平日晚上去到人流不多，輕鬆坐到餐廳關門為止，可以和朋友慢慢歎。 🧡菲律賓春卷 $68 即叫即炸，香脆可口，餡料充足，沾上酸甜醬作開胃前菜就最好不過😊 🥜花生醬燉菜 $158 必試菜式！玉米筍(粟米仔)、豆乾、茄子和西蘭花沉浸於花生醬汁上，看上去好像有點膩，但實際非此。花生醬汁比一般吃到的中國擔擔麵的醬汁來得沒那麼濃稠，但仍然帶着淡淡的花生香，無論送飯還是送蔬菜也令人樂此不疲🤗 🧄香蒜椰菜花飯 $48 本來不打算叫這個，但店員知道我們點花生醬燉菜後問我們點不點這個，所以就試試看吧，反正也很便宜！雖然只是切成如米飯般細小的椰菜花，但確實用花生醬「撈飯」好正，無介紹錯👍🏻 🥩美國牛脊肉 $258 牛脊肉軟熟多汁，配上香口炸蒜和酸酸甜甜的青柑桔醬，特別開胃，而且吃上去也不會覺得油膩。配菜焦糖洋蔥和香蒜亦不讓牛脊肉專美，吸盡肉汁和醬汁，所以最後我們也是全盤吃清光😋 🦀軟殼蟹玻璃粉 $158 比較偏向菲律賓的口味，除了軟殼蟹，還有香蔥、鹹蛋粒和花生碎，整體偏鹹，個人認為似是河粉的玻璃粉充滿着蝦醬的海鮮鹹味和微辣，所以不太合我們一行人的口味🫢 🍨自家製雪糕三文治 香芋/牛油果味 $58 麵包被烘香過，非常軟熟，特別是溫熱的斑蘭味麵包配襯冰凍的、味道天然不造作的香芋雪糕，冰火交融，放入口就是滿滿的幸福感，難怪為招牌甜品！牛油果味雪糕亦帶淡淡的牛油果香，而且顏色也貼近牛油果本尊，同樣值得一試🤤 🍊柑桔梳打 $38 💜香芋咖啡 冷/熱 $38 前者味道清新，後者可以不試。冷/熱的香芋咖啡都沒什麼香芋味。我喝那杯熱香芋咖啡的紫色更加不突出，味道好像比平時的三合一咖啡還要難喝🙇🏻‍♀️

早前同狗狗🐕行南豐紗廠時留意到呢間提供素食法國菜的餐廳，覺得幾特別，喺情人節一試佢哋嘅winter menu😋。

情人節🎀晚餐分2輪：1800-2000；2000-2200。我同狗狗爸爸係第一輪。Winter menu跟法國菜的順序🍽️：開胃酒、開胃小食、前菜、主菜、甜品同餐飲。所有飲品、菜式各2款，每款1份，應該預咗2個客人share食，好處係可以試多啲菜式，適合我哋呢啲首次光顧的生客。

先講食物：
（開胃酒）橘香梳打🍹：普通啲，係味道濃郁啲嘅橙味梳打；冬日特飲🍷：飲品裡面有青檸片同蔓越莓，酸甜，幾好飲、開胃

（開胃小食）羊肚菌釀鵝肝凍：醬汁香，後尾先知係白松露油。素鵝肝份量少，本身冇乜味，加上釀咗喺羊肚菌裡面，食果時唔覺食緊素鵝肝，但個醬汁好特別👍🏻，豐富咗食材的味道。碟上有頗多醬汁🫗，但唔肯定係咪要𢳂埋嚟食，因個汁睇落幾油膩。食完睇番介紹先知啲油係白松露油，食剩啲汁好嘥呀，唔知餐廳日後會唔會考慮提供軟麵包🫓配搭呢？

（開胃小食）煙燻三文魚🐟牛油果他他：味道特別，入口鮮味，隔離檯食完讚有煙燻三文魚的味道，我唔肯定似唔似，但個小食幾驚喜

（前菜）油封鴨髀🍗：造型逼真，焗完嘅腐皮要切嚟食就比較困難；點咗香橙🍊的酸甜味醬，令層層腐皮濕潤啲，味道亦豐富啲。食到呢道菜的時候，不由得讚嘆餐廳的醬汁真係好出色👍🏻👍🏻👍🏻

（前菜）勃艮弟焗田螺🐚：上菜時勁熱；牛油蒜香薯蓉🥔雖然係墊底菜，但好夠味、入味，好食過素田螺🐚；薯蓉放上法包一齊食好好味；遺憾係餐廳有部分菜式跟法包🥖，但每人只有一小件。隔離2檯客相繼提出想要多一份法包🥖，餐廳都滿足佢哋嘅願望，但我亦聽到侍應預告話廚房工作䌓忙，焗唔切，所以要等；我哋唔想加重廚房負擔，雖然真係想要多少少法包，但都冇提出喇😅~~

（主菜）寶雲酥羊架🍖：造型同樣逼真，勁似沙漠風味的羊架，食落有少少孜然粉般的香料味，奶白色醬汁甜甜哋，配素肉（impossible lamb chop）都好夾。伴菜的烤蕃茄仔🍅好甜、爆汁，而焗薯🥔就爭啲，較硬身



（主菜）酥皮烤狼鱸🐠：同上一道菜隔咗15-20分鐘，主因係餐廳漏單，最初我哋都痴痴地等，點知等極都冇🤷🏻，差唔多同時入座的客人經已開始食甜品，於是就問侍應，而呢個菜係一問即上~~可能食物一早焗好然後保溫，所以酥皮腍咗😔、微暖，反而切開入面的素魚柳仲熱。如果酥皮脆啲應該好食好多。不過，配搭的醬汁又係一絕，濃稠帶微酸蕃茄味🍅，同素魚柳好夾

（甜品）蒙布朗🌰：我鍾意食粟子，但呢個甜品有啲平平無奇，雖然忌廉同粟子蓉夠滑，但呢點應該係basic；杯底有塊好硬淨的餅🍪，唔知係咪正宗做法，但塊餅太硬，好難咬，亦冇乜味

