冇得去台灣，最掛住就係嗰個勁平又勁好味嘅個碗滷肉飯！最近不論社交平台、訪問都係呢間台灣人主理小食店。主打每日新鮮熬製滷肉，還原台灣味道。閒日晚上去到都見到有幾pair人排緊隊，大概15分鐘就入得。入面裝修幾舒服，有一邊係台灣夜市嘅畫作，但只係座位位置較逼，同埋大家記得用餐時間係1小時。爆蔥滷肉飯 $58
⭐️⭐️⭐️⭐️
份量巨多，女仔叫真係小心，唔好因為一時想試唔同款野食而叫太多，食落就知佢份量有幾足。一睇就見到有幾爆蔥，成碗都佈滿哂，鍾意食蔥嘅一定要點呢個！呢度嘅滷肉食到一粒粒顆粒口感，唔會話太腍好似醬咁，滷肉偏向瘦少少，油膩感唔會太重。撈完飯個咸度岩岩好，叫左溏心蛋，正正常常，如果係溫泉蛋會仲加好食，但最緊要個飯夠熱。成個飯最令我驚喜嘅唔係滷肉，反而係個不太起眼嘅醃菜，簡直先係神之筆，香得黎帶酸微辣，令到個滷肉飯味道層次多好多，亦點綴到個飯，唔會咁膩口，令到人食幾啖就唔想食！鹽酥雞套餐 $70
⭐️⭐️⭐️⭐️
鹽酥雞真係記得趁熱食，凍左真係整體味道上差好多。首先佢炸到好香脆，熱辣辣又脆卜卜（加分），雞肉食落都算嫩滑，唔會太柴太乾爭爭。調味都幾香唔會過咸，除左層炸皮有調味粉之外，入面雞肉都有醃過。但唯一敗筆之處係個九層塔，真係正常裝飾之用，點食個鹽酥雞都冇個陣九層塔香味，有小小失望。咁香口嘅野食，好啱整番杯台灣啤！肉鬆起司蛋餅$38
⭐️⭐️⭐️
肉鬆起司蛋餅正常發揮，冇話特別覺得超級出色，正路唔會出錯菜式。入面雞蛋個熟程度控制得幾好，半生熟，但芝士個人覺得唔太足夠，食落主要淨係食到肉鬆味，比起台灣早餐店食到嘅味道仲有一段距離。白桃烏龍寒天 $15
⭐️⭐️⭐️⭐️
叫主食或套餐可以加$15飲到特飲，分別叫左白桃烏龍（少甜、少冰）配寒天同仙草。本身冇咩期望，因為始終見大多評價都話珍珠奶茶太奶冇咩茶味，但一入口好香桃味，隻味唔係好人工，加上叫左少甜岩岩好。茶底真係比想像中香濃好多，飲落清香，用黎解油膩一流。寒天一粒粒有咬口煙煙韌韌，幾好食，但係仙草完全冇口感，好溶爛咁。

🌟總括：如果排一陣都值得一試，半個鐘以上就唔好啦。味道上各方面都係中上，但話係台灣嘅味道咁又未到，始終有距離。大家要慎點份量，太多就好似我咁搞到要打包拎走。價錢都係偏少貴，但香港地鋪租物價咩都貴，唔可以拎台灣食到嘅價錢黎直接比較。

