最近 赤柱打鑼打鼓，開咗間新餐廳
又話有藍帶廚師主理
又話後生仔班底
致力提供赤柱街坊好食又抵食嘅飲食選擇

喺面書地區專頁
都見到有唔少街坊讚佢
食物質素 豬扒好食 奶茶好飲 地方乾淨 服務到位
所以 身為赤柱街坊梗係要 專登落去試吓

地方感覺係唔同咗嘅
由赤柱酒家演變到赤柱小館，而家就變咗餓底
地方乾淨咗 裝修簡單 勝在光線充足 感覺到清新



後生仔當梗係用後生仔方法營運
掃QR code落單，又方便 又快捷 一目了然 👍🏻

後生仔黨 當然要玩創意 搞搞新意思
一直好期待 藍帶藍帶 會有啲咩新搞作呢？
係咪將法式料理融入香港茶餐廳文化？

掃一掃 望一望
菜單比較保守 款式一如既往
既然街坊話豬扒好食 咁就試吓豬扒啦

焗豬扒飯好？定係 XO醬炒豬扒烏冬好？
焗豬扒飯相信自己都已經整得好好食
炒烏冬反而需要啲技巧
烏冬本身要彈牙，
炒得夠唔夠鑊氣又係另一個重點
豬扒方面 個人比較喜歡鬆軟有肉汁
而且味道要有層次感，死鹹死鹹好難食㗎嘛

手機落單之後10分鐘
大家都讚嘅奶茶到啦
望落去顏色有啲不對
點解？？一睇就知奶多啦！
你都唔緊要 茶味夠係可以cover到
飲咗一啖，果然……只係飲到花奶未？
紅茶味呢？唔見咗嚕。



再等咗8分鐘，
熱辣辣嘅炒烏冬出場啦
外表睇落都OK喎，仲熱辣辣有煙出㗎
當然冇一啖即刻食落去啦，
又熱又辣嘅，想生痱滋咩？

影吓相 擺下鋪 拍拍拍 📷📷📷
直度橫度 近鏡遠鏡 都齊啦
哎呀…唔記得拍片🤦🏻‍♀️



第一啖係食豬扒先
唉！冇期望就唔會失望！
乾、鹹、柴 夠唔夠形容？
相信應該係我唔好彩，
估計應該係一早炸定嘅豬扒，
「內軟外柴」 無肉汁 而且仲好鹹，
係死鹹嗰種，重鹽 重豉油 ！



烏冬都應該係一般嘅餐廳用烏冬
即係超級市場嗰啲包裝都一烏冬嘅質地
當你有食過一啲好滑 可以滑捋捋啜入口嘅烏冬
你就唔會想再食都一烏冬



味道方面，XO醬係有嘅
不過又係重鹹 重鹹 重鹹 冇乜層次香味
而且配料方面，除咗椰菜 都係椰菜
如果多元化一啲 豐富啲
賣相靚啲，口感層次味道都會加分

不過有一個好處，
就係唔算多「油」，
我有個習慣食炒嘢，一定會將隻碟打斜放，
今次由頭斜到尾，唔會淨左一攤油喺碟度，
都算係一個優點

簡簡單單 實測實評
冇美圖秀秀 冇雕琢修飾
直話直說 尚有進步空間




總結：
2024 赤柱新餐廳 藍帶廚師主理 無期望無失望
赤柱本身就選擇唔多 唔見得有必食嘅需要
期待有更加突破 更加創新 嘅飲食體驗
期待一間不一樣嘅藍帶 地區茶餐廳

好味指數😋😋😋
回頭指數 ⭐️⭐️⭐️
開心指數🤗🤗🤗🤗

從來都唔知道科大入面有酒店，有屋企人響大學做教職員，因為收到宣傳電郵提前 book 位有7折，問我同家中長老復活節入唔入去食 lunch semi-buffet，我覺得假期同老人家入去行吓都唔錯丫，就去試吓。

坐巴士去到科大南閘，其實呢邊我都冇去過，以前只係去火雞正門嗰邊。落咗巴士後要行15分鐘左右，去到一座會議大樓就係，外表真係完全睇唔出係酒店😅 呢間酒店係由 L' hotel group 營運。



主菜有6款，除咗我哋叫嘅款式，仲有三款係意粉、春雞同牛肋骨，叫咗主菜就可以出去自助區攞嘢食。



🍴燒加拿大豚肉扒配柚子汁（$218）
呢個係煮得最好，厚切豚肉扒熟度啱啱好，中間有少少 pink，肉質爽得嚟有肉汁，柚子汁酸酸甜甜解油膩感，好味！



🍴澳洲穀飼牛柳配燒汁（$228）
牛柳叫咗5成熟，切開後比5成熟多咗丁丁，不過仲係好軟腍有咬口，外皮有焦糖化嘅脆口感，肉質都唔錯～



🍴香煎三文魚柳配蒔蘿香草汁（$208）
呢個係有少少失望嘅，放上檯一刻已經知道煎耐咗，切開時果然魚肉已經好乾，要靠個 creamy 嘅汁救一救。



三款主菜嘅配菜都係一樣，配唔同嘅汁有唔同風味，其實三款汁嘅味道都唔嘅～ 我見到其他檯叫牛肋骨，大大份睇落唔錯呢～

自助區分咗5個部分：
1️⃣沙律區
有3款新鮮蔬菜 + 12款配料 + 4款沙律汁可以自製沙律，另外有3款已調好味嘅沙律。已調味嘅沙律係會換款，用料係普通嘢，味道okay，自製沙律係正常嘢，都算多選擇。
Cold cut 有3款，另外有煙三文魚同4款芝士，呢幾類食物都好一般，尤其4款芝士，勁硬，好似放咗好耐，cracker 係腍嘅～




2️⃣湯、小食及麵包
中湯係粉葛豬骨湯，西湯係野菌忌廉湯，兩款湯味道唔濃郁，稀稀哋，中湯相對比較好飲。
小食有炸春卷同咖哩角兩款，炸得香脆，唔錯。
麵包有4款，隔離仲有個滾動式多士爐可以整熱食，不過我冇試。



3️⃣甜品區
生果有菠蘿、西瓜、蜜瓜。
Chocolate fountain 配有棉花糖同生果串。
蛋糕有藍莓芝士蛋糕、tiramisu、madeleines，另外可能係復活節關係，有一個芒果 mousse cake 配可敲碎嘅紅蘿蔔造型朱古力，蛋糕當中以藍莓芝士蛋糕最好食，其他正常。
亦都可能係復活節關係，有多款朱古力、糖果同兔仔造型棉花糖。
最後有4款 häagen-dazs雪糕杯。






4️⃣ 喇沙
有廚師即場製作，可以揀米線或米粉，另外配有蝦、大魚旦、豆腐卜同菜，可能因為大學入面又唔算太忙，我哋想叫一碗 share 試吓，我哋問可唔可以雙拼米線 ＆ 米粉，配料每樣俾3件，廚師好開心答可以！湯粉配料唔錯，蝦肉爽口，魚旦彈牙，湯底比較淡。


5️⃣ 飲品
近門口位有橙汁特飲，另有咖啡機製作唔同種類咖啡，亦都有熱紅茶同新鮮檸檬，冰同糖漿，可以自製凍飲。咖啡唔好飲，覺得咖啡豆一般，我決定用半個雲呢拿häagen-dazs雪糕整 affogato 食～



整體上自助區嘅食物款式都幾多，亦都有職員睇住進度換一碟新嘅，質素唔算出色但尚算正常，主菜方面除咗三文魚差D 外，另外兩款都幾好食。檯與檯之間有寬闊距離，坐得好舒服，加上人流唔多，自助區唔會好多人攞嘢食，亦都 keep 得好乾淨，食得好舒服～ 景觀方面因為外面大興土木，唔太算靚景。用餐時間相當充裕，可以食到2:30pm，因為唔需要加一服務費，7折後每人都係$150多D，雖然自助區唔算出色，但可以任食4款häagen-dazs 雪糕，以價錢同環境舒適度嚟講，絕對對得起個價錢！