（甜品）法式杏奶凍🍮：入口有驚喜，杏仁味香，似糊狀杏仁霜，只係賣相麻麻，而texture仲有少少倒胃口，半糕半糊狀；食曬會覺得有少少甜，但算係好食既

（餐飲）熱朱古力☕：飲唔到架，好杰，可以當甜品𢳂嚟食🥄；似心太軟的流心餡，黑朱古力味🍫，甘而不苦，甜度剛好，加上勁滑的忌廉，超好味

（餐飲）經典蘋果熱飲☕：好飲與否見仁見智，香料味重，肉桂、八角的味道濃烈，飲落有冬日氣息，似圍爐取暖會點的飲品，但未必好適合而家香港的天氣😅

整體嚟講，餐廳的食物質素無容置疑係極高⬆️⬆️⬆️，醬汁尤其出色，但有一點要提，食完幾道菜，我開始腳腫，應該係食物的鹽份太高。可能我平日主要食蔬果、豆腐，以前有買過impossible meat、beyond meat同onmi等素肉，但後來發現素肉的鈉含量高，就冇乜再食。餐廳要煮出一啲似肉的法國菜，所以大部分肉食都係採用素肉，再加埋醬汁，我自己身體好快出反應，不過我冇覺得口渴，所以餐廳應該冇用味精。食完餐飯，狗狗爸爸話8成飽，我就「到頂」，winter menu的菜式好豐富，2個人食一定夠飽。撇除食材可能高鈉，餐廳的食物水準係超高，味道、層次豐富，令我好想再試其他菜式。

留番餐廳的環境同服務喺最後講（寫出嚟的原因係想餐廳進步同留意）：（1）以中價餐廳嚟講（二人套餐連加一~$1540；$770/位），座位🪑距離太近，欠私隱度，放袋🛍️唔夠位，而隔離檯講乜都聽到；（2）入座後發現所坐位置燈光昏暗，原來有盞球型吊燈燒咗💡，再望下，同一範圍仲有4盞有罩吊燈💡💡💡💡只有非常微弱的光線，同店內其他位置的吊燈亮度明顯有別；（3）食咗幾道菜，侍應冇主動換碟🍽️。每道菜的醬汁同處理手法唔同（好似2款開胃菜，先上的羊肚菌配搭creamy+油份重的醬汁，而跟住上的三文魚他他就冇醬），變咗撈埋嚟食，當食完第3道菜，我提出想換碟，侍應有滿足我的要求，但換完補充：「餐廳啲碟數量唔夠，係最後2隻碟，洗唔切🧽，所以之後冇得換喇~」佢係帶有少少抱歉，但餐廳唔夠碟用🍽️，呢點係超出我的理解同想像；（4）侍應唔清楚上菜速度同順序，佢哋初時可能冇記低每檯食到第幾道菜✔️，之後好多時我哋要等好耐🕑，間唔中侍應又會逐一問：「你哋食咗XXX未？」亦因為咁，試過有侍應拎咗2碟食物出嚟，問：「邊檯未食？」然後，3張檯6隻手🖐🏻🖐🏻🖐🏻🖐🏻🖐🏻🖐🏻同時舉起，雖然場面幾搞笑，但坦白講，食法國菜食到呢個氛圍都幾尷尬🙈；（5）時間控制有待改善，1810入座，最後食到2030，原本預約2000的客人變相要等，主因係上菜混亂，交唔到場。慶幸我哋食頭圍，如果尾圍，應該食到夜晚11點；（6）食到尾聲，隔離檯的客人食飽離座，侍應重新set位🍽️，詳情唔多講，但set位流程係有少少衛生疑慮，我睇到呆咗😦，唔識反應。冇幾耐有2位客人被帶咗入嚟坐低，佢哋當然唔知情，但坐低前都為另一樣嘢表現出少少不滿：梳化椅🛋️上有張上手食客用過的紙巾。最後，我喺離開時（個客未食嘢）將set檯一事講俾餐廳另一個職員聽。論服務同環境，餐廳離fine dining有啲距離，當然如果預咗菜式共享，咁可能餐廳唔係行fine dining路線，不過佢嘅價位又比較尷尬~~可能我太少出街食飯🙈，我會期望消費接近$800/位的話，服務可以到位啲。想補充一句，啲侍應態度唔錯，只係人手不足，加上可能餐飲管理經驗唔夠，所以一full house就踢曬腳，場面混亂（我哋果輪好似有19檯客，未到40位客人）。

深夜狗狗爸爸收到餐廳電話📞，了解番佢的用餐體驗。佢老實講番我哋留意到的情況，而餐廳都有交待原因，冇推搪。佢哋主動締造雙向溝通都抵讚嘅👍🏻🙂❕

寫咁多嘢，部分原因係想餐廳繼續用心經營落去💪🏻！可能1、2個月後，我哋帶埋狗狗🐕嚟食多次啦！😁

湖越Lake Vietnam

📍大埔大美督大美督村47號地下D號舖

味道：😋😋😋😋😋😋😋😋😋
環境：🎑🎑🎑🎑🎑🎑🎑🎑🎑
服務：😏😏😏😏😏😏😏😏😏

上次夜晚入大尾督覺得氣氛唔錯，今日趁年初三赤口冇去拜年，同老公日頭再入大尾督玩，撞正紅日周圍都冇晒車位，咁啱見到呢間越式餐廳都有得免費泊車，緊係唔好錯過啦，於是我地就決定午餐試下呢間越南餐廳🇻🇳

門口有幅壁畫，充滿越南風情🌴
店員好有禮貌咁帶我哋入座，
由於今日天氣唔錯，又唔太凍，所以我哋揀咗露天位置坐，日頭嘅湖景就係好靚，水天一色，靜係呢個景已經好值錢🏞️


餐牌設計似一本雜誌，圖文並茂，唔單止介紹左野食，入面仲好細心咁介紹餐廳嘅歷史佈局 ，例如洗手間嘅位置，好細心👍🏻
我哋order咗

1️⃣湖越生熟牛肉湯粉💰82

先講下湯底，據店員所講佢哋用了成晚熬製牛骨湯，用咗多達五十斤的牛骨熬製而成，絕對冇加任何味精，湯底非常濃郁，充滿牛骨的香氣。😍

配菜方面有安格斯牛肉，非常鮮美嫩滑，柔軟的肉質，入口即化。另外仲有牛展，炆得腍滑，這樣肉質更加嫩滑多汁。

配料方面我聽說他們加入了芽菜、蔥花、洋蔥和炸豬皮。這些配料應該為湯粉增添了豐富的口感和口味。

最後係河粉。呢碗湯粉中的河粉好似絲咁幼滑的同和湯底完美結合，讓人回味無窮。



2️⃣越南撈檬💰88

撈檬好爽口，😍我哋揀咗豬扒同埋春卷，撈埋魚露酸汁，帶來了酸酸甜甜的味道，增加了整體的口感。配料加入了青瓜絲、🥒生菜絲、🥬紅蘿蔔絲🥕和花生碎，🥜這些配料應該帶來了不同嘅口感和風味。青瓜絲清脆爽口，生菜絲帶有獨特的香氣，而紅蘿蔔絲則增添了一啲甜味。至於花生碎，增添了一些額外的香脆口感，每一啖都充滿了豐富的滋味。🤤🤤

3️⃣越南豬耳扎肉（8件）💰68
豬耳扎肉由豬耳片和薄切的豬肉組成的。由於用咗香料和醬料醃製，食落去好香，😋😋豬耳片帶有脆脆的口感，非常美味，上面仲有啲蒜泥，增加咗香味。😍


