更多
2020-06-30
558 瀏覽
最近想食健康啲,知道呢間銅鑼灣嘅樓上西餐廳有營養師推介嘅健康餐,就同朋友嚟食個lunch傾吓計~佢個午餐價錢都幾抵食,除咗普通嘅午餐餐牌,呢個推介嘅健康餐其實都有好多款式去食,但係價錢適中,已經食到好豐富而且卡路里合適嘅食品!蘋果田園沙律🥗內有各式各樣嘅蔬菜,非常豐富,加上有機橄欖油和黑醋,健康又美味。蕃茄羅勒意式烤法包表面香脆,加上蕃茄味道更加豐富。牛肉蒜蓉片意大利粉(有機橄欖油)$78西班牙紅椒粉無皮雞肉串伴意式傳統炒雜菜$ 98食lunch當然唔少得主菜,以上兩個都好抵食,健康又飽肚,朋友嗰個就轉左牛肉,佢個意大利粉剛剛好,而且用咗有機橄欖油感覺冇咁邪惡,都幾香。我嗰個冇皮嘅雞肉串同樣香滑,而且有好多唔同嘅雜菜和椒,所以食落一啲都唔dry,非常豐富嘅!法式番茄清湯+$10加$10飲到呢個湯都係覺得好抵飲,蕃茄味好濃郁而且係清湯!Crème Brûlée 表面香脆,而且蛋香十足,口感香滑!洋甘菊三高茶/玫瑰三高茶我就揀咗洋甘菊三高茶,分量豐富,味道清香。嚟呢度同朋友食個lunch或者同人傾野嘆個下午茶時段都係不錯之選,仲好健康!食唔晒要打包返屋企,估唔到佢用啲環保嘅即棄餐具,係可以
最近想食健康啲,知道呢間銅鑼灣嘅樓上西餐廳有營養師推介嘅健康餐,就同朋友嚟食個lunch傾吓計~
佢個午餐價錢都幾抵食,除咗普通嘅午餐餐牌,呢個推介嘅健康餐其實都有好多款式去食,但係價錢適中,已經食到好豐富而且卡路里合適嘅食品!
蘋果田園沙律🥗
內有各式各樣嘅蔬菜,非常豐富,加上有機橄欖油和黑醋,健康又美味。
蕃茄羅勒意式烤法包
表面香脆,加上蕃茄味道更加豐富。
牛肉蒜蓉片意大利粉(有機橄欖油)$78
西班牙紅椒粉無皮雞肉串伴意式傳統炒雜菜$ 98
食lunch當然唔少得主菜,以上兩個都好抵食,健康又飽肚,朋友嗰個就轉左牛肉,佢個意大利粉剛剛好,而且用咗有機橄欖油感覺冇咁邪惡,都幾香。
我嗰個冇皮嘅雞肉串同樣香滑,而且有好多唔同嘅雜菜和椒,所以食落一啲都唔dry,非常豐富嘅!
法式番茄清湯+$10
加$10飲到呢個湯都係覺得好抵飲,蕃茄味好濃郁而且係清湯!
Crème Brûlée
表面香脆,而且蛋香十足,口感香滑!
洋甘菊三高茶/玫瑰三高茶
我就揀咗洋甘菊三高茶,分量豐富,味道清香。
嚟呢度同朋友食個lunch或者同人傾野嘆個下午茶時段都係不錯之選,仲好健康!
食唔晒要打包返屋企,估唔到佢用啲環保嘅即棄餐具,係可以自然分解,以我所知呢種餐具環保而且成本較高,睇得出餐廳真係好用心!
張貼