四季良晨 (新都城中心) (已結業) 查看

去左寶琳買電器，就順便出街揾下邊到有好食餐廳啦，呢幾個月都冇得出街食好野，真係好悶！襯疫情穩定返少少，就出去食嘢放鬆下，刺激下經濟！入去寶琳買野通常都係新都城揾食。所以留係新都城二期揾，之後發現原來有間台灣食店，叫四季良晨，好耐無去旅行喇係香港食住台灣野頂住先！睇餐牌有麵飯，仲有小食同台灣特飲，好吸引！個間店地點係百佳附近，如果你地鐵出轉左，上電梯入商場再落一層轉右就會見到個招牌四季良晨，招牌仲要識發光，真係好易揾到。我地二人等左一陣就可以入去，當時都有吾少人食梗。店內裝修簡單舒服，好文青，坐位同枱都坐得舒服，有足夠安全距離。仲有店員都好小心，為每位入場客人量體溫，再俾搓手液你消毒，所以你可以食得好放心。店內仲整左個書牆，有扭蛋機。如果你坐係書旁，仲可以邊睇邊食。我地睇完餐牌，價錢大眾化五十幾至七十幾幾，以晚餐來講都好好，出面食晚餐有時都超過九十。天氣熱，我地點左二個湯飯同小食，分別係士林胡椒豬肚湯飯，蟲草花杞子豬肚雞湯飯，仲有椒鹽花枝丸同台灣香腸！首先講下士林胡椒豬肚湯飯，湯胡椒味重，岩哂鐘意食辣既朋友仔！如果你想係屋企整，真係好大工程，又要洗又要清個豬肚，所以想飲就不如黎食餐湯飯。