Sodam Chicken (已結業)

最近不停瘋狂地搵啲韓國餐廳，黎試唔同嘅炸雞。今晚搵黎係韓國有70間分店嘅著名連鎖炸雞店「Sodam Chicken」。餐廳位於 銅鑼灣時代廣場後面嘅上樓舖。8:00上去已好多人，等左30分鐘先入得。蜜糖芥末香蔥炸雞 $188 入面有雞腿、雞翼、雞胸，外層炸得鬆脆唔油膩，肉質嫩滑多汁，配上香蔥絲同蜜糖芥末，蜜糖甜味啱啱好，係略嫌芥末味唔太突出。特級芝士火鍋 $268最期待嘅芝士火鍋終於上枱，芝士 底係用咗四款唔同嘅芝士整成，所以未到極濃郁。火鍋配料有薯條、腸仔、車厘茄、豬仔骨、年糕、麵包。 最好食係豬仔骨同麵包， 豬仔骨微辣， 麵包索曬所有芝士汁，<芝>味無窮。乳酸燒酒 $78賣相好吸引， 用咗燈泡裝住，乳酸味好開胃。