更多
2020-04-15
3671 瀏覽
上帝賦予人類生命力，每個人都有佢地獨特既面孔、色相、特徵、性格。由出世果刻，父母幫你改左一個獨有既名字，尤其是姓氏基本上係與生俱來，唔會改變。同樣食物亦都係一樣，唔同既種類，有佢地質感、用途、烹調方法同埋味道。而今次黎到呢間韓式炸雞店「Goobne Chicken」正正就係以創新獨有既方法，將烤出黎既雞肉，保留脆口但完全唔經油炸，滿足邪惡既慾望但同時達到健康既標準，認真唔話得！👇📌UFO 芝士火鍋- $268▪ 火山烤雞 -▪ 韓式BBQ醬煙燻烤雞 -▫ 當然係為左呢個Founde慕名而來啦，餐廳嚴選三種新鮮芝士，成個賣相做到好似金黃色既芝士噴泉。Staff一拎到黎，即刻相機食先，首先中間部份係用左水牛芝士、車打芝士，然後再係面頭灑上巴馬臣芝士造既芝士粉。每一啖呼吸都帶住濃香既芝士味，相信芝士控係呢個時侯已經忍唔住，而Staff會即埸花式表演用芝士包住烤雞，形成好誇張既拉絲效果，相當有睇頭！而食客可以揀兩款口味，前者火山烤雞食落肉質嫩滑，帶住陣陣既香辣感，捲埋芝士一齊食，兩者味道配搭毫無違和感，唔錯；後者既韓式BBQ醬烤雞，雞肉經烤過後，外皮咬落香脆，食落肉質唔乾身，而且充滿肉汁，油份
父母幫你改左一個獨有既名字，尤其是姓氏基本上係與生俱來，唔會改變。
同樣食物亦都係一樣，唔同既種類，有佢地質感、用途、烹調方法同埋味道。
而今次黎到呢間韓式炸雞店「Goobne Chicken」正正就係以創新獨有既方法，
將烤出黎既雞肉，保留脆口但完全唔經油炸，
滿足邪惡既慾望但同時達到健康既標準，認真唔話得！👇
📌UFO 芝士火鍋- $268
▪ 火山烤雞 -
▪ 韓式BBQ醬煙燻烤雞 -
▫ 當然係為左呢個Founde慕名而來啦，餐廳嚴選三種新鮮芝士，成個賣相做到好似金黃色既芝士噴泉。
Staff一拎到黎，即刻相機食先，首先中間部份係用左水牛芝士、車打芝士，然後再係面頭灑上巴馬臣芝士造既芝士粉。
每一啖呼吸都帶住濃香既芝士味，相信芝士控係呢個時侯已經忍唔住，而Staff會即埸花式表演用芝士包住烤雞，
形成好誇張既拉絲效果，相當有睇頭！而食客可以揀兩款口味，前者火山烤雞食落肉質嫩滑，帶住陣陣既香辣感，
捲埋芝士一齊食，兩者味道配搭毫無違和感，唔錯；後者既韓式BBQ醬烤雞，雞肉經烤過後，
外皮咬落香脆，食落肉質唔乾身，而且充滿肉汁，油份係烤焗既過程中迫哂出黎，所以相對炸雞無咁肥膩。
📌韓式香辣海鮮湯 · 粉絲 - $158 (+20)
👉食韓國野點少得辣野咖，呢碗海鮮湯就夠哂份量啦，表面比魷魚、大蝦、青口、蛤蜊
重重覆蓋住，認真落足料。加埋粉絲係底，每條粉絲入口質感煙韌，吸收哂海鮮湯既精華，
份外惹味。而湯底有少少似泰式冬蔭功既感覺，不過入口先酸而後辣，辛辣感更加突出。
📌鯊魚之淚 (酒精/無酒精) - $88
👉另一亮點就係呢杯以蜜桃配搭檸檬特製既Moctail，今次我揀左無酒精版本，深淺藍色既漸層效果，
再加上一大條玩具鯊魚插係裡面咬住d冰，呢個造型的確係幾有心思。而藍色既部份其實
係沙冰黎，飲苟果味同甜味比較重，感覺清新，帶少少酸酸甜甜，相當開胃！
📌西柚沙冰 - $64
👉簡單黎多杯沙冰開心share啦，呢杯入口飲到濃烈既西柚味，唔會話太苦澀，
反而甜味岩岩好，沙冰口感幾到位，我幾鍾意。
張貼
