更多
2020-05-28
7297 瀏覽
之前見到呢間喺網上面嘅評論唔錯，又一直未有機會嚟食。今日終於有機會嚟一試下究竟係咪真係咁好食，估唔到又OK啵。一入座嗰陣覺得佢抽風系統應該做得唔錯，唔會成個好大陣燒肉油煙味。一坐低旁邊就會有少少配菜，芽菜嘅味道唔錯都幾清爽開胃，而且生菜都洗得幾好清甜爽脆。熱食方面有韓式炒粉絲，粉絲都有咬口同埋入面都有唔同嘅菜，例如蘿蔔絲等等，都幾夠味道又唔會太油或者係爛晒擺得太耐。而煎海鮮蔥餅呢個就有少少厚粉，不過都唔會太油，同埋上台都係熱辣辣都食得過。燒物方面，煙鴨胸質素唔錯，脂肪唔會太厚，同埋啲肉都唔會太硬。旁邊嘅燒雞肉串上面嘅醬汁預備得唔錯，小小鹹鹹地同埋夠晒香。雖然啲肉唔算太大粒，如果可以大粒返少少會更加好，雞翼方面都醃得唔錯夠晒入味，所以燒完都唔使再點任何醬汁都已經非常之夠。海鮮方面個人認為蝦同埋帆立貝係最抵食，一來蝦嘅質素都幾新鮮，清洗得好乾淨，同埋入面嘅蝦肉都幾清甜。而帆立貝方面入面唔會有沙，同埋有淡淡的小小海水味，配合埋啲肉都幾新鮮，雖然唔係太多肉不過可以無限再叫，而且都熟得幾快。肉類方面除咗五花肉嘅脂肪比例有啲太多之外，梅花肉等等燒完都唔會太難咬同埋都算有少少脂肪喺度，所以都幾香豬肉
一坐低旁邊就會有少少配菜，芽菜嘅味道唔錯都幾清爽開胃，而且生菜都洗得幾好清甜爽脆。
熱食方面有韓式炒粉絲，粉絲都有咬口同埋入面都有唔同嘅菜，例如蘿蔔絲等等，都幾夠味道又唔會太油或者係爛晒擺得太耐。而煎海鮮蔥餅呢個就有少少厚粉，不過都唔會太油，同埋上台都係熱辣辣都食得過。
燒物方面，煙鴨胸質素唔錯，脂肪唔會太厚，同埋啲肉都唔會太硬。旁邊嘅燒雞肉串上面嘅醬汁預備得唔錯，小小鹹鹹地同埋夠晒香。雖然啲肉唔算太大粒，如果可以大粒返少少會更加好，雞翼方面都醃得唔錯夠晒入味，所以燒完都唔使再點任何醬汁都已經非常之夠。
海鮮方面個人認為蝦同埋帆立貝係最抵食，一來蝦嘅質素都幾新鮮，清洗得好乾淨，同埋入面嘅蝦肉都幾清甜。而帆立貝方面入面唔會有沙，同埋有淡淡的小小海水味，配合埋啲肉都幾新鮮，雖然唔係太多肉不過可以無限再叫，而且都熟得幾快。
肉類方面除咗五花肉嘅脂肪比例有啲太多之外，梅花肉等等燒完都唔會太難咬同埋都算有少少脂肪喺度，所以都幾香豬肉嘅味道。而當中覺得最好食嘅係牛肉同埋牛肋骨肉一來唔會太瘦，同埋牛肉嘅味道非常之豐富，只要點上小小鹽吧已經非常之夠味道。
最後職員嘅服務態度唔錯，而且上菜嘅速度都幾快，加上都唔會有漏單嘅情況出現整體上都係幾好嘅。
張貼
