更多
2020-07-18
891 瀏覽
約左住荃灣嘅朋友仔開飯，佢發辦，推介左呢間餐廳，話算係好抵食。位置呢？響天橋底凹左入去嘅位置，平時我坐車路過係睇佢唔到架，真係住附近或返工先識識黎。我地都點左石燒系列，沙律、飯、湯都可以任食。全部都會用蓋蓋住，衛生好多。唔知係咪疫情關係呢，當我拎個碗去refill時，佢都會比個新碗我架，咁公用餐具就唔怕掂到用過嘅碗喇！我點左個石燒美國極黑毛豬，$160/300g，有兩塊豬扒，豬喎，當然係熟上，再比我自己煎香，豬味濃。有少少洋蔥墊底就唔怕好快燶。朋友見到有多種牛扒選擇，咁問下最基本果款Olive牛扒係邊度嘅牛肉啦！侍應話係紐西蘭牛肉，咁佢就決定選擇貴少少嘅美國IBP牛隔肌，$180/300g 有兩塊，但後來侍應講返係用加拿大牛肉，雖然已經點左餐，但都算有交帶！牛扒豐潤多汁嫩滑，但又不失牛肉嘅口感，有牛肉味，雖然自己石燒可以控制生熟度，但係石板嘅溫度都退得幾快，因為兩塊扒分開黎煎，第二塊就變得頗生，好彩朋友係唔怕食三四成熟嘅扒。調味料都係自助形式，除左岩鹽，黑胡椒，仲有三款醬汁，分別係燒汁，蒜蓉汁同醬油。記住唔好將會醬汁加落去塊石板度，要點黎食，唔係就會濺到一身都係架喇！😂不過呢度都有圍巾
位置呢？響天橋底凹左入去嘅位置，平時我坐車路過係睇佢唔到架，真係住附近或返工先識識黎。
我地都點左石燒系列，沙律、飯、湯都可以任食。全部都會用蓋蓋住，衛生好多。唔知係咪疫情關係呢，當我拎個碗去refill時，佢都會比個新碗我架，咁公用餐具就唔怕掂到用過嘅碗喇！
我點左個石燒美國極黑毛豬，$160/300g，有兩塊豬扒，豬喎，當然係熟上，再比我自己煎香，豬味濃。有少少洋蔥墊底就唔怕好快燶。
朋友見到有多種牛扒選擇，咁問下最基本果款Olive牛扒係邊度嘅牛肉啦！侍應話係紐西蘭牛肉，咁佢就決定選擇貴少少嘅美國IBP牛隔肌，$180/300g 有兩塊，但後來侍應講返係用加拿大牛肉，雖然已經點左餐，但都算有交帶！
牛扒豐潤多汁嫩滑，但又不失牛肉嘅口感，有牛肉味，雖然自己石燒可以控制生熟度，但係石板嘅溫度都退得幾快，因為兩塊扒分開黎煎，第二塊就變得頗生，好彩朋友係唔怕食三四成熟嘅扒。
調味料都係自助形式，除左岩鹽，黑胡椒，仲有三款醬汁，分別係燒汁，蒜蓉汁同醬油。記住唔好將會醬汁加落去塊石板度，要點黎食，唔係就會濺到一身都係架喇！😂不過呢度都有圍巾，戴住黎燒就安心好多！
飲品方面我點左杯百香果桃膠烏龍茶，估唔到呢度啲桃膠超大粒，仲大粒過平時去食糖水果啲。
張貼
