光榮冰室 (厚福街) (已結業)

次次行過都排晒長龍，無奈次次行開都趕時間，唔可以幫襯佢。終於，有個星期日，無排隊，可以去食下。係門口已經見到五顏六色嘅memo紙，好有時代感。舖頭細細，但充分反映到香港人嘅efficiency！因為係下午時間去，A-E餐已經準備就緒，款款都好經典、好吸引。阿姐見到我同朋友企左係門口，即係出門口問我地幾位，仲話可以入到去坐定定慢慢畫memo。因為仲有三個未到，伙計行過都會問我地幾位，人齊未，搞到我見到門口莊莊下嘅食客都有點唔好意思！值得一讚嘅係伙計對得地都好包容，坐左10幾分鐘先齊人，一句難聽嘅說話或者面口都無。叫左五款野食，總括而言，叉燒蛋飯好味，好平凡，但係呢間餐廳食飯唔使講運氣，水準甚高，無因為人多而令食物水準受影響。如果唔鐘意食港式碟頭飯，都仲有西式嘅常餐同通心粉餐揀，但通心粉選項要加錢配野飲。都係午餐set最抵食！總括一句，員工各有分工，食客都好好相處，地方淺窄，但各有各空間，互相忍讓。