環境清幽帶點有禪意感覺的咖啡店☕️ 餐廳由外至內佈滿大量竹林🎋 門外更有一條石春小路 彷如踏進竹林的感覺😌 店內設有榻榻米座位 露天座位佈置了日式燈籠🏮及竹林 充滿濃濃的日式庭園🎏 有種讓人遠離繁囂的感覺🥰 主打日式料理，意粉及多款特色飲品 早餐一格格🍱 賣相吸睛用來打卡一流💯，運用九宮格拼盤提供多款美食，當中包括有牛油果焗蛋，以半個牛油果🥑去核且中間配上蛋黃蠻有創意🤩，一切開蛋黃慢慢流出蛋液很療癒😍，入口軟糯味道獨特，雞中翼有少許微辣挺惹味，玉子配蟹籽甜甜的，蓮藕切得很薄惹味爽脆，其他配菜還有台灣腸，粟米粒，牛角包，車厘茄及沙律🥗，能夠一次過滿足到口腹之慾😋 龍井蝦仁茶泡飯 配 紫蘇練梅漬蕃茄🦐🍅 6隻蝦仁🦐鮮甜爽彈，配一小碗龍井茶🍵倒入白飯裡，口感粒粒分明且茶香清新，另配上原個蕃茄🍅去皮再用紫蘇梅醃製，使味道增添層次感，酸酸甜甜越吃越開胃🤤 勿忘我☕ 香濃的𝙀𝙎𝙋𝙍𝙀𝙎𝙎𝙊配搭清甜的椰青水，最特別是一入口喝到椰子糖的味道😂 花前月下🍹 以茉莉花茶為基礎，再加入白提子，荔枝及青檸，喝到香甜清新☺️ 吸取上一次到咖啡店沒有提早預約，這次預約用餐很高興安排榻榻米座位，餐廳外至內每個角落都悉心打造美美的打卡位，只可惜當天下雨天未能到戶外拍照感到有點遺憾😢，期待下次再約三五知己或家人到訪，一起渡過愜意的下午時光😊

不止一次說自己很喜歡大坑這個社區，偶然在放假的日子來到這邊呷一杯咖啡渡過悠閒寫意的時光，這次就跟男友來到其中一間咖啡店享用我們的brunch


Full Breakfast Board - Sausage, Truffle Scrambled Egg, Portobello Mushroom, Tomato, Salad, Sourdough on the side $118
名字很長，但其實這就是all day breakfast啦！有香腸、黑松露炒蛋、煎過的蕃茄、沙律菜、磨菇跟酸種麵包，色彩豐富是蠻經典的食材拼配～ 黑松露炒蛋沒有炒到很乾仍保有嫩滑感，味道香濃；酸種麵包烘得暖暖的味道也很好，整個味道都是想像以內沒有太大驚喜


Cheese & Parma Ham Croissant with Spinach, Mayo, Salad on side... $85
另一款選來以芝士跟巴馬火腿為主角的牛角包配沙律，非常精緻的賣相，牛角包內夾著蕃茄、沙律菜、大大片巴馬火腿跟已溶掉的芝士，再加上少許蕃茜碎點綴，芝士跟巴馬火腿帶出不同層次的鹹香，和已經烘得香鬆且帶牛油香的牛角包，再配合清新開胃、已淋上柚子醋的沙律菜，整份完全不覺得膩，只是略嫌份量少一點Honeycomb Cappuccino $55（Hot） $58（Cold)
Black Sugar Café Latte $45（Hot） $48（Cold)
食物不算太突出但飲品卻令人有驚喜！先說兩款非常IGable，特別是Honeycomb Cappuccino，實在很難不多拍幾張照～ Cappuccino上放滿焦糖脆脆超美的，nutty的咖啡加上熱牛奶和奶泡後口感變得更順溜，焦糖脆脆香甜不帶苦澀，也令這杯加添幾分焦糖的甜味！至於Black Sugar Café Latte的外貌就像焦糖布丁一樣，在表面灑上少許糖再用火槍燒至微焦也帶出黑糖的甜香，喜歡黑糖的朋友可來試試看！大坑這個小社區有很多具有特色的咖啡店，店家就處於相對隱蔽的位置並不是特別引人注目，卻是每次來到都是滿座的狀態！這次到訪的時間比較早可以隨意揀選座位，其實這咖啡店的店面並不大，但擁有兩層樓的空間，簡約的裝潢、暖色調的燈光跟適量綠油油的植物，是一個非常舒適的空間～ 客人可以坐在樓上、樓下，甚至是室外露天的位置用餐，而我倆就趁著還是清爽的天氣安坐在室外位置啦！早起的鳥有蟲吃，到訪的客人相對少連帶整個用餐是慵懶放鬆的氛圍，可是時間一晚了就變得太多人興致一下子也沒了，想來用餐的話緊記看好時間啊！

好耐無打食評，因為我並唔係一個打手，亦唔會無緣無故去稱讚或者寫衰一間餐廳。
我自己好鍾意喺未去過一間餐廳之前上OpenRice睇吓其他人對餐廳嘅評語，我覺得真係有幫助👍🏻所以今次嚟ASK Cafe之前都特登上OpenRice睇吓其他食家嘅評語！到底點解我今次要特登為呢一間Cafe打食評呢？係因為佢哋嘅服務實在太好！！由心覺得🩵連我同行嘅兩位朋友都認為佢哋嘅服務好讚👍🏻

首先我哋12:00去到餐廳，我哋三個人點咗兩個set lunch，另外仲有兩個小食想叫(就係因為睇到其他評語話呢兩樣嘢都好好食），點知原來小食係要2:30p.m.後先開始serve，然後有位男職員好好，即刻入廚房問師傅可唔可以整，師傅話可以，然後就已經有一種好一切順利嘅感覺🥰


兩個set lunch跟兩個餐湯/ salad，我哋揀咗餐湯，係粟米忌廉湯。本身我哋三個諗住嚟到之後再問職員攞多個碗自己分成3碗湯，點知個男職員真係超級好！！佢拎咗三碗湯出嚟然後同我哋講話已經幫我哋直接分成三碗，唔洗爭🤣👍🏻真係搞笑又細心👍🏻分完之後大家可以從相片睇到份量都並唔係好少得兩啖！而且粟米忌廉湯非常足料，食到粟米蓉，好味👍🏻


之後就嚟咗我最鍾意嘅黑松露曲曲薯條😍呢一兜薯條一擺喺枱上面已經聞到好香嘅黑松露味，不過一拮落去就有啲失望，因為佢炸得唔夠脆，我覺得可以炸多陣！放耐少少，就開始有少少出水，不過作為薯條控嘅我絕對冇放棄佢😆


第三樣上嘅就係麻辣脆雞柳🍗嘩，真係不得了！一上枱嗰浸四川麻辣味勁攻鼻，唔食得辣嘅我即刻有啲驚😆但係望落炸到脆卜卜，好吸引，所以我鼓起勇氣拮起一舊嚟食，點知… 真係好味👍🏻夠脆夠熱，仲要勁麻帶辣，四川麻辣風味濃🌶️兩片嘴唇真係感覺到好麻🙈



然後到虎蝦意粉+黑松露帶子意粉，2碟都絕對有驚喜！platting 都已經好靚好吸引🥰先講下虎蝦意粉，有3隻虎蝦，都幾大隻亦都感覺幾新鮮，唔係嗰啲霉咗嘅蝦！炒得好香，味道濃郁，略嫌油咗少少🤏另外黑松露帶子意粉，帶子亦都係有3粒，火候控制得剛剛好，帶子咬落仲係軟口，唔韌！用黑松露忌廉汁去煮，成件事係prefect match👍🏻



再嚟跟餐有2杯飲品，加$10就可以升級去其他咖啡飲料。我哋叫左Creme Brûlée Cappuccino 同Latte！ Latte屬正常水準，Creme Brûlée Cappuccino就特別得多，上面真係有一塊燒過嘅糖片，冇用到仲係脆卜卜嘅，塊糖片可以用匙羹”潷”嚟食😆