今日同朋友在威靈頓街工作後剛剛遇正tea time！就揀咗上一樓嘅Tommy Yummy Tea一Tea,Yum一Yum先😆😆😆 🌲🍀☘️🌿🌵🌾🌴🍃🌳🪴🌱🍃🌴🌲🌾 餐廳裝修主要白色及綠色為主色！富有熱帶森林嘅格調，空間感十足！簡約又舒服！甚有泰國渡假feel的設計！店內有寬闊的大玻璃，可望到外面的環境！位置也非常方便！🌳🌲🍀☘️🌱🌿🌴🍃🌱🪴🌵🌳🍃🌴🌾 💠💠💠💠💠💠💠💠💠💠💠💠💠💠💠 餐廳以QR code落單！方便快捷！想食乜就食乜！ 👦🏽👧🏼🧑🏻👱🏽👨🏼👩🏼👩🏻👨🏽‍🦱👨🏼‍🦰🧑🏽‍🦱👦🏽👱🏽🧑🏻🧑🏽‍🦱👧🏼 職員以年輕一族為主，待客有禮！ Tea Set: 1️⃣ $58 沙嗲串(豬頸肉/雞肉)🍢🍡+ ☘️薄荷青檸梳打 杯裝上的兩串串燒,醬汁是沙爹醬,沾滿雞肉及豬頸肉十分惹味！串燒仲有炭燒味！真係好似泰國嘅街頭小食呀！ 薄荷青檸梳打~ 如果喜歡薄荷味就啱曬！因為感覺好清新及開胃！ 2️⃣ $78 泰式扎肉湯河🍲 + 泰式奶茶🧋 湯河粉量足夠,扎肉香茅味濃！十分飽肚！泰式奶茶與港式奶茶不一樣， 好有特色，口感濃滑，非一般茶餐廳嘅奶茶！ 除兩個tea set外更想試下餐廳獨有嘅食物！3️⃣ $128 虎蝦海鮮混亂杯麵🦐🐙🐚🦑 一上枱賣相已好吸引，打卡一流！加上個人很喜歡冬陰功的味道，麵質好有咬口，中辣帶點微酸係我至愛！海鮮多種類之餘份量仲好足夠，例如：大虎蝦、青口及魷魚圈等。。。整碟混亂杯麵真係好香口，味道確不錯！ 4️⃣ $118 芒果乳酪疊疊冰 2人份🥭🍧 賣相會畀五粒星，每粒乳酪方塊冰都含有芒果肉，仲有一支鮮芒果雪條，食落好香甜！綿花冰軟綿綿，中間夾有一嚿煙韌糯米飯，額外仲有杯椰漿按喜好自行淋上面！這個甜品冇得輸！無論賣相及材料都非常豐富，果然大滿足！ 總括來說：對餐廳印象深刻，尤以特色食品及用心製作！下次可以再品嚐其他不同的食物！

近日大規模降溫，大西北居民表示凍到震 🥶 雖然在冷氣加持下，食客不必受天氣限制，四季照舊「烚吓烚吓」，但煲仔飯這種傳統美食，依然堅持秋冬才出動 ❄️ 原因無他，在 40 度高溫下製作煲仔飯，只怕臘鴨未熟廚師已經化成一灘水 👨🏽‍🍳💦


坤記、嚐囍兩大米芝蓮煲仔飯名店，多年來鬥得難分難解 ⚡️ 去年已到訪過後者，今次跑來慕名已久的坤記煲仔小菜，香港人排隊乃是兵家常事，在門外的心情緊張又期待，後來發現 30 分鐘的等待絕對值得 😸

店內環境市井熱鬧，煲仔飯即叫即煮 🔥 專門的師傅在灶台前同時照顧七八個柯打——煮飯、鋪上食材、揭蓋加油、關蓋焗出飯焦、調整火力…♨️ 將生米煮成熟飯的過程講究得很 🍚 火太猛怕燶，不溫不火飯焦則無法成形，多年練成的「鐵砂掌」，使師傅可以徒手處理滾燙砂煲，這時切忌心急，耐心等候不要催單喔～🫶🏻

選擇了最愛的白鱔田雞煲仔飯 ($120)，亦是最考驗食材品質的組合，白鱔魚皮富彈性、肉質爽滑，滲出天然油香 🐟 田雞大件肉厚又彈牙，配上豉汁好好食！☺️👍🏻


上檯時自行淋入豉油再焗 2 分鐘 ( 建議一圈起兩圈止，因太多豉油會浸濕飯焦 )。砂煲受熱均勻可輕易起出原塊飯焦，火候控制得宜、飯粒乾爽分明。


香脆鍋巴帶豬油甘香，食得出啖啖心機 ❣️ 食完暖笠笠，能夠連續多年獲得米芝蓮必比登推介，當之無愧 🫡👏🏻


另外叫了兩款小菜，蒜蓉蒸開邊蝦 ($105) 大大隻，鋪滿金銀蒜味道鮮甜 😋


西蘭花炒斑球 ($95) 並非以雪藏貨冒充，斑球嫩滑之餘，有一種獨特的果凍感，玻璃芡勾得透薄，剛好掛在食材表面 🥦 小菜水準亦不俗，建議多約兩位朋友來，可以多點幾道菜！有機會一定會再訪，錯開用餐時段應該不用排長龍吧 🥲

