更多
2020-04-06
347 瀏覽
食拉麵我最享受濃郁嘅湯底，但又怕佢太油膩。今次霸嗎嘅拉麵冇令我失望呢！同大部分拉麵舖一樣，舖頭落單採用寫紙仔形式，可自行選擇麵身嘅軟硬度，亦好貼心地可以少油，注重健康嘅朋友可以一試。炙燒豚肉海苔味玉拉麵呢個可以話係舖頭嘅主打，豚肉以慢火浸煮約10個鐘，再用明火炙燒，表面香脆，內裡鬆軟入味。味付糖心蛋嘅蛋白質地軟熟，亦醃得好香。蛋黃企身唔會太生，唔會篤穿咗就流哂落湯底到。雞叉燒味玉雞白湯拉麵雞白湯湯頭厚身，可以包實拉麵麵條。雞肉都好味但明顯比豚肉遜色，如果只可以揀一樣嘅朋友建議試咗豚肉先。照燒餃子照燒醬汁份量適中唔會太鹹。餃子煎得香口，而且皮唔厚，有好濃韮菜香味，韮菜控記得叫呀！整體嚟講味道唔錯，舖頭裝修有和風味道。推介俾想食好嘢又鍾意嘆環境嘅朋友呢！
同大部分拉麵舖一樣，舖頭落單採用寫紙仔形式，可自行選擇麵身嘅軟硬度，亦好貼心地可以少油，注重健康嘅朋友可以一試。
炙燒豚肉海苔味玉拉麵
呢個可以話係舖頭嘅主打，豚肉以慢火浸煮約10個鐘，再用明火炙燒，表面香脆，內裡鬆軟入味。
味付糖心蛋嘅蛋白質地軟熟，亦醃得好香。蛋黃企身唔會太生，唔會篤穿咗就流哂落湯底到。
雞叉燒味玉雞白湯拉麵
雞白湯湯頭厚身，可以包實拉麵麵條。雞肉都好味但明顯比豚肉遜色，如果只可以揀一樣嘅朋友建議試咗豚肉先。
照燒餃子
照燒醬汁份量適中唔會太鹹。餃子煎得香口，而且皮唔厚，有好濃韮菜香味，韮菜控記得叫呀！
整體嚟講味道唔錯，舖頭裝修有和風味道。推介俾想食好嘢又鍾意嘆環境嘅朋友呢！
張貼