最後，我哋跟餐加$28加左件士多啤梨蛋糕作為今日午餐嘅終結，亦都順便同我嘅好友補祝生日🎂一去到餐廳我已經問職員可唔可以幫手寫名喺蛋糕個碟度，職員好爽快咁答我可以，仲即刻比張紙我叫我寫低啲字添，真係好好🥹士多啤梨海綿蛋糕，感覺同Italian tomato嘅蛋糕口感好似，啲cream好正呀🤤不過啲士多啤梨就酸咗少少🤏但係作為甜品，甜甜酸酸係最合襯嘅🥂


餐廳又靚，職員又主動又有禮貌又helpful，真係令我同友人今天嘅午餐慶祝聚會變得十分美好，係一個好happy嘅ending (適逢友人揾到新工，生日farewell一次過😆)🩵👍🏻

蓮香樓終於重開🥹
一放工就同朋友約嚟食晚飯



加開 #手搖茶 店喺樓下，夏天熱辣辣行過真係會忍唔住叫番杯

店員用心推介，於是無視「一陣就喺樓上食飯」
樓下買杯「三千紅塵」先，
（英文係「the grand earl grey with milk form」)

店員問我要咩甜度同埋冰量，「乜都唔使變！正常就得啦！我想試吓正常係啲咩味道」

冇幾耐之後店員就拎咗我杯嘢出嚟
然後喺我面前加泡同肉桂粉

佢推介先插飲管品嘗底部茶香，不同於一般手搖茶
蓮香對其茶底有著不一樣嘅堅持，一口入口
「真係好香茶香！入口相當清新，甜度適中」好彩冇叫少甜！
然後佢再推介我吸啜泡沫，個奶泡比我想像中輕盈，完全唔漏

然後再嚐茶底，「嗯？又另一種味！」

頭先我仲諗「飲咗呢杯嘢唔使食嘢啦！」
但係呢個泡比我好大嘅驚喜，輕盈得來又唔係話食咗空氣咁空虛
又唔會話齋落糖水死甜嗰隻！

朋友果杯冇泡，就會有個好似茶杯蓋嘅蓋，設計好特別

搦住杯嘢上去坐返去我哋個位，然後就開始開餐啦

我哋叫咗個蒜蓉炒豆苗

招牌煎鯪魚

炸子雞

蒸魚

雞同魚都整得好滑同好鮮甜多汁！
個雞外脆內滑！口感豐富！

西蘭花炒魚


係人都知我係一個水怪
一路食飯，我會飲好多水，好多時唔係因為口渴
而係因為出面嘅嘢食味精多
但係今次我真係冇乜點飲水
而且雖然都係一啲聽落好油膩嘅餸菜
但係完全感覺唔到油膩嘅感覺

但係比較奇怪嘅係
因為上咗兩味魚，有比較就有傷害
食完野生蒸魚之後，再食西蘭花炒魚，後者就顯得有啲失色🤫

本身想叫個乾炒牛河，但係竟然賣晒河粉
而聽聞呢呢個大廚出名嘅就係乾炒牛河
咁冇辦法啦，就叫個海鮮炒麵，結果個海鮮炒麵俾我清咗底🤭


有人會問「咁 #服務 呢？」
講真，真心驚
啲夥計唔該前，唔該後
就算傾偈傾耐咗都冇催我哋
香港今時今日咁嘅服務態度，邊度搵呀？

一般去酒樓，我都好驚去廁所
多數地下都濕𣲷𣲷
啲廁紙就堆晒喺度咁

朋友去完 #廁所 之後，話廁所好靚
本身唔急嘅我都要去一去廁所
仲要咁啱冇人

真係唔好講笑，個廁所勁soho feel
入面主打綠色，個冷氣機都係綠色
四周圍係中西合璧嘅設計，望真啲天花板係一朵朵蓮花咁嘅設計
如果啲門口嘅牌可以有啲玩味就更加Perfect

美中不足嘅係
食完之後如果有紅豆沙就正到爆啦🤫

下次要再試下叫乾炒牛河！聽廚師講係限量🤔

復活節連假，選擇留港消費的我，與友人一行二人早上11時45分到達屯門的#道 排隊。聞說這家拉麵店前身是吃廚師發辦的，現在則是主打雞湯為主的拉麵小店。 小店十二時才營業，早到的我已是排第十八位。由於店內只有約十二個的吧枱位置，所以，要待第二輪才可入座。最終，於下午1時入座及立刻點菜。一般坊間拉麵店的流轉很快，客人大概等待30分鐘便可入座，但是，當我入座此家「道」拉麵店後，便會明白為何要等上一小時了。 是日點了 #醬油清雞湯拉麵 $98 、#雞白湯拉麵 $98、#唐揚炸雞 $48、#波子汽水 $38 及 #蘋果梳打 $38。 店舖有3名職員，烹調拉麵及迎接客人的是同一位師傅 ; 落單、結帳、清潔枱面及料理湯底、叉燒是另一位師傅 ; 還有一位師傅是負責炸物。 由於坐吧枱中間位置，目擊師傅整過製作過程，不禁讚賞他們的用心，大概20分鐘後，其中一位師傅端上拉麵，並詢問客人是否第一次光顧，若是第一次到訪，便會作詳細介紹。 #醬油清雞湯拉麵 ：第一啖喝到湯底帶麻油味及清甜，不過，吃到一半會嫌略鹹。麵條得一款，亦不可選軟硬度，如果喜歡爽身麵的會是你杯茶。而叉燒是用上九州華味鳥的雞叉燒，有微焦味的凍叉燒。味玉帶少許流心，屬正常水準。 #雞白湯拉麵：濃濃偏杰身奶白色的湯底，不會太鹹，絕對是我喜歡的，而隨附的碎蔥是吃到一半才放入湯底吃，的確是令湯底再度升華。由於麵條質感有點像吃偏硬身的蕎麥麵，感覺不是太掛湯。而雞叉燒如果可以炙燒多一點，不是冷的會更好呢。 #唐揚炸雞：4大件外脆內軟的炸雞，粉漿又不是食評說到的厚，是可接受，咬開亦是充滿肉汁的，蠻不錯，不過，份量較適宜有2-3人分享。 整體內說，這家小店的確有再調整的空間，但區內可吃到雞白湯拉麵而食物及服務又不錯的，可能只有這一家，所以，眼見源源不絕的人龍又不乏回頭客(當日同一批用餐客人都像是熟客呢)。屯門區曾經出現過幾家類似的拉麵小店，但都未能繼續經營，希望這一家位於小巷側的用心小店可以持續發展下去。

住處區內有一幢過百年的歷史建築物，趁假期正好來訪，順道在一樓的餐廳用膳。 主打和風洋食的餐廳，店內一桌一椅亦區分有洋式和和式的設計，最出面是吧枱，裡面更有卡拉OK房，活動性甚廣。 午市只有套餐供應，有頭盤、餐湯、主食和餐飲。和風沙律的菜蔬有些沙律菜、一圈紫洋蔥、半顆車厘茄以及數粒粟米。微酸的沙律汁的確令人開胃，可惜汁液太少，不是每塊菜都沾到，所以食起來有部份好像吃著生生硬硬的。 餐湯由忌廉湯升級到龍蝦忌廉湯。有趣的盛器似是一個星球般，打開便見到裡面的湯。有別於一般的龍蝦湯，沒有紅紅的顏色，忌廉直接增加奶滑度，而且湯裡也有一些蝦粒。可是味道實在太淡了，龍蝦味絕對談不上濃烈，就是一碗帶少許蝦味的忌廉湯。 蛋包飯要了和牛來相伴。蛋包飯的主力滑蛋的而且確炒得滑身，軟嫩帶有蛋香。飯並非常見的茄汁炒飯，反為用上燒汁，所以過甜，需要加些鹽才夠味。細碎的和牛粒約莫有五六塊，帶少量油脂香，雖則這麽少，食完飽滯感竟甚為強勁。 銀鱈魚西京燒更加不得要領。坐落在一大件燒檸檬上的魚塊似是煎都未煎過，雖然吃下也有極度輕微的西京燒味，但好像不是這回事吧！半舊可樂餅還是脆的，蘸點旁邊的醬也還不錯。之不過即使加入整整半碟的沙律都不夠飽，幸好小人加了碗飯方有些吃過東西的感覺。 凍黑啡和熱茶尚算醇厚，是全餐最欣賞的。 百多元一個餐不算很貴，惟份量之少拖低了性價比。