💰 $150 p.p.
📍 坤記煲仔小菜
西環西營盤皇后大道西 263 號和益大廈地下 1 號舖

活化咗嘅618上海街，二樓有間逢星期一至六開到夜晚8點嘅新加坡社企餐廳💁🏻‍♀️想支持嘅話要早啲去呀! 星期日收下晝5點添㗎~ 呢間社企餐廳致力幫助弱勢社群同殘障人士，俾佢哋工作機會同建立信心❤️重拾尊嚴! 所以佢哋件制服都有大大隻字「尊嚴」🫡 入面好似food court~ 喺cashier綜合買完之後，職員會溫馨提示你每項食品去第幾檔領取🫶🏻 聽唔切唔緊要㗎! 有得拎嘅時候，電視屏幕會顯示㗎喇😉 牆身有好多特式油畫! 啱晒打卡📸 食品製作嘅時候可以欣賞吓四週嘅環境先(˶‾᷄ ⁻̫ ‾᷅˵) 全層好大好多位~ 員工多過食客，希望佢哋做得住啦😗 食物唔錯㗎!! 大家可以俾個機會佢哋自力更生，融入社會💪🏻 接住落嚟會有介紹我衝住佢而嚟嘅Laksa😌 選擇唔多，就只有蝦同雞揀~ 朋友唔食蝦，揀咗雞仲有驚喜😙係海南雞嚟㗎!!!! 皮滑肉嫩之餘份量仲好多! 起碼有八件🐔 可惜佢係凍嘅~ 如果整熱佢會更好🫶🏻 湯頭超濃稠~ 一個人食晒應該會滯😂 椰香味恰好! 微辣唔搶喉! 兩個人happy share 就啱啱好! 到喉唔到肺，想encore先會有第二次😊 麵底係摻摻💁🏻‍♀️正宗又啱晒鍾意唔同口感麵底嘅人👍🏻 我最like佢嘅米粉嗦晒啲湯味，超正!! 大大碗都係$65咋! 好抵食‼️ <<臘腸雞粒瓦煲飯>>($65) 佢都唔止係雞粒! 我覺得係雞球😂 雞肉份量好多又冇骨👍🏻 原條臘腸望落好吸引! 不過油脂重咗啲~ 食咗兩啖我就嫌佢太肥，冇咩興趣🫣 下次可以試吓另一款💁🏻‍♀️豆豉排骨 <<炒蘿蔔糕>>($62) 即叫即炒嘅佢需要啲時間準備☺️請耐心等候٩(˃̶͈̀௰˂̶͈́)و 蘿蔔糕係連埋雞蛋一齊炒，所以特別香😆 不過略嫌覺得蛋多咗少少! 有啲宣賓奪主咗😌 落單嘅時候有問要唔要辣! 我哋叫咗辣都唔算好辣~~ 辣醬好惹味! 額外問佢拎一碟仔自己點醬都好好食🥰