4️⃣芒果軟殼蟹米紙卷💰128

芒果軟殼蟹米紙卷口感層次豐富，食起來既好味又大大舊，真是不得了的美食享受！

首先，米紙軟綿綿的，煙煙韌韌，但非常輕盈，唔會太厚，輕易地包裹住其他的食材。

跟住到軟殼蟹。軟殼蟹炸得好脆，一啖咬落去發出脆脆嘅聲音。這種脆脆嘅口感同米紙嘅軟綿綿形成咗絕佳嘅對比。

再來是沙律菜。沙律菜非常爽脆，帶有一啲清爽嘅風味，為整個米紙卷增添一些額外的口感。

最後係芒果。🥭
呢舊芒果帶有清新嘅味道，能夠為整個卷提供一啲清新嘅感覺，太美味了！係今餐嘅MVP🥇


#香港美食 #美食推薦 #美食日記 #越南菜 #香港美食推介#大尾督美食推介 #大尾督村美食推介#越南餐廳 #打卡餐廳 #湖越#越南餐廳關注組 #大埔#大埔好去處 #食在大尾督 #午餐#Taipo#Tai Mei Tuk#Lake Vietnam #hongkong#hongkongfood #Vietnam food #hongkongfoodie

原來佐敦有間舊式餐室「 馬華餐廳 」❁
據聞喺 新加坡菜🇸🇬招牌海南雞飯🐔 咖哩🥘
但我嚟講最～～～～～～出色喺扒餐🥩🥰
(其實我喺抱住私心🙈為鐵板餐衝着而來)
價錢相當親民🫶🏻 又大碟夾抵食
但就算正值晚市時段😯入座率都頗低

⁡
停留70年代復古裝潢 💃🏻🪩🕺🏻 線條粗獷
🟤🟢🔴🟠大膽鮮明用色🔴⚪️🟢🟡
應該有五十年歷史🤔🤔
整間餐廳一件一物充滿歲月痕跡 ❁
☝🏾懷舊☝🏼唔代表破舊！
翻新過嘅橙黃色真皮櫈🧡仍充滿彈性
又無限制用餐時間😌
🧡 💛 🧡用餐體驗相當舒適💛 🧡 💛
⁡
💭 💭聽住👩🏻‍🦰細說想當年💭 💭：
呢類餐廳周圍都有，好似依家啲茶餐廳一樣普遍，但絕對喺奢侈嘅消費💸，細個時屋企好窮，極少外出用餐，有得入去鋸扒已經叫好犀利喇，奢侈Level差唔多同我哋依家去outback~酒店自助餐之間…💭
⁡
🥩 大蝦拼牛仔柳 ❁精選晚餐❁ $85-
· · · 配 洋葱汁🧅 羅宋湯、水果沙律
· · · 👩🏻‍🦰話「 你一定要show俾其他人睇到我隻大蝦🍤幾大隻😤😤 」所又棟起比我打咭🤣太可愛吧～
· · ·羅宋湯夠熱騰騰，酸酸甜甜味道濃郁，唯獨美中不足係太多紅蘿蔔🤯每一啖都好明顯紅蘿蔔味 (🥵我成世人最憎就喺🥕)
· · · 水果沙律🥗 薯仔、青瓜、粉蘋果、紅蘿蔔🥕 配稀稀沙律醬，稀都好嘅🫢由於份量太多，唔會覺得太快膩
· · · 出街鋸扒 🥩 點都會被鬆肉粉”那”過，尤其茶餐廳為肉質更快軟嫩，會落大量”那”到無晒牛肉味，但馬華比我預期輕手 🤎 只有少許鬆肉粉味，但以呢個價錢.. 呢個質素.. 🥩質感軟腍嫩滑真心過得去！算喺咁㗎喇～🤎🧡🤎🤎

⁡
🥩 什扒餐 ❁特別介紹扒餐❁ $102-
· · · 配 蒜蓉汁🧄(唔夠蒜蓉香) 羅宋湯、加意粉+8-
· · · 一次過滿足我多個貪心願望 😆 火腿 豬扒🐷 牛扒 🐮雞扒🐔 全部大大塊，本身已基本醃過，唔落蒜蓉汁都夠味，軟腍唔韌，少許鬆肉粉味；雞翼 腸仔 薯條🍟 本身油炸過；底下椰菜吸曬醬汁，絕對邪惡😈但我好鍾意👾💜 💜 💜
· · · 茄汁意粉🍝微酸甜甜，味道清新，爽口彈牙👾無負擔😳喺舊式快餐店味道

一講起荃灣有咩靚嘅打卡餐廳 或者節日慶生🎂就會諗起Cube O🥹位於Plaza 88嘅8樓 有一個水母探驗館🪼被客人沉浸式地同水母一齊進餐🥂每張枱旁都有一個小小嘅水母箱🌊大廳仲有超巨型水母幻燈展示 色彩繽紛嘅畫面真係好優美🪼 🍴New Year Dinner Set for Two $1288 ✨️Salad｜Parma Ham, Fig & Feta Salad, Top with Mlesna Fig & Lycee Tea Jelly 前菜係一道十分清新嘅沙律🥗有火箭菜做底 配上新鮮無花果同乳酪 酸酸甜甜嘅味道😉表頭放上了一大片Parma Ham 同香脆煙肉塊🥓帶出溫和嘅咸香味😋而底部仲有荔枝茶味嘅啫喱粒 清香而解膩 Q彈嘅口感亦增添了味道層次🍮 ✨️Soup｜Seafood Consomme with Crab Meat 湯品為蟹肉海鮮清湯🍲店員會到客人面前 幫忙淋上海鮮清湯🫖湯底熬製超過3小時🕚飲落味道鮮甜清新 口感順滑🦀加上新鮮蟹肉絲 飲落鮮味十足 整體清而帶濃厚嘅鮮香☺️ ✨️Main｜慢煮法式野雞伴露荀配露絲瑪莉燒汁 原隻野雞配上露荀, 薯仔, 洋蔥同蕃茄等配料 擺盤十分豐盛吸睛🍽而雞肉經慢煮後 肉質好軟嫩多汁🐣一刀切下去 都十分輕易就切斷細骨🔪加上rosemary嘅調香 食落淡淡嘅清香而提出雞肉嘅鮮味🧂兩個人一齊share的話 十分滿足👫 ✨️Main｜紅酒燉牛面頰伴薯蓉 牛面頰同樣煮得好軟焾🐮加上少少嘅牛脂肪同筋🤏食落好似慢慢地融化於口中咁😋可以食到一絲絲軟嫩嘅牛肉☺️濃郁嘅紅酒汁同牛面頰肉十分夾配🍷加上薯蓉墊卡底部 吸引晒肉汁嘅精華🥔不過兩個人食都會有啲飽膩感 份量真係超級足夠😉 ✨️Dessert｜榛子果仁雙重朱古力蛋糕 甜品係好香濃嘅雙重朱古力蛋糕🍰食落甜味適中而朱古力味真係好濃郁🍫底部係朱古力蛋糕 中間為雲呢拿慕絲 而上層係榛子朱古力慕絲😋最頂放上果仁作裝飾🌰整體層次豐富 但真係有啲飽滯嘅感覺🫢 ✨️Drinks｜Mlesna 松子奶油冬日特飲 成頓晚餐嘅食物出品都幾有水準 但唔知點解最後呢杯飲品會出事🫠好似裝完奶油嘅杯拎去洗嘅洗碗水😅再硬生生加啲松子香味🌲真係飲咗一兩啖就放棄了😂見隔離幾枱都係無飲完杯野飲 真係應該檢討下杯野發生咩事🙃 餐廳的環境真係超級優美💫望住水母配搭燈光 真係十分浪漫有誠意🪼而且亦喺香港應該都無其他同類型嘅餐廳🤔食物方面都保持到水準 而店員嘅服務都好殷勤有禮😉而當時係除夕夜 價錢方面都幾合理💰始終打理一個咁有規模嘅水母館都十分需要成本同誠意💞整體覺得成餐飯嘅體驗都比我預期好好多 唔係一般嘅打卡餐廳📸十分適合情侶節日/慶生🎊