📌 鉄火堂 (厚福街) - 尖沙咀厚福街10號地舖
🗓(29/3) 星期五 ⏰ 晚上5點左右


💈特式：復活節假期首日就梗係瞓到有咁晏得咁晏，然後出去搵下食啦，出左尖沙咀行左陣街街，經過厚福街搵左呢間鉄火堂食個靚靚dinner。


🥩🍔🌭🌮🥗🥯🥘🍲🍝🍣🥟🍤🍱
食物：餐廳主打食丼飯/刺身/壽司，仲有其他日式小食/沙律/紫菜杯，餐廳仲有2人套餐，方便晒我呢d唔鍾意用腦嘅食客，而家等我同大家講下🇯🇵味道先。


2️⃣人前套餐 $3️⃣9️⃣8️⃣ - 呢個套餐包左2碗麵豉湯，2份迷你蟹子沙律，一個超豐富嘅豐盛刺身丼，一個炸物盛合，2份是日甜品：

🦀迷你蟹子沙律 - 蟹子沙律味道正常，我本人幾鍾意佢個沙律醬唔係好酸，但食落感覺都令人開胃。

🍣豐盛刺身丼 - 呢個丼真係應該用豐盛嚟形容，材料有三文魚腩/油甘魚腩/厚切赤身/厚切劍魚腩/八爪魚/烏賊/北寄貝/馬刀貝/帆立貝/芝士蟹籽/海膽魷魚/帝王蟹棒/中華沙律/飛魚籽/碎蔥吞拿魚/珍寶赤蝦共16款食材，d材料多到完全見唔到個飯底，而且每款食落都新鮮。

🥟炸物盛合 - 盛合有芝麻雞翼/墨魚咀/餃子，每樣都係即炸，上枱十分熱辣辣而且炸得好香。尤其是個雞翼，入面d肉仲食到好juicy，再值得一讚仲有佢地個京蔥餃子汁，唔記得問店員係咪自家制，但味道認真出色。

🍓是日甜品 - 甜品有一件迷你士多啤梨雪葩同一件吉士餡嘅團子，個士多啤梨雪葩好甜，一d都唔酸。


鉄丼家 - 因為今日全日都無食野，所以太餓之下再叫多左個丼飯，佢地個丼飯餐都幾多選擇，有5種飯底+沙律菜底，再配一款藍鰭吞拿及4款自選刺身/配料，我就揀左冬菇壽司飯底+藍鰭厚切大拖羅+厚切油甘魚+穴子+火炙左口魚邊+希靈魚，無論份量同質素都對得住個價錢。


