留言
📌樹熊又想試吓炸雞，揀左辣醬炸雞，好似幾惹味。
熊妹同樹熊一心諗住辣醬炸雞嘅做法係炸雞再浸上杰身的辣醬上碟，有點失望嘅係竟然係炸雞點辣汁。炸雞其實都炸得香口，雞肉汁都有鎖住，而大邱辣醬嘅質地唔係濃稠嗰種，係水液嘅狀態，所以只能稱得上係辣汁唔係辣醬，辣味都幾辣，唔夠辣可以再添，但咁樣辣醬炸雞額外點「辣汁」係有點出乎意料之外。
真·濃濃芝士薄餅
$118
17 瀏覽
0 讚好
0 留言
熊妹記得係首爾食過韓國pizza，口感味道超棒的，所以想試下《Yadllie Plate》的韓國Pizza。
真係超濃烈嘅芝士🧀，非常豐厚，夾雜著爽口的洋蔥絲🧅，材料簡單，味道已經好夾。
薄餅餅底唔薄唔厚，唔會好似餅乾咁薄一片，但又唔係厚批勁厚嘅麵粉糰，飽飽濟濟咁，同芝士拉絲夾埋一齊，口感剛剛好，真係盛讚。
西柚 Mocktail
$118
14 瀏覽
0 讚好
0 留言
📌樹熊餐餐都一定要飲餐飲，熊妹喜歡西柚，就揀咗呢個西柚 Mocktail。
1000ml 西柚 Mocktail 一大渣，有好多西柚渣，特飲調製過，味道甜甜地唔酸，幾解渴解膩，兩個人細細地一杯杯慢慢飲，都會飲唔晒。
📌《Yadllie Plate》播放着韓國熱歌🎶，慢慢品嚐韓國美食🍽，唯有咁樣當自己✈️飛咗一轉韓國喇。🇰🇷
張貼