銅鑼灣登龍街雖然只是一條短短橫街，但九成以上地鋪都是食肆，再加上兩旁幾幢商廈也有不少樓上餐廳，如果要每間餐廳都光顧一次，就算日日去都要食足兩個月！正可能因為競爭太大，餐廳經常轉手，只有少數可以長期經營。今日經過，發現之前的「豐勝手丼」原來已經結業，變成「Solo Udon ソロうどん」。餐廳門面裝修有特色，加上用色鮮明，遠處望過已相當搶眼；但另一方面又顯得低調，招牌名字並不顯眼。入內前先在門口的觸控式屏幕食卷機自助買票，類似日本當地拉麵店或連鎖牛丼店的運作模式。香港強制採用這種自助食卷機的店舖不多，印象中只有少數日式拉麵店 ⋯⋯ 雖然麥當勞、大家樂、KFC 也有相同設備，但這些連鎖快餐店仍然保留傳統排隊買餐櫃檯。講起上來，香港的自助食卷機比日本先進得多，既有圖文並茂的 touch screen、又接受各種電子付款方式；反而日本雖然電子科技先進，但食卷機仍然停留在幾十年前的按鍵式（唔識日文真係唔知㩒邊個掣）及只收取現金（雖然有自動找續功能）。

全個電子屏幕都是烏冬，口味走港式新派路線。烏冬有熱有凍，有咖喱湯、雞白濃湯、甚至fusion口味的中式擔擔濃湯！反而欠缺傳統日式烏冬的昆布清湯。除了烏冬，亦有多款日式小食配搭：日式叉燒、日式炸雞、天婦羅蝦、吉列豬扒、火炙牛肉等。室內裝修明亮簡潔，全部都是吧枱式座位，每個座位之間用間板分隔 ⋯⋯ 即時聯想起源自日本九州、首創個室拉麵的「一蘭」。分別在於「一蘭」採用傳統日式拉麵店裝修風格、間板是實心木材；「Solo Udon ソロうどん」則裝修時尚、間板用不鏽鋼粗框加透明玻璃打造。內圍個室的背面就是廚房，廚師煮好烏冬後可打開小門，直接遞給顧客。每個位都有罌天婦羅脆粉，最啱配搭清湯烏冬，偏偏餐牌上沒有昆布清湯烏冬，好似得物無所用。咖喱湯吉列豬扒烏龍麵（$98）的概念很可能源自北海道的湯咖喱。試一啖湯汁，味道小辣、又有蔬菜的清甜，原來廚師選擇了日式咖喱的經典味道炮製湯咖喱。不愧烏冬專門店，又標榜採用北海道麵粉及正宗日式烏冬風味，入口煙韌彈牙。吉列豬扒味道一般，脂肪太少、肉質入口有少少嚡口。雜錦天婦羅冷烏龍麵（$98） 天婦羅放在烏冬表面，好容易被烏冬汁浸軟；又沒有另外提供蘿蔔蓉 / 天婦羅汁或者海鹽調味，到底想點？幸好天婦羅脆衣夠薄、入口鬆化，以烏冬店來説，炸功已算相當好。蝦天婦羅雖然彈牙爽口，但蝦味淡；蔬菜天婦羅較好吃。但沒有天婦羅汁調味，始終有所欠缺。無論什麼食材、湯汁或者冷熱，店主俱刻意整碗烏冬奉客，食材不會分開另上。雖然每隻烏冬碗各有特色、顏色鮮明，明顯係細心挑選，但並非所有烏冬都適合；冷烏冬正是其中之一。沒有一杯烏冬汁，烏冬要沾碗底的汁實在非常不方便，一來太少汁，另一方面，一定無法避免浸軟鋪在表面的天婦羅。偏偏又有一小撮山葵蓉放在碗邊，到底想點？雞白湯叉燒烏龍麵（$88）令人聯想起日式拉麵。雞白湯表面浮起一層泡沫，賣相媲美以濃厚雞白湯馳名的名牌拉麵店。馬上呷一口雞湯，有點失望；偏稀、雞鮮味唔夠濃郁，同名牌日式拉麵店仍有距離，但尚算幾好味。薄切日式叉燒就很好味，有適量豚脂，亦見到兩個部位的豬肉。只得兩小塊，未夠喉。雖然出品加入了港式風味，配搭食材味道一般，不過烏冬質素相當好，媲美烏冬專門店，值得一試。

【超推薦嘅元朗泰國餐廳🇹🇭芭堤雅泰國餐館】
-
元朗不嬲好多嘢食😜都有唔少泰國餐廳😗
而🌴芭堤雅泰國餐館🌴暫時係小編嘅No. ①
餐廳裝修完之後環境更舒服😌食物款式又多咗😛大家有興趣一定要去試吓🫶🏻🫶🏻😝