☕️🍵🥤🧋🍺🍷🥃🍹🧉🍾🍶🥛
飲品 : 因為餐廳有茶水提供，個餐又有麵豉湯，所以就無再特別叫飲品。


🍽環境：餐廳位置唔算多，裝修偏向日式居酒屋風格，坐位同枱面都算闊落，整體都坐得幾舒適。


🤵🏻🤵🏻‍♀️🤵🏻‍♂️服務：職員態度幾好，全程都好有禮貌同埋有保持笑容，上菜速度都幾快，菜品擺盤亦算精美。


💰💸價錢：佢地個2人套餐咁多食物種類，食材又豐富，我再另外再加多左個丼飯，埋單都只係$5️⃣0️⃣0️⃣左右，係尖沙咀食丼飯嚟講都算幾抵食。


🐲💬總結：我早排先去完日本，當時都有食刺身/丼飯等等，但呢間嘅質素都做得唔錯，除左價錢外都拍等住日本嘅質素，真心推介。


推薦指數：❤️❤️❤️❤️❣️

🏮就嚟富妹生日，生日咁大件事，梗係要慶祝吓啦！富妹成日投訴熊妹成日食西餐，🆗，生日同富妹再食好啲，揀間日本居酒屋，日本菜仲唔夠高級？📌要近富妹屋企附近，就當然喺九龍城搵食。去到打鼓嶺道，見到有間日本居酒屋《禮》，望入去櫥窗，擺滿咗好多個唔同大細，唔同款式的招財貓🐱，咁日本風情就呢間喇！📌店舖唔算好大，有四至五張四人枱，仲有二人枱同埋門口bar枱位，用上木枱木椅，天花板上吊起幾個日式居酒屋燈籠，牆上有個木架，放滿了一些日式擺設🎎同sake杯🍶，呢個杯架真係好吸睛，餐廳仲不停播放住日文歌🎶，成件事就係居酒屋的格局！📌居酒屋初期原本是讓上班族過來飲酒輕鬆一下，後期引入了各款日式菜式，以串燒、佐酒小食為主，與友人把酒歡談的同時，又可以品嚐佳餚，「一啖串燒一啖酒」，正正就是居酒屋引人入勝的地方。📌除了串燒之外，《禮》居酒屋仲有好多日式食品，例如前菜小食、沙律、他他、炸物、燒物、烏冬、丼飯、日式甜品等等，再配合返香港人近期熱愛燒牛舌同炸雞，仲推出咗一連串嘅牛舌款式同埋炸雞口味，所以話係居酒屋又有得食又有得暢飲，真係一個有氣氛又輕鬆的餐飲地方。📌《禮》仲推出咗個9️⃣大排行榜，即係招牌菜式啦，熊妹同富妹本身都唔食得多野，決定今晚係串燒之夜🍢，「一啖串燒一啖酒」，入圍的串燒當然要嗌晒去啦！📌嚟到居酒屋，梗係要飲番杯先啦！原來有兩小時啤酒或者清酒任飲優惠🍺，每位都係$98，嚟到居酒屋一定要用酒先可以釋除一天的辛勞。
📌事不宜遲，乾杯🍻！前菜，$10
好多時候日本餐飲都會有一兩碟前菜小食，佐吓酒，開下胃，今晚《禮》的前菜係醃製咗嘅醬油牛腩蘿蔔粒，牛腩粒咬落去好似食牛肉乾咁，好有咬口，醃製咗醬油味超濃，熊妹幾鍾意呢款小食喎！元氣蒜頭漬，$38
蒜頭漬以日本前菜嚟講都幾出名，蒜頭粒粒好有咬口，用上香濃嘅醬汁醃製而成，食一粒，全個口腔都已經充滿蒜頭鹹味，真係幾好嘅送酒前菜。
牛蒡醬油漬，$38
本身熊妹都唔係幾好牛蒡味，不過呢個牛蒡經醃製之後減少咗好多牛蒡味，食落去好爽口，好似食鹹味嘅蘿蔔咁。古早蟹籽沙律，$58
不嬲熊妹食大餐之前都要食沙律，呢個古早沙律，聽個名都好特別，唔知古早係咩呢？
原來材料就係吞拿魚沙律、沙律菜同埋面頭鋪咗一大堆蟹籽，撈上芝麻柚子醋汁，食落酸味味之餘又有啲吞拿魚肉嘅口感，相信古早就真係經典嘅意思，用上嘅材料都係典型沙律嘅材料，又幾開胃喎！蟹羔玉子燒，$88
9大排行榜第6️⃣名，蟹羔玉子燒。一碟切成六件，面頭鋪滿左蟹籽，望落去橙橙黃黃已經好吸睛。玉子燒要燒得靚絕對好考師傅嘅功架，一層一層蛋皮煎起再包起又唔可以見到任何燒焦嘅虎皮紋，煎嘅時候一定會全神貫注，小看1秒都會失手。呢份玉子燒絕對係一份超班嘅玉子燒，整個玉子都燒到金黃色，玉子餡入邊包含咗蟹羔，淡淡嘅雞蛋味滲出蟹羔的海鮮味，再有面頭帶鹹味的蟹籽，一啖放入口真係滋味無窮。厚切牛舌芯（左），$68
9大排行榜第4️⃣名，厚切牛舌芯。一串牛舌有四大件，目測起碼有3cm×3cm，厚切嚟講真係幾厚，應該有0.5 cm嘅厚度，調味唔需要多，輕輕嘅鹽味已經好配牛舌，牛舌芯厚到食落好爽口，好有嚼勁，咬下咬下，食一件已經好滿足。
富士蘋果煙肉卷（中），$48
煙肉卷配蕃茄仔就食得多，配富士蘋果就未食過。一串有三件，外皮煙肉卷包住一大粒富士蘋果，外皮嘅煙肉煎到剛好唔乾，咬落去有油脂分泌，再配合清新清甜的蘋果🍎，富士蘋果食落好爽口，可以解煙肉脂肪嘅油膩之餘，又好似食飯後果咁清一清口腔嘅煙燻味，比起配蕃茄仔確實係唔同食法。
媽媽鹹蛋豬肉棒（右），$48
9大排行榜第3️⃣名，媽媽鹹蛋豬肉棒。免治豬肉製成嘅串燒棒，面頭鋪上媽媽鹹蛋黃醬，豬肉棒啖啖肉，調味唔重先配合到媽媽鹹蛋黃嘅鹹香味，呢個鹹蛋黃醬真係幾特別，好簡單嘅豬肉鹹蛋黃食材，就係想帶出童年母親燒菜的味道。脆皮白鱔（左），$88
9大排行榜第1️⃣名，脆皮白鱔。第一名喎！一串有兩大件白鱔，白鱔係厚切，塗上燒汁去燒再慢慢滲入鱔肉入邊，火候燒到剛剛好，食落係爽口，而唔係淋生魚肉，與燒汁嘅配合一啲都唔腥，明顯用料上乘，火候十足，難怪可以登上第一名的寶座🏆。
京蔥雞肉串（中），$48
表面搽上醬汁，一啖雞肉一啖京蔥，梅花間竹咁食，就可以食到雞肉同蔥味兩者交織的配搭，係經典的串燒款。
青森青提豚肉卷（右），$48
9大排行榜第2️⃣名，青森青提豚肉卷。比起煙肉卷，這份豚肉卷少了份煙燻味，加重了豚肉嘅味道，內裏包住青提子，驚喜地發現連提子皮衣都剝開了，一咬落去，清甜嘅青提子汁就會泌出來，衝激豚肉片，又鹹又甜，油膩盡消，果然係夠特別的第二名！免治雞肉棒配醬油蛋，$48
9大排行榜第9️⃣名，免治雞肉棒配醬油蛋。免治雞肉棒在熊妹心目中，一直以來都係第一名！免治雞肉棒入邊用上打雞肉及攪碎了的雞軟骨混合製成，咬落去有肉嘅口感又有雞軟骨嘅卜卜脆，重點係點上月見醬油汁，加一點醬油味道之餘，仲有好濃郁嘅日本蛋黃味，生蛋黃漿住喺雞肉棒上面，再提升咗成份雞肉棒的味覺享受。南蠻炸雞，$78
除了串燒，炸雞送酒都非常一流，炸雞款式入面南螿蒜香都幾特別。
一碟有五大件，炸雞超脆口，用上奇趣炸，雞皮有一定嘅厚度同油膩，炸得通透食唔出炸粉，係連骨嘅雞肉位，大大塊雞肉啖啖肉，南螿蒜香經油炸咗之後味道更出，最後連骨頭都噀埋好有味道。日本枝豆，$38
又一送酒佳品！呢碟日本枝豆份量都幾多下，有20條或以上，簡簡單單用鹽水煮滾，食落去已經好充滿鹽味，煮熟咗嘅枝豆皮變軟，喺枝豆中間將一粒枝豆咇出來再滲透出鹽水，清鹹嘅青豆味，食一條再送一啖酒，就係佐酒小食的意義。📌居酒屋就是讓人把酒談歡，消除疲勞，飲過痛快的地方。《禮》無論係環境、食物味道、氛圍都充滿着居酒屋的特色，仲推出咗儲印仔活動，每次來光顧都可以獲得一個印仔💮，儲夠一定數量就有印花卡上面的小食送，咁好氣氛的居酒屋絕對能夠再encore啦！

