更多
2020-07-10
2481 瀏覽
嚟到觀塘一間工廈內嘅台式餐廳食飯，先發現原來呢間餐廳唔係香港人開，係台灣人在香港開的分店，所以對佢嘅期望亦都高咗。一坐低嘅時候，我哋叫咗兩款小食，一款係青瓜、另外一款就係麻醬青菜。青瓜本身酸酸地，所以作為前菜來講，都算幾開胃。至於個麻將青菜，佢就唔係凍盤嚟嘅，同我哋一般食開嘅四川風味唔同，四川風味嗰種，係凍嘅菜，再配上勁多勁多嘅麻醬，會漿住個口，但呢間餐廳，佢係用熱辣辣熟咗嘅青菜，再配上少許麻醬一齊食，感覺是不一樣。再之後我哋叫咗個和牛薯餅沙茶醬乾拌麵，薯餅本身熱辣辣，炸得非常香脆，新鮮，不在話下。但我特別想講嘅係佢嘅麵條，佢嘅面真係好好食，從質感而言，非常之爽，非常之彈牙，非常之有質感。配合埋沙茶醬一齊食，成個嘅味道就更加之香。之後我哋叫咗兩杯嘢飲，其中一杯我特別想提嘅係佢嘅阿華田豆漿。起初，我還以為阿華田豆漿是用阿華田粉配上豆漿，但當佢送上嚟嘅時候，我發現完全同我想像中有出入，店員一再指示我要先把豆漿喝一點點，然後再把整個阿華田雪條放進去，結果一路飲嘅時候，阿華田雪條一路溶化，而且非常非常之重阿華田味，所以令到整杯豆漿的味道也提升了許多。當然花茶也是一個好選擇。
一坐低嘅時候，我哋叫咗兩款小食，一款係青瓜、另外一款就係麻醬青菜。青瓜本身酸酸地，所以作為前菜來講，都算幾開胃。
至於個麻將青菜，佢就唔係凍盤嚟嘅，同我哋一般食開嘅四川風味唔同，四川風味嗰種，係凍嘅菜，再配上勁多勁多嘅麻醬，會漿住個口，但呢間餐廳，佢係用熱辣辣熟咗嘅青菜，再配上少許麻醬一齊食，感覺是不一樣。
再之後我哋叫咗個和牛薯餅沙茶醬乾拌麵，薯餅本身熱辣辣，炸得非常香脆，新鮮，不在話下。但我特別想講嘅係佢嘅麵條，佢嘅面真係好好食，從質感而言，非常之爽，非常之彈牙，非常之有質感。配合埋沙茶醬一齊食，成個嘅味道就更加之香。
之後我哋叫咗兩杯嘢飲，其中一杯我特別想提嘅係佢嘅阿華田豆漿。起初，我還以為阿華田豆漿是用阿華田粉配上豆漿，但當佢送上嚟嘅時候，我發現完全同我想像中有出入，店員一再指示我要先把豆漿喝一點點，然後再把整個阿華田雪條放進去，結果一路飲嘅時候，阿華田雪條一路溶化，而且非常非常之重阿華田味，所以令到整杯豆漿的味道也提升了許多。
當然花茶也是一個好選擇。
張貼