半年前的 lunch hour，走到中環機利文新街買外賣，經過見到開了一間新 Cafe <HAKKA>，主打 Mojito，不過，當時天氣未算熱，所以，未打算幫襯！ 當時由幫襯至今，每個月都會走來，多數買外賣。老闆娘好笑容，膚色白雪雪！令我好羨慕呀！
這裡佔地兩層，餐桌餐椅加入木元素，顯得柔和舒適！ 綠色植物增添生氣，不論店內店外，也有不少打卡位呢！上層設有洗手間，乾淨企理！又方便食客！店方選用環保物料餐具，為環保出一分力，值得一讚！Menu  供應：Bagel、Scone、漢堡包、沙律、意粉、Mojito、咖啡、茶...飲品是店方每杯悉心調配，所以，口味及口感更好！
不止女食客，連男食客都來幫襯呀！Hakka Virgin Mojito Oolong $38
當日最高溫 32度的炎夏，飲凍飲不少得！
除了以烏龍茶混合之外，加入新鮮青檸、大量新鮮薄荷葉、青檸汁...，入口清酸開胃又解渴！清爽透心涼！酸甜度平衡，可中和茶本身的苦澀味，茶味滿載！其口味令我想起越式青檸茶！Alcoholic drinks: 
Berries Mojito $64
落單之前，我先問清楚，店方選用酒精含量 40% 的酒混合 Mojito；
入口先嚐到莓味的清新果酸，隨後酒味滲出；口味上有先後層次感！ 加入“士多啤梨”粒、藍莓、薄荷葉，好一杯消暑 Cocktail！Hot Latte $40
店方選用來自 巴西 x 瓜地馬拉的咖啡豆，相對口味較甘味的 Nutty，正啱我個人口味！Hot Matcha Latte $50
之前，堂食熱飲用上紙杯，現時，用上咖啡杯，賣相即時加分！ 抹茶味清香，入口甘中帶甜，其比例正合我意！Matcha Espresso Latte $56
抹茶的翠綠色澤，帶點卡其色；散發抹茶清香，第一口，咖啡味香濃，喧賓奪主！鐵觀音愛文芒果貝果 Bagel $40
店方選用新鮮愛文芒果，芒果保留酸甜略為濕潤，  Bagel 包質密度高，口感帶煙韌！
當時，發現蘇杭街的 Bagel 專門店 404 已結業，可以有另一間代替吧！芋泥 Bagel $48
這是店方最受歡迎的 Bagel 款式！ 軟綿綿的芋泥甜度恰到好處！包質密度高，食出雙重口感！Matcha Bagel $38
烘熱後，散發抹茶甘香， 包質密度高！內裡是甘甜抹茶醬，軟糯的麻糬，甜度恰到好處！芝士 Bagel  $38
內外兼備，雙重芝士，芝味無窮！Matcha Scone 抹茶司康 $28
烘熱後，未嚐已傳來抹茶清香及牛油香氣！ 外層微脆，內裡帶濕潤，抹茶味甘而少甜，口味啱我胃口！ 美中不足就是黐牙！伯爵茶 scone $28
以茶入饌的創新口味，伯爵茶的口味比較抹茶溫和，味道不算突出，微甜，口感同樣是外層微脆，內裡帶濕潤！原味司康 $28
不用任何 cream，本身味道鹹甜交集，老闆娘推薦的口味！甜度恰到好處！外層香脆，內裡溫熱芳香鬆化！提子 scone $38
配方改良了！依然散發牛油芳香！ 少甜微脆，反而不黐牙！ 還有供應套餐香脆雞寶盒 $58 +$20 Mojito
女店員提醒我，要等 15分鐘；香氣撲鼻！ 由老闆娘親手泡製，過程一絲不苟！食得出她誠意之作！
包身塗滿牛油，雞肉外層香脆的炸漿鎖住水份，保持嫩滑多汁，加上新鮮大個鮮紅的蕃茄、新鮮爽脆的生菜！
配上墨西哥脆片，味道微辣！
蕃茄醬也是微辣，還夾雜蕃籽，不知道是否老闆娘自家調製？！如果是，就真的真材實料嘞！提味一流！Virgin Lychee Mojito $42 跟餐 +$20
加入香甜的荔枝，口味吸引，連味蕾也心花怒放嘞！牛油果蕃茄忌廉芝士 Bagel $70
賣相色彩繽紛，而且比預期豐富大份！
新鮮鮮甜多汁的蕃茄，忌廉芝士滿滿塗上 Bagel 內，牛油果切薄片，還好心機到捲成花形，美侖美奐！
沙律巧妙加上紅石榴籽，甜美又色澤奪目！
沙律醬汁是鹹的，跟常吃的酸味同樣搭配！