舊年就到訪過「萬麗咖啡室」，睇番啲食評，原來剛好一年前嘅事，當時就為通番關嚟食餐好嘅。今次見到餐廳由依家到4月尾做緊西班牙主題自助餐，西班牙一向都頗有特色，加上又做緊啲優惠，所以，同老友嚟嘆番吓。
眨吓眼又一年，個環境當然無乜點變啦，柔和燈光加寬敞空間，依然予人感覺舒適，所以，整體感覺幾舒服。而食物區都喺二字左右排開，集中晌一個範圍，唔使左兜右轉，亦都比較方便。上文都講，今次自助餐以「西班牙」為主題，四周嘅牆上都貼有唔少西班牙嘅裝飾，而菜式方面就有唔少西班牙特色菜。星期一至四晚計，成人收$808，星期五至日及公眾假期成人收$848，另收10%服務費，晌官網網上商店預訂有75折優惠。如果想再食平啲，可以考慮自助午餐，同樣供應西班牙主題自助餐。冷盤
先講講冷盤同沙律，就晌食物區嘅頭位，選擇夠多喎，唔喺一般嘅凍切肉腸、莎樂美腸。有好多款都喺主題菜式，包括西班牙蕃茄凍湯、數款西班牙醃肉腸、一款牛奶芝士及一款羊奶芝士、西班牙沙甸魚、醋漬鯷魚、西班牙蕃茄麵包、煙三文魚，仲有啲橄欖呀、酸瓜……等配料。Joselito西班牙火腿
而一入門口就見到有侍肉師傅即場將西班牙火腿切片（限星期五、六先即場為客人切片），薄薄一片，仲要砌到好靚仔。唔講真喺唔知，原來「Joselito」呢個西班牙品牌已有150年歷史，單喺呢點，啲火腿理應已夠晒質素啦。沙律
沙律吧陣容夠晒鼎盛呀，4款沙律菜、大大少少近20款配料，如鮮蝦、煙肉碎、露筍仔，配以4款自家調製醬汁，唔鍾意嘅，可以簡簡單單淋啲油醋，但我就鍾情蜜糖芥末汁同牛油果醬。此外，仲有款預製好沙律，包括意粉沙律、煙鴨胸沙律、蕃茄水牛芝士沙律、烤和牛沙律、海鮮沙律，喺唔想煩嘅懶人之選。將最心水、最精選嘅沙律同冷盤放埋一齊，造就小弟呢碟超豐富頭盤，樣樣都有啲，夠晒多元化，色彩又夠繽紛，睇見都已經好醒神。幾款主題西班牙食材，果然有質素，尤其啲火腿，唔好見大片白色「肥膏」，出奇地無乜油膩感，反而有陣陣脂香，鹹鹹哋嘅味道，正呀喂！幾款預製好嘅沙律亦都好食，食完胃納大開。海鮮
食自助餐最回本嘅一定喺啲冰鎮海鮮啦，今次所見，就有法國麵包蟹、澳洲青口、長蟹腳、翡翠螺同凍海蝦，佐以幾款醬汁，如雞尾汁、辣芫荽汁、紅酒醋同蜜糖蕃茄汁，都幾特別。就目測所見，呢啲回本嘢好搶手，但成晚都見補貨甚快，完全無間斷供應。刺身、壽司、卷物
就晌近門口，凍海鮮傍，小弟平常比較少晌自助餐度食壽司，因為自助餐所提供嘅一般都喺啲大路貨色，但偶爾見到質素高嘅都會試試。今次就見啲帆立貝同八爪魚好靚，仲有一款炙燒和牛壽司好有興趣。冰鎮海鮮又喺樣樣試啲，拎滿一大碟，再加埋刺身嘅帆立貝同八爪魚，做成一份海鮮拼盤咁。每一款都有其獨特嘅鮮甜味，麵包蟹好多膏喎，蟹腳鹹鮮味十足，蝦肉同螺肉又爽，啲帆立貝果然喺刺身級，又大件，柔嫩鮮甜，真喺「鮮」入為主。老友原來都幾鍾意刺身、壽司，趁佢拎時我就搭單，再食啲帆立貝同八爪魚，但重點喺想試件炙燒和牛壽司，的確好正，壽司飯捏得緊致卻唔死實，燒和牛既有肉味，又帶點油香，正呀喂！湯品
呢度嘅湯品喺亮點，因為佢哋有提供是日燉湯，名稱就無講，但湯內睇得出有好多料，加上上次飲過確喺正，今回就當然翻兜。此外，仲有1中1西嘅「例湯」，前者寫住龍蝦菜湯，其實似喺加咗龍蝦肉嘅碗仔翅咁，後者就喺南瓜忌廉湯。覇氣咁一次過試咗3款湯，包括西班牙蕃茄凍湯、南瓜忌廉湯同燉湯，可謂各有賣點。凍湯好少飲，入口清爽感極強；個南瓜忌廉湯亦都打得好滑溜，滿滿南瓜香味，等至於個燉湯，絕對喺高質量出品，飲落非常之清潤，味道醇和，可以講喺飲得出真材實料無欺場。即煮粉麵
晌自助餐嘅即煮粉麵、即煮意大利麵……等等，都一律少試，因為太易飽肚，不過，偶有例外，就好似今晚咁，供應嘅喺馬來喇沙，仲要配半隻龍蝦，夠晒豪氣，又合晒小弟心水，就算易飽肚都想試試，好彩老友都鍾意，嗌一客兩個人「些牙」。個喇沙湯底入口真喺唔失禮，比一啲主打賣東南亞菜嘅餐廳所出品唔差得遠，香味四溢，而麵底可以揀油麵或米粉，識食當然梗喺揀摻摻啦，至於隻龍蝦啲蝦肉好爽口，充滿鮮甜味，加上成嚿蝦肉好易起出嚟，啖啖肉，食得超爽；此外仲有啲豆卜、芽菜同雞蛋作為配料，製作絕對唔馬虎。咖喱、熱盤、烤肉
另一個「長區」就喺擺放多種熱食嘅食物區，晌呢度有好多精彩美食，先講重點，就喺多款西班牙主題熱盤，包括最大亮點嘅西班牙乳豬、西班牙海鮮炒飯，以及西班牙香菇炸丸子、西班牙薯仔蛋餅、西班牙欖油蒜香蝦、香烤西班牙腸、香烤豬肉串，淨喺呢幾樣已好精彩，仲有新鮮蒸焗波士頓龍蝦。以其餘嘅 熱盤，一口氣介紹埋先，計有印度咖喱雞肉、印度皇飯、鑊炒和牛粒、烤爐魚、炒蜆、咕嚕肉、煙肉芝士焗蠔、紅燒鮑魚、烤牛肋排、焗薯、炒野菜、龍蝦茶碗蒸、海南雞、蒸大鱔……等等，都喺睇相寫返出嚟，可能都有遺漏，總之，可以講喺種類繁多。講真， 邊可能試得曬所有嘢， 所以去到呢個大類都喺重點出擊，揀3、5、7款心水嘢嚟試。雖然喺咁，都砌咗成大碟「主菜」，蒸龍蝦當然喺以回本心態拎嚟食，不過，啲龍蝦好食就值得再回味；而西班牙乳豬非常之脆口，肉質好爽，香菇丸子咬落唔油膩，外脆內軟，味道幾特別，蒜香蝦充滿香蒜味，自然惹味十足，西班牙炒飯都做得有水準，至於其他嘅熱盤，就都樣樣拎少少嚟試下。慢煮牛柳
晌熱盤類嘅篤篤最尾，仲有一個即做慢煮牛柳嘅檔口，點解要特別分開嚟講呢，因為，師傅會直頭好似啲高級餐廳咁做成一道主菜咁，墊上甘筍蓉再配烤青椒，賣相非常精緻。的而且確，牛柳入口肉質細緻嫩滑，肉味不俗，
而墊底嘅甘筍容 亦都打得柔滑非常，清甜好食。生果、甜品
食得幾飽都好，點都要留返10%空間進擊甜品嘅，呢度嘅甜品都好有亮點，擺到琳琅滿目，尤其今次更加咗數款西班牙主題甜品：西班牙油條、香橙米布甸、聖地牙哥杏仁蛋糕、巴斯克芝士蛋糕，此外，其他款式如朱古力紅莓慕絲蛋糕、天使蛋糕、香桃批、焦糖牛油蛋糕、桂花啫喱、意大利芝士餅、紅棗雪耳糖水、曲奇、蝴蝶酥、朱古力噴泉、糖果……等等，絕對滿足到所有甜魔嘅喜好。挑戰甜品時段就一口氣揀咗9款，砌成一大碟甜品大拼盤，老友睇見都覺得我瘋狂，唔喺講笑，小弟堅喺食得晒。好難逐一評價，但整體而言絕對無令人失望，滿足晒嗜甜嘅心癮。而個人最推薦就喺巴斯克芝士蛋糕、朱古力紅莓慕絲蛋糕、天使蛋糕、香桃批、意大利芝士餅，真心正呀！XTC Gelato、即做迷你窩夫
XTC呢個品牌嘅雪糕比較少接觸，進擊完個「甜品拼盤」，真喺差唔多到頂，但點都貪心哋想試埋個窩夫拼雪糕，再搭啲生果。窩夫雖然攤涼咗，但新鮮製作關係，仲好脆口，仲喺綠茶口味添。雪糕就揀咗芒果雪葩、港式奶茶同開心果，個人覺得奶味無咁重，但3款嘅本身味道都好突出。飲品
自助餐本身已包一杯果汁或汽水，然而，晌肉品自助區，就放置兩大部咖啡機，有多款意式咖啡供選擇，另一邊就放有檸檬片、鮮牛奶、數款茶包供自由取用。此外，另加$188 就可以無限暢飲果汁、汽水、精選啤酒、氣泡酒及紅白酒。由頭食到尾，食吓傾吓，抖吓又再食吓，今日狀態唔錯，夠持久力，所以，真喺食咗唔少嘢，可謂大滿足。順帶一提，呢度啲招呼幾好，侍應有禮，服務殷勤，收碗碟都好快手，補充食物又足。

