更多
2020-06-13
860 瀏覽
由外睇平平無奇既餐廳,店面裝修簡單,但暗藏心思,環境比較昏暗,但係氣氛唔錯。海鮮冷盤性價比好高,生蠔隻隻新鮮肥美,冷盤海鮮種類算多,令人好滿足。另一個前菜係巴馬火腿配蜜瓜同黑醋,呢個配搭好好開胃好清新 。另外仲有一個燒海鮮拼盤,其中釀蟹殼好特別,入面好多材料,但每種材料都吸收咗蟹嘅鮮味,令到整體都好和諧。主菜叫咗個帶子墨汁意大利粉,同埋蟹肉意大利麵,兩款海鮮都好新鮮,醬汁濃稠,有淡淡的香草味,麵質同埋飯嘅質感都唔會太淋,而且擺盤都好靚,好適合打卡。仲有一道係牛扒,唔單止牛肉新鮮,連醬汁同埋配菜——薯蓉,都做得好出色,每樣野都有互相配合味道,薯蓉有陣陣黑松露香,然後牛扒就以香草簡單調味,黑椒汁就係呢一個菜嘅點綴。整體間餐廳比我嘅感覺都好舒服,食物都好睇到廚師嘅用心,係一間好高質嘅小店,值得再去食!
海鮮冷盤性價比好高,生蠔隻隻新鮮肥美,冷盤海鮮種類算多,令人好滿足。另一個前菜係巴馬火腿配蜜瓜同黑醋,呢個配搭好好開胃好清新 。
另外仲有一個燒海鮮拼盤,其中釀蟹殼好特別,入面好多材料,但每種材料都吸收咗蟹嘅鮮味,令到整體都好和諧。
主菜叫咗個帶子墨汁意大利粉,同埋蟹肉意大利麵,兩款海鮮都好新鮮,醬汁濃稠,有淡淡的香草味,麵質同埋飯嘅質感都唔會太淋,而且擺盤都好靚,好適合打卡。
仲有一道係牛扒,唔單止牛肉新鮮,連醬汁同埋配菜——薯蓉,都做得好出色,每樣野都有互相配合味道,薯蓉有陣陣黑松露香,然後牛扒就以香草簡單調味,黑椒汁就係呢一個菜嘅點綴。
整體間餐廳比我嘅感覺都好舒服,食物都好睇到廚師嘅用心,係一間好高質嘅小店,值得再去食!
張貼