位於IFC三樓嘅Chinesology唐述
位置方便 主打新式嘅中餐🍲🥢
裝修唔似酒樓比較西式
由佢嘅餐碟都睇得出呢個理念係半中半西～有落地大玻璃可以望到對面海🌊
如果今日天氣好啲就好了🏞️✧ 蘭貴人茶 （$35/位）
首先搵侍應幫手開咗壺茶
呢個味道係人參味烏龍☕️
同朋友一致覺得好好飲 後段回甘 ´͈ ᵕ `͈
同其他高級中餐廳一樣
都會搵個好fancy嘅鐵框裝住蠟燭去keep warm🕯️✧ 海苔味腰果
免費嘅餐前小碟
雖然好成本唔貴只係腰果再luk啲紫菜粉🥜
但視覺上清新 仲以為係落咗青色辣粉🫑
第一次食覺得幾有創意～✧ 瑪瑙蝦餃（$108/3件）
雖然其他食評講到佢花紋好靚
但本豬覺得只係白色皮上黐/畫一塊橙色🎨
而且個皮都偏厚 但蝦係好大隻🦐
另外fyi大家 本豬曾經同朋友喺其他中餐廳飲茶可以pro rata咁嗌兩件🤌🏻
而唐述唔可以pro rata咁嗌少啲只可以pro rata嗌多啲🧮✧ 玉帶燒賣（$108/4件）
Toppings有啲木魚感覺少少日式
帶子偏細嚿 所以食唔出平時覺得好滑好正嘅感覺🦪
蝦就蝦餃一樣都係大大隻🍤
但本豬覺得呢味可skip✧ 雪山菠蘿叉燒包（$98/3件）
面頭嘅crust係真係脆
但個包同蝦餃皮一樣都係好厚
叉燒餡做到甜味但覺得份量偏少🐖✧ 皇袍金衣（$388）
好 好 食 ！ ！ ！
煮過黃金xx嘅人應該知道
呢度要落幾多隻咸蛋黃先可以完美地（+厚厚地）包裹住個蝦💛
個蝦照舊 超級大隻
口感外脆內爽滑
所以建議大家嚟唐述一定要叫有蝦嘅嘢(•̀ᴗ• )✧ 冰花雪燕開心果露（$168）
作為開心果教途嘅本豬點會漏咗呢味甜品!
呢個絕對好食過研香嗰個 冇酸味
食得出係用開心果醬溝糖溝水 又有少少杏仁味💚
隻顏色仲有啲似本豬平時用開嗰隻正榮開心果醬整出嚟嘅甜品◔.̮◔✧
欣賞廚師喺咁單一嘅糖水上仲可以畫花紋✍🏻
而雪燕就係用個細杯裝開 自己倒落去撈~✧ 珠光寶盒
雖然A La Carte Menu上面冇
但係本豬一場嚟到好想試下就問咗侍應
點知佢哋真係肯offer !
唔記得實數但大概係百幾蚊嘅單品
個presentation好滿足到少女心*⸜( •ᴗ• )⸝*
打開個盒有鏡可以selfie一下📸
一串好似冰糖葫蘆嘅甜品🍡
咬開就係熱情果味嘅外殼🥭
然後用朱古力包住芒果雪糕🍫🍨
三個層次嘅口感mix埋幾特別～

期待已久嘅午餐就係為咗隻黃雞而去
身為中環四雞嘅其中一雞
對佢有份好奇覺得究竟佢有乜特別
果然呢隻雞真係冇令我失望

間餐廳係PMQ裝修彌漫住浸歐洲風
一行入去坐低覺得有少少似倫敦嘅餐廳
分開上層主用餐區同下層嘅酒吧區域
想坐露天area嘅話預約要remark返
訂枱可以WhatsApp或者電話打去
佢會俾website用信用卡secure booking
食嘢成個流程同pre/post service都唔錯

前菜食咗個煙醺有機蛋個人認為冇乜特別
另外嘅紅菜頭Burrata沙律比較有驚喜
不過份量好細適合兩個人分享
四個人去食嘅話就每人得兩啖咁上下
但因為價錢都唔低感覺唔太抵食

等咗差唔多45分鐘就拎咗隻雞出嚟
會俾客人打個卡再拎返入去斬件
連埋砂鍋飯同小沙律同雞架再上菜
呢個餐嘅份量四個人分享啱啱好
兩個人食嘅話會有啲油膩
因為成隻雞都算係完全物盡其用

每件雞都切得好靚望到係覺得賞心悅目
溫度算熱唔會太乾就連雞胸部位都夠滑
值得一試嘅係佢嘅炸雞皮葱油飯
極度邪惡代表極度吸引🤤
雞皮好脆雞油撈飯亦非常香
如果淨係去食呢個餐其實都幾值得

甜品叫咗canele同madeleine 覺得一般
Cocktails亦都係未如理想但價錢貴
飲酒嘅話中環區有其他更優秀嘅選擇
總括服務同黃雞餐係值得一讚
其他就未如理想唔會想再去多次嘅感覺
米芝連嚟講真係未去到合乎期望

感覺屯門蘇媽蘇媽來得太遲，當其他的星馬菜早已站穩陣腳，真正主打馬拉菜的蘇媽卻姍姍來遲，而選址更是較為二線的位置。 對於蘇媽蘇媽的開幕，屯門友似乎興趣缺缺，果不其然屯門分店完全不用排隊，有違屯門分店人山人海的常態。 曾到訪過荃灣店及沙田店，而沙田店跟屯門店一樣，名字冠以「Toss」，原來是蘇媽蘇媽的新品牌，風格上比較型格華麗，但注意Toss肉骨茶是不能添湯的，店方表示由於肉骨茶質素提升所致，是故去開傳統蘇媽的定會相當失望。 論風格而言，個人較愛荃灣店哪種走傳統路線的馬拉餐廳，平實風格卻是真正的表裏一致。 而新路線Toss雖然型格華麗，但骨子裏就跟茶餐廳無異。服務而言大部分店員尚算親切，但專業度有待提升。留意到餐盤竟有破損，作為新店有點令人詫異，又加上蘇媽定價不夠親民，新店期間人流稀疏也是有跡可尋。 在沙田店嚐過麵食，食味上都幾有特色，今次再下一城，挑戰主打以外，二線卻又甚具代表性的「辣死你媽」。這是非常傳統的馬拉國民代表食品，基底是椰漿飯，配搭不同的配菜和肉食。 辣死你媽配烤雞脾($83) 賣相忠於傳統，一片翠綠的班蘭椰漿飯，班蘭比椰香更突出，可惜飯身偏軟爛，班蘭椰漿沒有拌勻下，賣相有點倒胃口，擱涼了的飯亦令口感差了一截。 配菜方面有花生、魚仔、烚蛋、青瓜片，花生可以再鹹香一些，小江魚仔夠香夠香，至於辣死你媽的靈魂一參巴醬，微辣帶甜又滲出海味馨香。可惜的是隨餐就只有一小舀，或許是為了忠於原著吧，但由於班蘭椰香飯本身就有缺失，再加上這辣死你媽配搭上，都是偏乾身的食材，唯有請店員多加一份參巴醬吧！ 較令人驚喜的是烤雞髀，烤雞能鎖住肉汁又保持雞肉的嫩滑，伴著班蘭椰漿飯同吃稍稍提升食味，再加上香料醃味相當特別，令烤雞髀「妹仔大個主人婆」，挽回了一點分數。若然店方能關注飯的質素，這道也許能力挽狂瀾的。 馬來西亞拉茶($29) 這拉茶的賣相真不敢恭維，難道拉茶就要如此豪邁奔放？但記得荃灣店的賣相並沒這麼不堪，其實這拉茶味道都幾驚喜，茶味濃重風味頗佳，比港式奶茶易入口。 屯門店初試水溫，似乎有不少改進的空間。馬拉菜作為非主流，所謂「正宗」的定義其實有誰知道？但「美味」就是個普世標準，就看蘇媽會否力求上進了。