🍁好耐無同瑪姬皇后出銅鑼灣行街🛍，行完街肚餓緊係要醫肚，見百德新街有間日系輕食餐廳《Pancake Senmon》，裝修好特別✨，一於入去坐下。📌LOG ON 行前小小就係《Pancake Senmon》，門面以木系裝潢，透明玻璃🪟清楚看見店內一大棵黃金楓葉樹🌲放在櫥窗內，咁吸睛行過都會望兩眼👀。📌入到店鋪，就有一隻坐地貓貓擺設歡迎你，好得意喎！📌吧枱上都放了幾個日式貓系陶瓷，看來店鋪以貓貓🐱為主題。📌餐廳感覺好光猛💡，裝潢好簡潔，牆上掛上幾幅日式招財貓掛簾，枱凳🪑以灰白色及木系為主，日系風格真係出哂黎🇯🇵。📌金黃楓葉樹上都掛了一個個招財貓公仔，好搶眼喎😻！📌金黃楓葉樹下仲擺放了一個小小的金幣許願箱💰，成件事真係好日本風情🖼。📌《Pancake Senmon》以日式輕食為題，主打各款日本班戟甜品🍩，起碼有十款以上可選擇。
📌另外仲有日式輕食。和風輕食系列包餐湯、主菜同麥茶，主菜有好多款揀，有咖哩🐥雞、牛肋條🐮、五花腩🐷、燒帶子等等，可以跟飯、意粉或者烏冬，價錢$118-$138，套餐咁的價錢抵食喎！📌飲品方面都好精緻，有各款沖調咖啡☕️、特飲🍹同店鋪最吸睛的富士山系列🗻。日本鳴門金時蕃薯 MONT BLANC 班戟，$138
來到《Pancake Senmon》專門食pancake，緊係點個招牌pancake試下喇。云云十多款pancake甜品當中，最吸引的莫過於招牌MONT BLANC 班戟系列。
揀選MONT BLANC 班戟有三步曲，首先，選擇外層蒙布朗口味，有期間限定金時蕃薯🍠、和栗🌰、紫薯、黑朱古力🍫同巨蜂提子🍇，然後選擇內裡的班戟口味，有原味、抹茶同朱古力，跟住就揀雪糕口味🍨，有抹茶、朱古力、士多啤梨、焙茶、雲呢拿同栗子，嘩！一個甜品三款食材，呢個MONT BLANC 班戟唸起都興奮😝。
左揀右揀，最後揀左期間限定金時蕃薯做MONT BLANC 山，然後襯托抹茶班戟跟焙茶雪糕做內饀。
好震撼的一坐MONT BLANC 山上枱⛰，超大一份的甜品，外層的金時蕃薯蓉🍠係好香甜的蕃薯味，明顯係用日本靚貨先咁出呢陣蕃薯香甜味。然後山入面有一堆cream，就到焙茶雪糕，雪糕溶溶地會撈埋cream同蕃薯蓉一齊食，因為焙茶本身茶味濃，撈埋一齊都各自食得出本身的味道，熊妹認為呢個配撘唔錯喎！
雪糕🍨下層就有一件抹茶班戟做底，深綠色的班戟係濃茶的抹茶做成，茶味重點又唔係假甜，班戟質感好鬆軟又有厚度，也沒有被上層的雪糕溶化變成好濕潤，唔知係可以點做到呢？果然做班戟有一手！三款食材都各有味道同口感，熊妹就建議各自獨立品嚐三款食材，以免三種味道的混合遮蓋了它們原本的美味。濃蕃茄牛肋條意粉，$138
輕食當中想食意粉🍝，意粉黎講，濃蕃茄牛肋條應該會好匹配。意粉份量正常，質感偏淋身少少，反而同濃蕃茄醬汁🥫好夾，稀稀地一啖𠽌入口，又唔洗咬得太嚼勁，濃蕃茄醬入面有好多蕃茄蓉🍅，有紅蘿蔔粒🥕，係好酸甜香濃的蕃茄味。牛肋條切成粒狀，都有6-7大粒，一口牛更易入口，肉質煮到軟淋，無筋又唔韌，輕食來講，好夠份量。抹茶富士山，$56
招牌富士山系列咁吸睛，點都要叫一杯打下卡📸。焙茶同抹茶，抹茶控抹茶熊當然揀抹茶，不需解釋🙈。富士山系列🗻，其係上層一半係茶味奶蓋🍵，下層一半係牛奶🥛。品嚐呢杯富士山飲品，餐廳有教路，2️⃣先用匙羹品嚐一口400次抹茶奶蓋的濃厚醇滑，2️⃣然後再攪拌20個圈後嚐到兩種奶蓋與牛奶層次的味道，3️⃣跟著再充分攪拌，將整個奶蓋融入牛奶之中最後品嚐柔滑細緻的口感。又真係喎！開頭品嚐抹茶奶蓋係好濃郁好豐厚的creamy口感，攪拌後，融入了一半的奶蓋於牛奶當中，就輕易地讓牛奶從奶蓋逢中流出來，變成一次過品嚐奶蓋同牛奶的味道，最後攪拌均勻之後，整杯抹茶富士山就變成一杯好柔滑的抹茶牛奶🍵，咁多種層次的飲法🤹🏻‍♀️，有得玩又好飲，絕對值得一試！維也納咖啡，$48
瑪姬皇后鍾意飲咖啡，見訪間好少有維也納咖啡。
維也納咖啡同富士山系列都有點類近，也是上層放了一半忌廉，下層就是黑咖啡。
這次，上層的忌廉有別於富士山的奶蓋，質感是更為厚實，正正是忌廉的本身，奶油味道超重，甜味適中，食入口是好豐滿的奶油忌廉。
當吃掉了一口奶油忌廉，下層的黑咖啡即時蜂擁而上🔝，滲上忌廉中間的逢隙，濃濃的黑咖啡與甜甜的奶油忌廉混口一起，將本身黑咖啡的苦澀味都取走了，帶來的是奶油與咖啡的衝擊效果，甜味奶油中又散發香濃的咖啡味，整件事就像在維也納音樂會🎻演奏一樣的澎湃，難怪取其名明，不禁拍案叫絕🧱，拍手叫好👏🏻！
維也納咖啡又擺放了一隻陶瓷招財貓😺！可愛💕！📌專門製作pancake的《Pancake Senmon》，其出品的班戟絕對不用懷疑，閒時來吃一口班戟，歎一杯400次奶蓋富士山或者感受一下維也納的激情🎷，為下午帶來一個美好的時光。

📍 Heimat by Peter Find
📍 中環 𝗖𝗲𝗻𝘁𝗿𝗮𝗹 • 德己立街55號LKF Tower 8樓
〔 Follow me! ♥︎ 〕
-
Heimat有「homeland」、「家鄉」的意思
《Heimat》的德國籍主廚兼老闆Peter Find就在這裡以精緻角度重新詮釋家鄉菜餚
開業不久，就已經入駐「MICHELIN Guide Selected」餐廳名單咯！
-
餐廳平常提供tasting menu，以味道帶食客穿梭Chef Peter對家鄉的美好回憶；也有供應午市套餐
趁著Restaurant Week，以優惠一點點的價錢，嚐了一頓三道菜午餐～
-
整體食物質素很高，感覺是正宗的德國風味，卻很合口味🇩🇪
餐廳具空間感，環境優雅而舒適
整體環境跟食物有輕fine dining感覺，但不會太過拘謹
侍應們都十分友善、專業；令人最印象深刻的是，Chef Peter會為每一桌客人上菜（雖然不是每一道菜式）、打打招呼、說說笑
他好幽默，而且感覺十分真誠、毫無架子🥰-
【DiningCity Elite Signature Lunch ($328pp)】
菜單共有三道菜，包括前菜、主菜、甜品
個人最喜歡餐前麵包【Sourdough】、【溫泉蛋】、【Pork belly】和甜點，尤其是【牛油曲奇朱古力蛋糕】和贈送的【香蕉蛋糕】...（其實基本上是所有餐點啦！😂）
只想想都已經要擦口水啦😛😛
=
Bread
Sourdough made with 10 grains
這個酸種麵包好好吃耶！熱呼呼的，好加分
咬下去外脆內韌、味道帶微酸
混合多種穀物製成，加入穀物的口感！
伴上了【Quark】，一種像sour cream的德國奶酪，另外加入了chives，沾醬跟sourdough蠻搭-
Starter
.
Brittany blue lobster, White and purple cauliflower (+$88)
法國藍龍蝦 · 雙色椰菜花
龍蝦肉質爽中帶嫩🦞
配上白色、紫色椰菜花、椰菜花puree，加上Espelette辣椒粒提味
整體感覺十分清新、輕盈•
63 degree egg, Cream spinach, Black forest ham foam
黑森林火腿 · 忌廉菠菜 · 溫泉蛋
這個好吃！是他們招牌菜的其中之一
忌廉菠菜加上63度慢煮溫泉蛋
溫泉蛋蛋味很香、蛋黃呈微微流心
整體味道很搭！多吃幾口都不會膩～-
Main
.
Smoked pork belly, Munich & Nürnberger sausage, Sauerkraut
德國煙豬腩 · 慕尼黑腸 · 紐倫堡腸 · 酸菜
煙豬腩烤的剛好，味道很香，脂肪不算多
配上脆豬皮、兩款香腸、兩款芥末、pretzel、酸菜
全都很好吃，滿滿的德國風味～只是脆豬皮個人來說有點硬
到訪前，最期待就是吃他們的pretzel platter，但原來這個套餐是沒有的～
所以好開心這道菜配了一件pretzel～
可惜原來不太合口味哈哈，幸好沒給太多•
Pollock fish, Leek, Potato
青鱈魚 · 大蒜 · 德國薯
鱈魚肉質彈牙、有咬口
配上表面的韭蔥和底下的順滑薯仔泡沫，再添香味-
Dessert
.
German butter cookie chocolate cake
特色牛油曲奇朱古力蛋糕
這道我真的好好好喜歡！！！🤩
「Kalter Hund」是一道經典的德國甜點，層層餅乾堆疊，加入朱古力漿，製成蛋糕狀
Heimat的版本則有點像拿破崙，以蘸了朱古力的牛油曲奇替代酥皮，中間是朱古力奶油夾心
伴碟的朱古力脆片都好好吃
像我一樣的朱古力迷一定超愛！•
Red berry compote, Vanilla pudding
清新雜莓 · 雲呢拿布丁
甜甜的香草奶凍配雜莓compote，加入點點酸度•
Banana cake (Complimentary)
當我還在想：明明寫了備註是來慶祝，為什麼在甜品上一支蠟燭或一點裝飾都沒有呢？的時候！
侍應就把這盤美美的贈送甜品捧了上來！
蛋糕用「Gugelhupf」模具烤製，打橫切了一半，中間放上香蕉片，再擠上奶油，超好吃！
放上兩顆德國小熊糖果作裝飾，也太可愛了吧！-
〔 Follow me! ♥︎ 〕

