更多
2020-06-13
761 瀏覽
話說今日lunch time同同事farewell，早兩日已經book咗13:00。今日上就餐廳就打嚟只hold枱5分鐘，於是我哋不敢怠慢啦，13:00準時楝齊8條友係度。而個男職員就叫我哋等陣。同時間亦有另一team人等緊，而我哋亦唔知人哋book咗幾點同幾多個。因為咁啱megabox又和你lunch，嗌下口號又吹下水，唔經唔覺都已經等咗幾個字，終於都有張大枱走咗，然而，職員係安排比果team人入先。同時又有另一team人到咗等。之後又唔知等咗幾耐，同事們都開始唔耐煩，想轉場去其他地方食，但係又見周圍都多人，所以我同同事都係決定返返嚟呢間繼續等。我再問𠳔哋我哋仲要等到幾時，個女職員就話有張枱埋緊單執緊枱㗎啦，到你哋㗎啦，我即刻就打比其他同事，叫𠳔哋返嚟啦。點知，轉過頭，𠳔個男職員又比遲過我哋嚟果班人入先！😡😡😡😡😡😡😡我話 下？仲唔係我哋先？跟住個女職員走埋去坐低緊嘅客度唔知講啲咩，再返嚟同我講另一張枱埋緊單，好快就安排返比我哋😡😡😡😡😡😡😡我話 我哋book咗13:00 你同我講等到差唔多14:00都未入得？仲要比人入先係咩事？個女職員仲要老屈我哋遲咗10分鐘！我話我哋13:00八
今日上就餐廳就打嚟只hold枱5分鐘，於是我哋不敢怠慢啦，13:00準時楝齊8條友係度。而個男職員就叫我哋等陣。
同時間亦有另一team人等緊，而我哋亦唔知人哋book咗幾點同幾多個。因為咁啱megabox又和你lunch，嗌下口號又吹下水，唔經唔覺都已經等咗幾個字，終於都有張大枱走咗，然而，職員係安排比果team人入先。同時又有另一team人到咗等。
之後又唔知等咗幾耐，同事們都開始唔耐煩，想轉場去其他地方食，但係又見周圍都多人，所以我同同事都係決定返返嚟呢間繼續等。
我再問𠳔哋我哋仲要等到幾時，個女職員就話有張枱埋緊單執緊枱㗎啦，到你哋㗎啦，我即刻就打比其他同事，叫𠳔哋返嚟啦。點知，轉過頭，𠳔個男職員又比遲過我哋嚟果班人入先！😡😡😡😡😡😡😡
我話 下？仲唔係我哋先？跟住個女職員走埋去坐低緊嘅客度唔知講啲咩，再返嚟同我講另一張枱埋緊單，好快就安排返比我哋😡😡😡😡😡😡😡
我話 我哋book咗13:00 你同我講等到差唔多14:00都未入得？仲要比人入先係咩事？
個女職員仲要老屈我哋遲咗10分鐘！我話我哋13:00八條友已經棟齊係度啦，有冇攪錯吖！跟住𠳔仲問我哋介唔介意分枱坐！我話我哋farewell個同事 等到lunch time完都未食得 仲叫我哋分枱坐？你冇嘢吖？咁我哋book枱嚟做乜？個職員就淨係錄音機式咁同我哋講唔好意思。我話你唔駛唔好意思啦，你比張枱我哋啦！唔好意思唔好意思唔好意思...
最後我哋係好趕嘅情況下去咗另一間餐廳食！
我想講只要有良心，就算幾難食我都會想支持下，排幾耐都會等。但係如果你經營不善，又或者有恃住自己係黃店多人排隊就唔憂做態度散漫嘅話，你點樣鞏固黃色經濟圈？
* 話說上年社會運動未開始，呢間嘢係冇乜人幫襯，而且我食過一次係唔會特別想再食，因為性價比麻麻。先果排，呢間嘢多咗人排隊等，search一下先知原來𠳔哋比人標纖咗係黃店，我冇考究𠳔實際做過啲乜，而今日我望入店內，就見到一個光時座枱月曆。
張貼