4
2
1
等級8
2020-08-26 2075 瀏覽
近排天氣好唔穩定,一時落大雨,轉頭又出晒太陽,好似馬來西亞、新加坡咁,今日,就趁難得天氣報告講到明,全日陽光普照,就同老婆食完早餐就行轉山,由美孚經幾段山路,行到入大圍,全程輕鬆行2.5小時左右,基本上喺零難度。而中午到達大圍,就晌火車站附近嘅「紅茶冰室」食個晏仔,貪其就腳,食完就可以過對面搭火車走。由於仲有限聚令關係,每枱只准坐兩個人,所以,雖然餐廳地方都幾大,更有埋樓上,但好易「爆滿」,幸而茶記嘅客流量快,我哋都唔使等好耐。餐具、調味料、紙巾,就拉開枱側下面嘅櫃桶就見,依家去好多茶記嘅「指定」設計,所以,唔好吓吓舉手嗌侍應,先摸摸枱邊有無「機關」。基本餐牌就好似啲舊式茶記咁,攝晒入枱面玻璃下,影出嚟有啲反光,唔喺好清,幸好有啲外賣單張攞,索性掃描出嚟就更清楚。而選擇,同大部份茶記差唔多,唯一特別喺,佢哋兼營埋麵包鋪,鋪面另一邊就喺大賣港式麵包、蛋撻,所以,不時有新鮮出爐嘅麵包,仲要一有出爐,侍應就會滿場叫。故此,我哋都特登點咗其鎮店之寶「招牌冰火菠蘿油配經典紅豆冰餐」($26),睇睇會唔會拆招牌先!經典紅豆冰咁嘅組合只賣$26,肯定喺抵食價嚟,先嚟杯紅豆冰,夠晒大杯呀,而且,勁多紅
更多
近排天氣好唔穩定,一時落大雨,轉頭又出晒太陽,好似馬來西亞、新加坡咁,今日,就趁難得天氣報告講到明,全日陽光普照,就同老婆食完早餐就行轉山,由美孚經幾段山路,行到入大圍,全程輕鬆行2.5小時左右,基本上喺零難度
。而中午到達大圍,就晌火車站附近嘅「紅茶冰室」食個晏仔,貪其就腳,食完就可以過對面搭火車走。
19 瀏覽
0 讚好
0 留言
由於仲有限聚令關係,每枱只准坐兩個人,所以,雖然餐廳地方都幾大,更有埋樓上,但好易「爆滿」,幸而茶記嘅客流量快,我哋都唔使等好耐。
19 瀏覽
0 讚好
0 留言
餐具、調味料、紙巾,就拉開枱側下面嘅櫃桶就見,依家去好多茶記嘅「指定」設計,所以,唔好吓吓舉手嗌侍應,先摸摸枱邊有無「機關」
20 瀏覽
1 讚好
0 留言
基本餐牌就好似啲舊式茶記咁,攝晒入枱面玻璃下,影出嚟有啲反光,唔喺好清,幸好有啲外賣單張攞,索性掃描出嚟就更清楚。而選擇,同大部份茶記差唔多,唯一特別喺,佢哋兼營埋麵包鋪,鋪面另一邊就喺大賣港式麵包、蛋撻,所以,不時有新鮮出爐嘅麵包,仲要一有出爐,侍應就會滿場叫
112 瀏覽
1 讚好
0 留言
111 瀏覽
0 讚好
0 留言
故此,我哋都特登點咗其鎮店之寶「招牌冰火菠蘿油配經典紅豆冰餐」($26),睇睇會唔會拆招牌先!
50 瀏覽
0 讚好
0 留言
經典紅豆冰

咁嘅組合只賣$26,肯定喺抵食價嚟,先嚟杯紅豆冰,夠晒大杯呀,而且,勁多紅豆,絕無欺場,啲紅豆又腍又清甜,奶水唔會水汪汪無味,交足貨。
經典紅豆冰餐
13 瀏覽
0 讚好
0 留言
招牌冰火菠蘿油

菠蘿油又點呢?之前晌中環一家茶記都見過冰鎮牛油,所以,唔覺有咩驚喜,不過,咪睇片牛油好大片,卻喺好薄,少咗份一口咬落「牛油」嘅風味,而個菠蘿包亦無預期咁熱辣辣,但「菠蘿皮」就真喺勁脆。
招牌冰火菠蘿油配經典紅豆冰餐
$26
12 瀏覽
0 讚好
0 留言
另外,餐廳有供應午餐,共有4款選擇,包餐湯、餐飲,定價$57-$60,估唔到入到嚟大圍嘅茶記都唔平,可能近港鐵,淨喺食「鋪租」都佔一大截啦。
57 瀏覽
0 讚好
0 留言
羅宋湯(餐湯)

餐湯如一般茶記,有紅湯(羅宋湯)或白湯(金必多忌廉湯),選前者因為啱老婆飲多啲,忌廉湯就比較肥。而碗羅宋湯睇落都好對辦,入口酸香而帶點辣,又有好多蔬菜,夠足料。
羅宋湯
11 瀏覽
0 讚好
0 留言
板燒豬脾肉配紅酒野菌汁飯 $57

賣相又幾靚仔喎,外貌其實有啲似豬扒飯配燒汁,但啲豬脾肉入口會比較有啲韌性,就正如好似食豬頸肉咁,唯挑剔位喺我哋兩個都覺得有少少過鹹,但仍可接受;而個紅酒野菌汁又幾唔錯,紅酒味就唔覺喇,有都揮發晒啦,但汁底濃郁,撈飯一流,啱我。
板燒豬脾肉配紅酒野菌汁飯
12 瀏覽
0 讚好
0 留言
熱奶茶(餐飲)

熱奶茶用番全統茶記厚身茶杯,保溫力強,而杯奶茶嘅茶底甚香,茶奶比例好,雖然未至於超順滑,但芳香馥郁,算喺有水準嘅港式奶茶。
熱奶茶
9 瀏覽
0 讚好
0 留言
同朋友whatsapp被問開,由美孚行到大圍喺咪好辛苦,梗唔算啦,我老婆都行到,當日天氣好好,就擺一、兩張相分享吓。依家波就無得踢喇,周末行吓山喺唯一比較大運動量嘅活動嚟,疫情喺點都好,生活都要稍稍平衡吓,最緊要做足防疫,保持社交距離,三十度之下,戴住口罩行山,其實都OK架!
5 瀏覽
0 讚好
0 留言
8 瀏覽
0 讚好
0 留言
6 瀏覽
0 讚好
0 留言
5 瀏覽
0 讚好
0 留言
9 瀏覽
0 讚好
0 留言
10 瀏覽
0 讚好
0 留言
9 瀏覽
0 讚好
0 留言
整體而言,「紅茶冰室」嘅出品都有一定質素,不過,服務就普普通通,雖然無開聲催你走,但收晒啲杯碟兼晌對講機話62號就走,都唔好意思再坐太耐啫。睇佢嘅外賣單張,都晌九龍、新界多處有分店,唔知有無機會繼續大展雄圖,開到過嚟美孚,等小弟多個選擇
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
5 分鐘 (堂食)
人均消費
$42 (午餐)
推介美食
經典紅豆冰餐