自從Soy Egg 🥚同9 Flag 🏳️帶個frd 去試左一次印度菜🍛 佢就好似開發新大陸咁🌍 係咁去尋覓香港好食既印度菜 今次調返轉介紹左依間印度菜俾我地 講到好好食👌 講到咁 我地都無理由唔去🤷‍♀️ Basmati 印度皇👑

是但總結: 有就到香港人口味 味道唔會太咸太辣🌶️ 層次分明 推介🌟

是但食評🌟💬
✰環境😍去左印度當地咁😍
一入去餐廳 好似入左隨意門咁🚪
一瞬間去左印度咁橙🧡 黃💛 同酒紅色❤️為主 印有民族風圖案既窗簾
再加上掛左好多印度既畫🖼️
播住印度歌🎶 真係置身bollywood D 電影咁🎬
成個環境同氣氛 真係同去左印度無咩分別D staff 都好好 佢地好盡力用廣東話介紹D野食 又會同我地傾2句 幾開心🥰

✰炸米餅配薄荷汁 🍪 ($88) 有趣既食法🍽️ 香脆既口感🌟 新鮮既味道😍炸米餅其實有小小似炸山根既縮細版👌 但就脆多小小 厚小小 等佢可以兜住D汁同餡🤏
入邊有薯蓉🥔 豆蓉🌱 洋蔥🧅 同最特別係有D印度點心麵🍜
個綠色汁有薄荷味🌿 應該有D檸檬汁🍋 酸酸昧昧🤤
都幾開胃
一啖食落去 脆卜卜 D汁一下爆出黎💥
薄荷味同香料味一下霸住你成個口腔
特別得黎又好好食😋👍

✰酥炸奶酪球🧀 ($88) 表面香脆🔥 入邊軟香😍本人真係大愛印度芝士🧀 見到依到仲有炸既印度芝士
第一時間點左🙌
食落有奶香🥛 有D彈牙嘅質感👌
唔會太實 又唔會太腍
外皮炸到金黃酥脆🌟
炸漿包左D洋蔥同青椒
應該用左薑蒜粉同埋辣椒粉🌶️
所以睇落有小小咖哩既色🍛
食落已經夠晒味 唔洗再配醬👍🧀

✰瑪沙拉牛舌🐮 ($118) 厚實牛舌 開胃Masala 😋牛脷切得幾厚實👌 質感彈牙 唔會太軟爛 煮得剛剛好⏳
汁好重蕃茄味🍅洋蔥味🧅 好多蕃茄蓉
同埋香料混合得好啱🌶️
微辣同埋微酸嘅味道 超開胃🌶️🍋
超級好送飯🍚

✰瑪沙拉馬友魚🐟 ($188) Masala配馬友 又幾有驚喜😍好似小D見Masala配馬友 馬友魚新鮮又嫩滑
煎到恰到好處🔥
保留住魚肉既鮮味同質感👅💦
平時食馬友依D油香重既魚
食太多都會膩🌟
而酸酸辣辣既Masala 完美平衡左個油膩感
香氣四溢 味道絕配👅

✰印色煎餅🥞 ($32) 印度pancake? 😍外觀已經好吸睛👀 個餅膨脹起黎好厚實🥞
色澤金黃🌟
食落有好小好小既脆度🍽️ 入邊鬆軟👌 有小小彈性
有淡淡嘅麥香🌾同牛油香🧈 都幾開胃
搭配Masala一齊食🌶️ 增加左個層次同埋風味👍

✰特色香料茶🍵 ($39) 特色薑味奶茶 暖入心😍第一次飲 特別得黎唔算難入口 幾好飲 重奶味🥛
好香肉桂同香料味🌿
仲有薑味 小小辣辣地🌶️
唔同港式奶茶 茶味唔算濃
飲落有d薑汁撞奶既感覺 幾正✨
下次去食印度野 應該會再點👍🍵

最近在銅鑼灣上課，多了機會探索港島區的餐廳
週日放學後約了2位朋友到無老鍋吃晚飯。
台式火鍋一向以服務周到和任食鴨血聞名。
對上一次到台灣旅行已經是6年前，
以前和朋友去台灣玩必吃台灣火鍋。
幸好近年本地開了很多台式火鍋店，可以解饞
友人一早在Openrice預訂了座位，可享訂座8折優惠
我們6PM左右到店，客人不算多。
3人被安排坐在窗旁的卡位，非常闊落舒適
店內空間大，座位也不會很擠迫。
無老鍋採用QR code自助落單系統，
可以在手機內慢慢揀選自己想吃的菜。加了冰淇淋的湯底有淡淡雲呢拿味，湯底的豆腐味濃
湯滾起後未落餸前先喝一口湯、吃一塊鴨血
鴨血可以免費refill，
店員也非常細心，
見我們鴨血吃得七七八八，便主動替我們refill
3個中年人打邊爐真的不可以叫太多餸，
雖然只落單了一碟牛肉、一碟綜合餃、一盆菜和一個烏龍麵，
最後還是吃撐了。
特選手切牛拼盤看起來很新鮮。
共有4款牛肉，除了白色那款外，其他3款都牛味濃。
白色那款牛肉不知道是什麼部位，
淥得太短時間的話會韌得難以咬開(應該是未熟XD)，建議淥長點時間才吃。
綜合餃用料新鮮、好吃。
溫馨提示，訂座8折優惠是不包括全日精選組合的。另外，烏龍麵也是非常好吃。
吃到中後期湯底充滿肉的油花時下烏龍麵，
麵吸收湯和肉汁，加上滑溜、有彈性的麵質。
雖然很飽，但我們還是解決了整個麵
火鍋必叫蔬菜解膩。
雜菜雖新鮮，但分量不多，價錢偏貴。飲品方面，我個人叫了黑啤，
麥味濃、入口幼滑，好喝
另外大夥亦叫了一Jar洛神玫瑰花茶($108)，
味道酸酸甜甜，醒胃解膩。
如果不想另外點飲品，
本身入座都有茶供應(茶芥每位$10)。免費甜品水蜜桃沙冰，味道比較人工。
總括而言，無老鍋食物質素不錯、服務周到、環境舒適。
但價錢偏貴，食物亦沒有真的非常特別。
雖然埋單後無老鍋贈送了一張HK$100現金券，但短期內應該不會再光顧。