薯仔屋 (已結業)

上星期去完大球場, 小朋友肚餓就打算去利舞岩食飯, 中途見到間樓上CAFÉ 話係親子同遊戲電玩, 決定去試下。餐廳有好多玩具漫畫BOARD GAMES, 仲有個兒童CORNER同埋兔仔, 小朋友見到超開心, 即刻衝埋去呀! 望下MENU, 太多選擇, 最後都係叫2人餐, 唔使諗! 有沙律/ PIZZA/ 千層麵/ 芝士蛋糕/ 飲品, 價錢可接受。呢度真係好多野俾小朋友玩, 小朋友全程自己邊玩邊食，玩完呢樣又繼續到第二樣, 玩到唔願走。大人細路都開心😃