今天帶小天使翻大角咀睇蝦故居，順便（主要目的）就係去食旁邊俾拉麵關註組推薦過嘅大丸ラーメン。努力趕在12點之前到達，但結果已經排左唔短嘅隊了[笑cry]本來有D擔心食唔到限定嘅貝丸，好彩到我地嗰陣仲有得order。
最後我地係一碗蝦豚骨拉麵，一碗貝丸蝦拉麵。雙倍海老快樂。
由於嚮門外等待嘅時候就已經落order，所以坐低之後大概喝左兩啖茶，睇完座位上D備註之後拉麵就送上黎啦。
當時我們記住左下面lee段神奇嘅話，後面真係嘗試左，體驗非常神奇！
我食嘅係蝦豚骨，櫻花蝦份量好足，湯底非常非常濃厚，但又唔會令人覺得漏。木耳絲非常清爽！！！叉燒偏軟綿，但非常入味，本來搭配麵份量好足夠，但因為湯太好飲，我不僅叉燒要搭配麵黎食，齋飲湯都會想要搭配叉燒，所以導致份量就有D不足了。因為這次攞到了印花，所以小天使話既然有印花至少要多黎食多一次湊夠3個印花得到一次追加！溏心蛋味道都很正，糖心軟綿但唔會很易漏。
貝丸同普通蝦豚骨比起身多左5只大貝殼，非常非常非常鮮美！！！食嗰陣我仲擔心會有腥味或者太鹹。但冇，少少都冇！搭配蝦豚骨湯底真係非常美味。雖然冇櫻花蝦但蝦豚骨湯底依然出色。小天使食得津津有味，恨不得打包一碗翻屋企繼續食。
吃完麵之後我就按照之前嘅tips搵店員加左少少昆布醋，神奇嘅化學反應出現啦！！本來我都唔覺得蝦豚骨湯底很heavy，但沒諗到加左昆布醋之後湯底居然變得清澈清爽！！！重新轉頭去小天使嗰碗喝兩啖蝦豚骨湯底，居然有D嫌濃厚添[笑cry]但好似話食麵嘅時候都係原味比較好，所以食完要齋飲湯嘅時候加昆布醋先更好。
我地係11點57分左右趕到大角咀博文街，12點開門。貝丸每日供應有限，一般第一輪嘅食客可能就會order曬[笑cry]要order趁早排隊！
100分滿分今次我可以俾95分！而且會額外俾3分昆布醋！所以最終分數可以有98分！

要攻要守 不顫抖 露營必須走 Soy Egg 🥚同9 Flag 🏳️ 就咁走左去啟德airside 一間主打露營風既café⛺️
我諗依家熱潮己過 成個商場都無咩人 好多餐廳唔洗點排隊 如果去行依頭 去airside搵餐廳都幾ok 🍽️

必試: 安格斯牛肉二人餐🐮 千層多士🍞

是但總結: 非常打卡able 📷 成個裝潢都好貼切露營依個主題⛺️ 野食又唔算差🍽️ 可一試


是但食評🌟💬
✰環境😍 市中心已經enjoy,到露營既感覺😍
露營風既裝潢 由枱到櫈🪑
由燈到餐具 都係露營用品⛺️
以木色 黑色 灰色為主 超級型格🌳⚫️
成個環境 氣氛都十分到位
打卡不二之選📷
但佢同你露營果陣一樣
坐得都唔係話好舒服
食野都唔係話好方便
你要烏到個身超低先食到野🍽️
一係就要拎住個碟食
但你露營就係咁嫁啦 所以都冇咩好怨😍


✰青醬慢煮雞肉意粉 🐔🍝 ($118) 濃郁😋
一黎到已經聞到超香 
食落好濃芝士味🧀
雞肉唔會嚡🐔
意粉掛晒汁 十分好
但主角青醬唔係太夠突出 可以再多D🌿
或者減D芝士味🧀


✰煙肉卡邦尼冬甩意粉🍩 ($68) 打卡食物 叫一次就夠🙂
出面d芝士焗到脆脆地 令到個意粉可以hold住個冬甩樣🍩
賣相一百分 打卡一流📷
食落好香芝士味 脆卜卜 
意粉個汁好香煙肉味同芝士味🧀
但唔知係唔係為左成冬甩形 好似焗過左小小 
d蛋熟晒 無左卡邦尼滑溜既感覺 扣小小分🥚
整體黎講係一個打卡食物 叫一次就夠
第二次可以叫返正常意粉🍝


✰安格斯牛肉二人餐 🐮($368) 份量十足 牛味濃 熟度剛好😍
包左2碗薯仔蘑菇湯(應該係) 
薯仔味好濃 好香蘑菇味🍄
好似仲要有d肉沫係入邊
係稀稀地 但味道上都濃味 都幾好味
個牛都幾好味 煮得岩岩好🐮
睇落以為會過熟 但食落又唔會喎
好有肉味 都幾juicy 🐮
蒜蓉包 外脆內軟 蒜味足夠🍞
薯條夠脆 夠熱
成個餐既份量都幾多下
食得幾滿足😍


✰千層多士 (燕麥雪糕) ($𝟿𝟾) 🍞 打卡able 味道上都唔錯 可試😍
燕麥雪糕好似小見D就叫左🍦
但唔係好重燕麥味 俾蜜糖搶晒味🍯
千層多士烘到好脆 好香 🍞
外脆內軟既感覺有d似炸饅頭
加埋蜜糖都幾好食🍯
雖然有小小似bbq燒方包 但都好食既😂
味道上幾好 加上都幾打卡able📷
我覺得第一次黎 可以一試

