Orange Elephant Thai Restaurant (啟德道)

營業中

休息中

每逢來到九龍城呢個地方，總會心思思想去食番餐泰國菜，原因好簡單有多間泰國餐廳係度，可以逐一俾大家去品嚐到各種泰國風味菜式，今次就去咗啟德道呢間 Orange elephant 泰國餐廳享用!係餐牌上已有多款特色小食供應之外，仲有每日限定一款美食，用一蚊優惠就食得，咁超值當然要埋點! 今日優惠係泰式香茅炸豬排，再點多幾款泰式嘢食就開始是日晚餐，先來有呢款優惠泰式香茅炸豬排，炸得金黃可脆，入口肉質香嫩啖啖油香滲出，再點埋泰式醬汁更加惹味。接住另一款鐵板蠔仔蛋，平時食到多數係潮州打冷舖，呢次唔知食落味道又如何，用鐵板盛上鋪滿爽口芽菜係底部，唔少得份量十足蠔仔蛋，食到香滑嘅炒蛋連同蠔仔鮮甜味，食落會有一番風味。再襯返杯特色三色冰，紅紅綠綠顏色鮮艷，喜歡食啊塔子的口感，椰汁味道香濃！又繼續品嚐其他美食，輪到有呢款人氣之選咖喱海鮮包盅，同時又食到各式各樣嘅海鮮配料，有青口、魚肉、魷魚等，一邊食住香脆麵包沾上香濃泰式咖喱，滿足食慾之餘夠晒滋味，又品嚐一餐泰式地道美食。