-
唔講唔知原來🌴芭堤雅泰國餐館🌴係元朗已經開咗十年🥳最近仲翻新過啱啱裝修好～
佢係元朗站行幾分鐘就到🚶🏻‍♀️非常方便🚉
餐廳有兩層😏都有幾多位😝以淺啡色為主調🌿配上綠色嘅牆壁同埋植物🍃環境好舒適😜~

食物方面款式都幾多😙仲好特色添！
好似甜品咁💁🏻‍♀️除咗有經典嘅芒果糯米飯之外🥭
呢度仲有泰式香蕉煎餅🍌同埋椰子雪糕🥥好驚喜呀😻
同埋餐廳嘅special menu會不定期更新🤤仲會按季節更改時令食材🫡幾有熱誠值得比個讚👍🏻

-
😋泰式乾炒河粉🐷 $88+1
泰式乾炒河粉有得揀豬肉或者雞肉🐓小編就揀咗豬肉啦 💁🏻‍♀️
河粉入面仲有芥蘭、紅蘿蔔🥕同埋好甜好嫩嘅粟米筍🌽
呢款河粉有別於港式嘅乾炒牛河嘅河粉😂比較闊身口感滑順Q彈有勁😝
炒得夠鑊氣食落幾香口😙蛋絲同埋炸蒜增加口感😌味道相當唔錯～

好味指數：🌕🌕🌕🌕🌗

-
😋碎肉生菜包🥗 $88+1
肉碎用泰式香料炒香🫡
香濃惹味的肉碎配上清爽嘅生菜，
令人食指大動😝

好味指數：🌕🌕🌕🌕🌖

-
特製蒜蓉包🧄 $38+1
有別於傳統泰國餐廳用嘅黃金磚🍞
Pattaya用咗全新配方炮製蒜蓉包
小圓包搽滿牛油同埋蒜蓉加埋迷迭香🤩
即叫即焗😝香噴噴、熱辣辣🔥
單食或者點咖哩都一流架！

好味指數：🌕🌕🌕🌕🌗

-
😋香蕉飛碟🥏 $48+1
唔使去香蕉仔都可以食到好味嘅香蕉煎餅🥞
外皮煎到金黃色😍幾酥脆
面頭淋咗煉奶同朱古力醬🍫
中間就夾咗香蕉🍌又甜又香
非常好食嘅泰式小食😋

好味指數：🌕🌕🌕🌕🌗

-
😋椰子雪糕杯🥥 $48+1
賣相好精美有兩朵小花做裝飾🌼
椰子雪糕味道香濃口感軟滑😝仲有爽口嘅椰子肉😍
值得一提嘅係佢嘅花生碎同埋椰子脆片令到成個甜品口感更加豐富🤩

好味指數：🌕🌕🌕🌕🌖

-
😋馬拉盞通菜🥬 $78+1
新鮮通菜口感爽脆😝鹹香惹味！
不過小編覺得味道可以再濃少少🤏🏻

好味指數：🌕🌕🌕🌕🌑

-
😋泡沫泰式奶茶☕️ $35+1
呢個泰式奶茶小編好推薦😝口感絲滑
雖然第一啖飲落去偏甜😜但係加埋啲奶泡味道就啱啱好😚可以平衡重口味嘅泰菜

好味指數：🌕🌕🌕🌕🌖

-
😋芒果梳打🥭 $38+1
賣相好吸引😜味道清新🤩入面仲有新鮮芒果粒💁🏻‍♀️

好味指數：🌕🌕🌕🌕🌘

-
總括而言😗喺元朗想食泰國菜😌✨芭堤雅泰國餐館✨係一個唔錯嘅選擇🤩

-
📍芭堤雅泰國餐館 (元朗)
元朗安樂路1-11號明珠樓地下1號舖
💸人均消費： $170

這條街都幾多食店，呢一間門口放左一條布既banner，加上啡色既裝潢都幾吸睛 走過去望過D 食物類型，岩我個晚趕時間食個簡單既quick dinner 
入到去幾舒服，裝潢新淨，有少少日系feel
場內座位唔多，約十個位，所以我見都好多人外賣為主
2人枱有兩張
大部份係對牆坐既bar 位，約6個位，好岩一個人去食野
由於餐廳門口係玻璃造，有兩個bar位係設係對住街外既位置
所以一路食野一路望住街邊既路人靜靜咁經過，別有一番寧靜既感覺