為食兵團近日發現利園三期地牢原來有間中菜館「淂記」，某網購平台會員可專享晚市七折優惠，閒日黃昏四點至八點仲有歡樂酒酒飲，收工可以直落唔洗轉場，蕃薯uncle吹雞即有十人附和，私人飲食助理當然係立即登記做會員啦！經商場內嘅正門進入餐廳，食客必先行落多級樓梯。小肥會建議大家從新寧道入口搭𨋢落去，安全方便得多。「淂記」室內面積堅大，除咗私人廂房之外，用餐大堂都分好幾區，洋式嘅裝潢及合拼式餐枱似係咖啡廳多啲。酒鬼們五點鐘先喺高半層嘅酒吧區暢飲歡樂頭輪。主飲品牌共有九頁。人多最抵就係點選指定樽裝紅酒或白酒，因為打完八折仲送兩客酒吧歡聚小食。小食最平都要$68/客，即係慳多百幾蚊㗎！脆脆薯條（$68）：粗粗肥肥嘅薯條新鮮炸出，外脆內腍。椒鹽魷魚鬚（$68）：小食層炸皮就好香脆，無奈魷魚鬚本身偏韌，牙力唔夠的話唔好亂咁試。乾煸豬大腸（$68）：食落麻多過辣嘅豬大腸仍有少少餲味，個人並不推介。晚市散點餐牌共有十頁之多，中英對照，並附插彩圖，簡單易明。茶位費$20/位；前菜$22/碟。每個位都有齊備嘅自用餐具。馬蘭頭百頁千卷（$80）：以百頁包捲住嘅馬蘭頭清新爽嫩，一口一件極易入口，完全唔會食得好遴迍。香芒沙律蝦球（$198）：唔知係蝦球層炸漿過厚定係黏上嘅沙律醬汁過多呢，蝦隻偏腍同濕，毫不爽彈，敗筆係個芒果味好似芒果布甸粉開出黎咁假，堅食唔過！烤北京填鴨（$230/半隻；$450/隻）：請留意，鴨鴨只有一吃，原隻叫的話個鴨殼係可以包走嘅，環保人仕可自備大盒，唔係就要收外賣盒或外賣袋錢。北京填鴨皮脆肥膏少，鴨肉柔軟香潤，招牌菜差不多枱枱都有點。十一人其實點咗一隻鴨，但因長枱難夾餸，Apple妹妹就細心安排咗廚房分兩盤上，下圖為半隻嘅份量。雪花日本松葉炸蟹鉗（$78/位）：脹卜卜嘅炸蟹鉗個蝦膠爽脆富彈性，真係打得好靚，無奈入面隻蟹鉗未為最鮮嫩，有少少似雪藏貨，不過$78再有七折真係冇得投訴。冶味蘿蔔糕蟹（$380）：席上嘅隱世廚神狠批菜式要用辣醬黎炒全因蟹蟹毫無鮮味，師傅應該係想個辣味可以遮蓋到，拌配嘅蘿蔔糕仲好黐口，完全唔掂檔！珍珠川椒雞（$118）：舖面嘅川椒葉芳香清脆，可惜啲雞肉出哂事！兩碟雞肉加埋都唔係好見到有雞皮嘅蹤影，黑肉白肉嘅肉質同樣乾嚡，老人家直頭想退貨。威士忌東坡肉（$198）：火焰上陣嘅東坡肉夠哂熱辣辣，溶喺口嘅五花腩肉腍滑非常，食落又唔會覺得好油膩，唯一冇人食得出有任何威士忌味。淮揚雞火煮乾絲（$168）：大家對雞火煮乾絲嘅意見不一，有人讚個湯夠清，亦有人話唔夠雞味，睇價錢做人嘅XO仔就嫌雞絲份量偏少，唔知個餸係咪貴在啲火腿絲呢？！嫩雞煨麵（$78）：好少見到嫩雞煨麵有咁多湯，因為通常隻碗冇咁大，啲麵又索哂啲湯。要讚嘅係碗中嘅麵條軟腍得黎完全冇糊埋一團或者係發到過脹，不過個湯底有少少苦，入面嘅菜粒同雞肉好似少咗啲。灌湯小籠包（$88/六隻）：小籠包皮薄餡軟嫩，而且都好夠湯汁。一客有六隻，中間一點紅嗰隻用上紅菜頭汁醃紅咗層皮，據悉係設計者想令賣相突出啲嘅手法而已。高力豆沙香蕉（$68/五件）：甜品熱力欠奉，相信因為個蛋白打得唔夠鬆，所以食落好似麵包咁實，加上餡心嘅香蕉量少，大人細路都話唔合格！楊枝甘露雪糕（$38/位）：正宗地選配芒果雪糕嘅楊枝甘露不單香甜滑溜，仲要係少少酸味都冇，大肥爸爸大讚此乃整頓晚餐之最，必吃也！銅鑼灣名牌商場新店「淂記」面積寬廣，環境企理，服務生誠懇好客。餐廳所提供嘅菜式集合咗不同種類嘅中菜，當中仲混入咗不少新潮元素，質素的確甚為參差，不過平均每人四百幾蚊由歡樂時光開始飲，仲包埋晚飯喎，價位好難有太高嘅要求囉，睇得出點解要用七折吸客嘅，所以結論係一試無妨嘅OK評，希望廚房團隊可以俾多少少心機作出改善。

西營盤 📌MOOJOO Lifestyle Cafe 幾個月無踏足西營盤，今日路經藝里坊 • 2號地下，見開咗間寵物友善 Cafe ☕ 以寵物為主題嘅裝修，地方寬敞亦坐得舒服，見有食評話d 野食唔好食，咁啲嘢食真係唔太好食 ~ 呢個都真係事實 😖 🥚雞蛋仔全日早餐 $148 ( 平日$128 • 週六日要加 $20 ) 呢個雞蛋仔 All day 早餐，除咗個雞蛋仔有啲新鮮感，擺得上枱之外，其他食材都好 hea。 [ 小兜仔茄汁豆 、 2條煙肉 🥓、 磨菇 🍄、 2 條腸仔 、2 粒太陽蛋 🍳 ] 。 ▫️雞蛋仔🥚上枱仲熱，外脆內亦算軟，內餡密度高，除咗外層，其他方面 & 味道上，都同一般雞蛋仔唔同，但味道又唔係唔好食，雞蛋仔嘅味道同 All Day 夾唔夾，鹹 vs 甜 match 與否，真係見人見智。 ▪️罐頭嘢茄汁豆~ 凍 & 腥腥地 ▫️2片煎得既唔香又唔熱嘅煙肉 🥓 ▪️2條熟咗，但唔熱嘅腸仔 ▫️磨菇 🍄冇菇味，又係唔熱 ▪️最okay 係2 粒太陽蛋🍳，煎得幾靚，上枱係熱辣辣 🍟黑松露薯條 +$25 上枱係熱辣辣，有薯條香味，如果炸香少少會更好; 而黑松露醬較稀，亦冇乜黑松露味。 ☕ Signature Cappuccino $38 由於我嗌咗 Set，所以咖啡跟餐係半價，即$19，半價嘅性價比係吸引，咖啡嘅味道亦都唔錯，淨係個喵喵🐱 圖案都令人賞心悅目。 ♦️題外話，店內有個戴眼鏡 男店員，行路跣來跣去，"撤check咁轉"，鞋同地板產生嘅聲響係好吵耳，其實有冇諗過 影響客人休閒嘅心情❓ 🔅 總括嚟講，飲品方面 ☕ 味道唔錯，但食物真係唔太好食，亦都唔太值，令客人有一種感覺好流又未到好伏嘅感覺，如果再幫襯，都可能都純粹淨係飲杯咖啡 ☕

