Bingo & Cook

營業中

休息中

Bingo and Cook 地點真係超方便，一出銅鑼灣地鐵站就到。一入到去就見到好chill好舒服嘅裝潢，真係好岩同一班friend黎食好嘢兼打卡。個人超中意佢嘅韓式無骨炸雞，我地另外仲追加個炸魷魚($40)，賣相靚得黎之餘真係好好食。店員仲好好人，幫我地剪開咗啲魷魚，等我地易啲食。炸雞有少少辣，好過癮，外脆內熱，炸粉一啲都唔厚，啲雞肉又好嫩滑。魷魚都幾大份，又新鮮又有咬口，都幾抵食。值得一提嘅係佢嘅炸雞入面有一舊好細嘅完整薯仔，勁有薯仔味，真係好驚喜。另外我地仲嗌咗個海鮮嫩豆腐火鍋，材料勁豐富，份量都幾多，有硯、青口、蝦、魷魚、豆腐同韓式粉絲。啲海鮮都好新鮮，撈埋佢嘅韓式辣醬落啲湯到，真係好好食。海鮮葱餅有勁多海鮮同葱，唔會油淋淋，咸度適中，食落感覺好健康。最後嗌咗杯水蜜桃碳酸水，凍冰冰咁飲落好清新，一啲都唔會太甜。佢仲加咗兩片檸檬係入面，又解渴又好飲。