B-mix Live Music Station & Restaurant (已結業) 查看

新年假期同屋企人去元朗打邊爐，見到隔離有間叫B-mix唔知咩，走入門口八吓，見到又波枱又標機，決定下次放工去試試~一個原本唔太起眼的樓梯口， 確實喺別有洞天既新發現:沿住工業風樓梯， 明明喺手工火鍋嘛，整個重工業味，金屬齒輪裝飾為主題的餐廳， 真喺第一次見咋~究竟咩喺music station & restaurant嫁?同上次一樣，一嚟見到張英式波枱，仲有餐飲Bar枱同標機，小編一定要試試~睇咗餐牌，有生蠔同白酒套餐，喜愛白酒既我哋一定要試啦，職員耐心介紹既三款蠔， 有唔同的食法次序，可以淺嘗唔同的種類，唔錯唔錯。小食款式種類多，再加埋唔同類型既主菜，要我哋幾個女仔揀…確實好鬼難，海鮮，牛扒，羊架，豬手，仲有薄餅，意粉和意大利燴飯......點算?😂😂😂最後我哋三個女仔試左一個白酒生蠔set， main course 既安格斯牛，肉質唔韌之餘，仲有小小血，完全符合我哋既要求👍👍薄餅餡料均勻， 餅底皮脆香口，再加一個吉列大蝦，已經飽飽飽~~~臨走時職員話逢星期三五六會有live band演出，再加埋未試既cocktail同主食，等等我哋，好快一定會再嚟。