好少出沒旺角東 今次發掘到一間都幾高質嘅小店cafe!!好適合大家去chill下 或者約會都唔錯😆
雖然地址係寫何文田 但其實係近旺角東🤣🤣

二人套餐 $388
二人套餐包左頭盤、烤肉或海鮮拼盤、主食 同埋兩杯$42嘅咖啡或非酒精飲品（$42以上飲品 以補差價收費）

頭盤我就揀左煙三文魚caesar salad🥗
沙律真係好大兜 生菜亦都好新鮮 煙三文魚份量都幾多下 面頭仲有好多脆脆麵包粒

拼盤方面揀左烤肉拼盤🍖
整個拼盤就有Parma ham牛油果芝士脆餅、美式烤豬肋骨、蜜糖芥末雞翼、日本雞骨腸
個人覺得Parma ham牛油果芝士脆餅 同埋烤豬肋骨好出色想特別介紹下！
Parma ham同牛油果蓉好夾芝士脆餅 好少係出面見到 好值得試👍🏼
烤豬肋骨燒汁好濃郁 而且肉質好嫩好易咬😋

Main dish就揀左香辣蒜片鮮蟹肉意粉🍝🦀
一上枱就香噴噴 見到面頭好多蟹肉同埋蟹籽勁吸引！！🤍
因為唔想食完好大蒜味 所以走左蒜片🙈但呢個意粉都真係幾唔錯 意粉份量都幾足！
而且因為本人唔係好食得辣 但係真係辣辣地唔係講笑 不過好惹味令人引唔住一啖接一啖咁食🤣🤣

草莓鮮忌廉芝士牛角包窩夫 配意大利雪糕🍓🥐🧇
螞蟻人表示冇甜品唔完滿 呢個甜品正正為我地一餐畫左個好完美嘅句號 牛角包窩夫烘到熱辣辣 上面淋左濃濃嘅士多啤梨醬同士多啤梨粒粒 岩哂士多啤梨星人 配埋雲呢拿雪糕好夾😆🍓
一碟就咁叫要$88 不過只要大家提早book位 而且消費滿$250就會送一份甜品🥹🤍
店員都好好人 我問下甜品可唔可以寫happy birthday 雖然實物唔算好清晰 但見到店員其實好盡力滿足我嘅要求👍🏼👍🏼

飲品方面就叫左Dark Chocolate Latte同埋Pink Rose Tea
兩杯都係補返差價$6就ok😆

推薦大家過黎食 不但食物高質 性價比好高 而且食飽飽就緊係要食個甜品 令一餐畫上完美嘅句號 呢間cafe小店 只要大家消費滿$250就會送一份甜品 真係良心企業益街坊咁！！🥹🫶🏼
🌟溫馨提示：甜品要一早預約先會送
另外想講一講成間餐廳大部分餐具都係用貓貓嘅餐具 勁得意！！！

2024 的第一行是烏蛟籐至荔枝窩。行山最大樂趣是置身郊野山徑，欣賞大自然景物，從而放鬆身心及調節心境，假如能夠配合美食，必然會是一趟滿分的旅程！烏蛟籐至荔枝窩途經三椏村，小小的村落裡開設了好幾家食肆，清爽天氣的假日顯得特別熱閙！

能夠坐在樹蔭下、草地上心擴神怡地進餐，相信只有「綠悠遊」，它一直是我 Wish List 的第一位。基於三椏村是一條客家村，而村內絕大部份食肆都很認真，所提供食物必包含幾味客家菜，絕非以餐蛋麵交功課。而「綠悠遊」也不例外，餐牌上除有小吃、炒粉麵，更載有十來道不用預訂的客家菜式。假如是用餐人數多，當然樂意為客人預早 Tailor Made 特別菜單。

「綠悠遊」餐牌上有不少令人心動的客家菜，經幾思量後，我們倆大膽要了三款客家主菜，點菜前已做好打包回家的心理準備，誰不知最後令溫文的侍應叔叔也大跌眼鏡，我們全吃光了，還加點了一碗白飯和一道甜品！

不熟悉此山徑的朋友或會想，山徑難度高？大大消耗能量？非也非也，從烏蛟籐走到三椏村很好走，才花了一個半小時，哈哈！不是另類版可口可樂，更不是本來要點的洛神花茶 (洛神花已過了季節)，而是自家製菊花茶 HK$20。這樣 Vintage 可樂瓶的裝置，實在富有驚喜！

自家製菊花茶花香清雅、極低甜度，非常合意，只是一瓶的份量不夠喉！製作需時，點餐後大家不防盡情融入周遭綠油油的環境、我們更與侍應，與及沿山徑同行，兼在同一地方進餐客人傾談，香港人、香港味，原本來就是這個樣子！Today Special 的墨魚餅 HK$160 來了。墨魚餅附帶自家製 XO 醬，溫文的侍應叔叔開玩笑：「所以老闆吩咐不能添太多 (XO 醬) 啊！」，這種幽默的招呼太討人了！

金黃香口的墨魚餅，質感彈牙，混合墨魚粒粒的同時，也散發出淡淡的果皮香氣，不錯也！至於 XO 醬，個人較欣賞原味，不過實際是一塊原味、一塊沾 XO 醬地品嚐著。烏卒卒的蒸豬肉砵 HK$140 是我的選擇，皆因坊間甚少找到的客家菜式。面層鋪滿密麻麻的豆豉，砵內是原條的五花腩！

豆豉的鹹香非常誘人，與鬆化不膩的五花腩同吃，譜出簡單、但與別不同的滋味！將豬肉砵變成生菜包的話，豆豉的鹹度與五花腩的配合，便來得剛剛好！再來滋補的黃酒燜雞 HK$180/半隻。雖說雞是主角，可是我們發覺薑片、紅棗和香甜的雞汁，反而是精華所在，要比雞肉更精彩！不來趟黃酒雞或豬肉砵汁拌飯，簡直是浪費！ 

P.S. 白飯爽身好吃！主菜後，還嘗試了香煎蕃薯餅 HK$20 作甜品！

蕃薯味不明顯，但煙韌質感與甜香的味道跟年糕有著相似的地方。即摘的有機小柑由「綠悠遊」送出，So Sweet，多謝！建議趁空檔時到「綠悠遊」背後的 「三椏手作仔」走走，「三椏手作仔」由一對有趣的夫妻運作，分享有機耕作、養生材料、天然手作物品等，挺有意思的！

最後回到食量驚人的原因，我想是大自然、人與人親切的互動，也離不開自然美味的客家菜式，實在叫人心廣胃口開！

期待組織愛山愛水愛吃的朋友同來大吃！