牆上掛左好多木牌寫有售賣既主食加小食
簡潔企理,而且咁樣都可以當做裝飾咁
如果想睇埋圖片，佢counter 位都可以有圖既餐牌呢度主食係’’三文治’’, 其實睇落有D 似熱狗 三文治有12款，可以單叫三文治
加$10 可以跟一款小食加一杯茶/咖啡/罐裝可樂
小食有厚切薯條﹑日式薯餅﹑粟米杯
佢都有12款既手搖飲品，升級叫呢類特飲都可以，正價減$10就可以

如果想多重享受，仲可以加錢加配料
加炒蛋﹑珍寶腸﹑辣腸等就$12
加芝士片﹑墨西哥辣椒片就$6
加煙肉﹑黑松露醬就$8

形式係自助式咁
去counter 俾錢落單
跟住食物準備好就會叫你的單號碼，自己再去拎食物

counter 位有自助配料可以免費拎
例如有蕃茄汁﹑芥末醬
亦都有飲管﹑小碟器皿﹑紙巾等
擺位都好乾淨企理

過程好快手
當時只有兩個人等緊
我落左單等好似10分鐘都冇，食物就已經ready➽黑松露芝士炒雙蛋 $36  用一個木籃裝住個三文治
而且仲有一張好厚身﹑堅韌既紙包住
所以都幾衛生

黑松露味好濃郁，加埋洋蔥，整體真係好香 蛋算幾滑，雙蛋既份量真係好多
加左芝士係雙重享受 試過就咁咬個蛋，個香味不及加埋芝士咁正
個飽加左D醬，所以食落甜甜地咁
整體幾好食

➽粟米+熱伯爵茶 $10
粟米份量都唔少
有加適當既糖份，甜度都OK
不是加牛油的款

熱伯爵茶用外賣杯裝住
味道係正常發揮

前後食過兩次，都幾滿意
而且係呢條街都冇呢類型既食品
所以喜歡三文治/熱狗類既人可以一試
味道質素幾好，份量晚餐黎講都幾飽肚
價錢係呢區也實惠，所以性價比幾高

🍽 鳳城1954


今日係👭🏻孖妹父皇生日，指定食呢間酒樓



🥢青奶皇子



✨奶皇流沙包好多地方都有得食，綠色餡你地又會諗到咩味呢？冇錯，就係綠茶味👍🏻外型襯番合名，有眼鼻口好鬼cute架
✨一籠有3️⃣個，麵包皮唔算好薄，但內餡好流心，綠茶味夠，唔會苦澀甜絲絲所以👷🏻‍♀️細孖會當佢甜品咁食☺️


👭🏻孖妹評分：🌕🌕🌕🌕🌑


🥢金叵蘿蟹鉗



✨呢款菜要件數計，一隻大約$54，價錢相對高
✨每隻外型大細都唔同，部長話係純人手打唔係機器整，值得一讚😆完美主義者要行埋一邊先啦
✨外邊由麵粉、蟹肉打成糊，加入調味料混合打到起膠，包入蟹鉗再攞去油炸，相對比較油膩，但👭🏻孖妹👨🏻生日，肥都肥得抵架，今日唔計卡路里啦😉
✨師傅打得唔錯，幾彈牙，唯一係調味方面，帶微酸扣左D分🫗蟹鉗都有少少蟹肉食㗎👍🏻


