更多
2020-10-20
2159 瀏覽
比TROLLEY吸引，因為幾年前係Fortnum & Mason試過餐車甜點任添覺得好過癮，想帶屋企人感受下，所以9月1日晨早流流起身book位，book左最早時間2:15PM因為有兩個鐘free parking，決定揸車黎valet parking 下，泊過K11 Musea 幾次,，計埋今次，都係唔知原來入口係k11 car park左手邊既斜路，無路牌無標示，希望駕駛人士睇完我篇食評行少D冤枉路啦餐廳內在裝潢好靚，打卡幾好，要嘆住茶睇景既就會失望啦，因為佢既景觀係酒店停車場一坐低，好友善既staff 比 Drink list 你同請下有5道菜咁啦要注意一點係，除非你主動問佢拎套放口罩，否則你個口罩就咁Hea係枱面佢都唔會理你既我地叫左普洱，Earl Grey ，Jasmine，都好好飲，番到屋企睇食評先知咁多人推薦Earl Grey，我飲個時覺得佢特別係有陣陳皮香味，幾好飲既好快，佢上完茶就會上頭兩道菜 酥皮盒隻碟係暖既，好食，三文治都好食，係依度我想提醒下胃細既朋友仔，三文治唔一定要食哂，因為係無得加既，你可以選擇包起，留肚食甜品，我地自知細食，一早諗住試下就算，專心留前鬥後！
因為有兩個鐘free parking，決定揸車黎valet parking 下，泊過K11 Musea 幾次,，計埋今次，都係唔知原來入口係k11 car park左手邊既斜路，無路牌無標示，希望駕駛人士睇完我篇食評行少D冤枉路啦
餐廳內在裝潢好靚，打卡幾好，要嘆住茶睇景既就會失望啦，因為佢既景觀係酒店停車場
一坐低，好友善既staff 比 Drink list 你同請下有5道菜咁啦
要注意一點係，除非你主動問佢拎套放口罩，否則你個口罩就咁Hea係枱面佢都唔會理你既
我地叫左普洱，Earl Grey ，Jasmine，都好好飲，番到屋企睇食評先知咁多人推薦Earl Grey，我飲個時覺得佢特別係有陣陳皮香味，幾好飲既
好快，佢上完茶就會上頭兩道菜
酥皮盒隻碟係暖既，好食，三文治都好食，係依度我想提醒下胃細既朋友仔，三文治唔一定要食哂，因為係無得加既，你可以選擇包起，留肚食甜品，我地自知細食，一早諗住試下就算，專心留前鬥後！！
食左咸點一陣，會上Scone，配clotted cream, orange jam & berry jam Scone 都係可以加既，細細件好香牛油味，好易KO一個
登登登，食緊Scone無耐第一架糕餅車到啦，staff會介紹一次餐車上所有既款式，再suggest每款執一件比你share試下，好食先再order
好慶幸好開心今日係有最出名既拿破倫，出名係有原因既，甜度適中，Vanilla cream 好香好滑唔會漏，之後再order 兩件呀之後我會推薦紅莓撻，撻底鬆化，紅莓新鮮，我有encore
左下角cheesecake好差，太淋身，放係架車咁耐咩都淋啦
右上角係berry 蛋糕，海綿蛋糕加一層cream一層berry jam幾好食，以一件好難有驚喜既海綿蛋糕黎講係有驚喜既不過唔會encore
lemon 瑪德蓮個人覺得一般，見有人話濕潤度ok，我個件都幾乾身下
之後我地首先encore左scone再等埋架朱古力車，同一個姐姐負責兩架車，又要慢慢推好優雅，又要介紹，我都唔好意思吹佢快D推架朱古力車黎啦我等緊嫁，只好眼神上係咁望住佢，到佢推到黎，介紹完，同我講，你得番15mins 就last order 啦
嘩！唔覺唔覺，原來兩個鐘過得好快，已經食左1個鐘零9個字，其實食個afternoon tea，兩個鐘仲要等你推車真係唔係好夠，你又忙我又忙。。。。
好，講番架朱古力車先
有少少失望既，因為種類好少款式好少，有我好想試既canele，好食，好食過Conrad
有朱古力pound cake，濃朱古力，濕潤度OK
奶凍正常
朱古力香蕉撻好好食，加左香蕉中和左甜度，朱古力夠滑，都係好甜好難encore
Hazelnut choco chip ok
食完朱古力車先encore糕點車既拿破崙同berry tarte，時間已經係16:15啦，車都揸左係門口等我，覺得如果多少少時間可以食多件canele
Overall，staff係友善不過唔算醒目，我見有枱客口罩hea係枱面，5星級酒店既services應該主動offer口罩套
亦見有枱客係朱古力車小姐介紹後講番原來三文治個碟未上
人手唔算多，但係staff要負責既野好多，又要幫你加水，見你個杯無茶又要黎幫你倒，又要refill scone and cakes，幫你影埋相咁
最後埋單收錢都係同一批人做，好忙
但係當佢地愈忙你既用餐experience就會直接受到影響，因為得兩個鐘，入去坐低去個廁所諗下飲咩茶已經半個鐘啦，等佢個架車serve 依枱serve個枱又要等，感覺係唔多悠閑，見以前D人都無話得兩個鐘，仲要咁strict，又無第二枱客等入黎
最後係我番到黎睇食評先知，點解架朱古力車得咁少款，無左一粒粒既朱古力試
比我既感覺係，個名做起左，人人爭住book，可以慢慢縮水？
整個體驗黎講係好新鮮，同行家人好滿意，食物質素比好多tea set出色，希望佢keep 到
張貼
