更多
2020-06-19
5998 瀏覽
早放工有樣嘢好就係唔使等位啦😎😎今晚黎河畔食日本野，之前已經bookmark左和氣食堂，上次黎都見到要等位所以轉左食其他，今日6:30來到可以直接入座，終於可以食到啦！建議大家早啲嚟，我哋食到一半七點未夠已經坐滿人。Menu有超多選擇，刺身、刺身丼壽司、咖喱烏冬、飯、小食、串燒等等！選擇多到我都影唔晒😂首先要咗個香芒燻鴨胸黑醋沙律，比想像中大碟，份量好多，鴨胸好腍，芒果又唔酸，我好鍾意佢個黑醋汁，甜甜酸酸，食呢一個前菜好開胃！😋⭐️⭐️⭐️⭐️⭐️超級推薦嘅芝士厚燒玉子！上菜嗰陣熱辣辣仲出緊煙，面頭嘅芝士有炙燒過，見到一層層嘅蛋，咬入口好juicy，有蛋汁。我同我朋友都覺得超好食呀🤤🤤明太子醬天婦羅炸蝦，有四隻🍤炸漿厚度適中，好鬆脆，入面隻蝦都新鮮嘅，好爽口。天婦羅配明太子醬都係第一次食，平時通常係好普通點天婦羅汁，所以都覺得幾特別。👍🏻👍🏻👍🏻👍🏻👍🏻芝士燒日本廣島蠔！呢個都係必食！佢隻蠔好肥美，芝士同沙律醬啱啱好，唔會搶咗隻蠔嘅味道。仲有一個小食叫電擊雞翼，呢個我以為係熱嘅，點知原來係凍食，仲好有驚喜添！似係加咗燒汁炸過，又好似落咗少少醋，幾惹味！登登！當然要叫返個主食啦！大盛刺身丼！賣相超
今晚黎河畔食日本野，之前已經bookmark左和氣食堂，上次黎都見到要等位所以轉左食其他，今日6:30來到可以直接入座，終於可以食到啦！
建議大家早啲嚟，我哋食到一半七點未夠已經坐滿人。
Menu有超多選擇，刺身、刺身丼壽司、咖喱烏冬、飯、小食、串燒等等！
選擇多到我都影唔晒😂
香芒燻鴨胸黑醋沙律
63 瀏覽
1 讚好
0 留言
首先要咗個香芒燻鴨胸黑醋沙律，比想像中大碟，份量好多，鴨胸好腍，芒果又唔酸，我好鍾意佢個黑醋汁，甜甜酸酸，食呢一個前菜好開胃！😋
芝士厚燒玉子
85 瀏覽
1 讚好
0 留言
63 瀏覽
1 讚好
0 留言
⭐️⭐️⭐️⭐️⭐️超級推薦嘅芝士厚燒玉子！
上菜嗰陣熱辣辣仲出緊煙，面頭嘅芝士有炙燒過，見到一層層嘅蛋，咬入口好juicy，有蛋汁。我同我朋友都覺得超好食呀🤤🤤
明太子醬天婦羅炸蝦，有四隻🍤
炸漿厚度適中，好鬆脆，入面隻蝦都新鮮嘅，好爽口。天婦羅配明太子醬都係第一次食，平時通常係好普通點天婦羅汁，所以都覺得幾特別。
燒芝士廣島蠔
49 瀏覽
0 讚好
0 留言
👍🏻👍🏻👍🏻👍🏻👍🏻芝士燒日本廣島蠔！呢個都係必食！佢隻蠔好肥美，芝士同沙律醬啱啱好，唔會搶咗隻蠔嘅味道。
電擊雞翼
111 瀏覽
1 讚好
0 留言
仲有一個小食叫電擊雞翼，呢個我以為係熱嘅，點知原來係凍食，仲好有驚喜添！似係加咗燒汁炸過，又好似落咗少少醋，幾惹味！
大盛刺身丼
77 瀏覽
0 讚好
0 留言
登登！當然要叫返個主食啦！大盛刺身丼！
賣相超靚！，有帶子、海膽、三文魚、大蝦、油金魚、吞拿魚茸、三文魚籽、甜蛋。好豐富呀！
佢啲刺身好新鮮，而且都算係厚切，碗飯都好大碗夠兩個人分。
最鍾意就係食日本嘢，今日真係好滿足！
叫咗咁多嘢食，每人都係二百幾，都算好抵食。而且食得出佢啲食材好新鮮，值得我下次再嚟過😋😋
張貼