👭🏻孖妹評分：🌕🌕🌕🌗🌑


🥢牛肝菌姬松茸燉雞湯



✨通常燉湯都係用白色盅上🥣呢度唔同，佢係用仿紫紗茶壺🫖上夠哂特別🤪旁邊會擺個杯仔比客人，方便由茶壺倒出黎飲，茶壺有保溫功能，食到最後先飲都仲暖👻
✨材料好足，菜名有嘅全部都有，仲有瘦豬肉、桂圓、杞子燉成，湯色水好清，一D都唔油，所有材料精華都濃縮喺壺湯度
✨味道好清甜，雞味出，牛肝菌本身冇咩味道但幾有益，有豐富維他命B同胺基酸，而且爽口飲湯時食埋補下身


👭🏻孖妹評分：🌕🌕🌕🌕🌕


🥢 脆皮炸子雞 （半隻）



✨👭🏻孖妹平時叫開套餐，今次就叫左自選孖寶搭豉油王虎蝦
✨ 炸子雞整得比較油，雞皮勉強脆，應該炸得太耐/油溫太高，雞肉比較嚡口唔滑，雞醃得唔入味，最後👷🏻‍♀️細孖點左虎蝦碟上啲豉油😅


👭🏻孖妹評分：🌕🌕🌑🌑🌑

🥢豉油皇煎虎蝦


✨孖寶套餐可以揀金銀蒜粉絲蒸元貝➰川味水煮/酸菜魚片➰水煮安格斯牛肉➰豉油皇煎虎蝦，👭🏻孖妹想每種肉類都有，用排除法最後揀左虎蝦😆虎蝦屬於白肉，比起紅肉既脂肪量較低

✨套餐set左4️⃣隻，👭🏻孖妹一家人啱啱好😆，蝦幾大隻，如果單點要成$168一碟😅蝦幾新鮮，好多蝦膏😍，夠入味


👭🏻孖妹評分：🌕🌕🌕🌕🌑


🥢蜜椒香薯安格斯牛粒



✨安格斯牛粒唔算太少，4個人分都有好幾舊食㗎😇牛味出醃得夠入味，唔怕太鹹
✨蜜，顧名思義係蜜糖🍯，椒係黑椒，甜甜地少辣，每粒薯粒都沾滿蜜糖，軟糯香薯既鹹香夾埋蜜糖食不自覺地食哂🍽平時見到碳水就驚，今日好快清左碟😜


👭🏻孖妹評分：🌕🌕🌕🌕🌗


🥢醬油安格斯牛鬆炒飯



✨大大碟炒飯，主要以豉油油調味，加入蔥粒、雞蛋、碎牛肉炒成，係咪安格斯牛就唔係好食得到😆
✨飯粒分明，唔會太濕/淋，鑊氣就差啲啲，但夾餸食炒飯都唔錯

👭🏻孖妹評分：🌕🌕🌕🌗🌑


🥢蛋白杏仁茶




✨呢款甜品係👭🏻孖妹每次必點🔝，貪佢夠潤又抗氧化，係女士美顏恩物💃🏻杏仁含豐富膳食纖維、維他命E及鈣，可以抑制體內既自由基，抗氧化功效
✨👷🏻‍♀️細孖本身好怕杏仁味，基本上所有含杏仁既食物我都唔會食，呢個特別除外，廚師整得杏仁味啱啱好，帶甜味，有蛋白花，餐廳仲會比塊合桃餅客人，一啖杏仁茶一啖杏仁露，好食又有益👻


👭🏻孖妹評分：🌕🌕🌕🌕🌗


🔸🔹🔸🔹🔸🔹🔸🔹🔸🔹🔸🔹🔸🔹🔸🔹


✍🏻總評：

👭🏻推薦指數：⭐️⭐️⭐️⭐️
👭🏻回頭指數：🌸🌸🌸🌸🌸
👭🏻環境評分：🌈🌈🌈🌈🌈
👭🏻服務評分：🍀🍀🍀🍀


🔸🔹🔸🔹🔸🔹🔸🔹🔸🔹🔸🔹🔸🔹🔸🔹


💰人均消費：$200 - $400

今天早上在附近做完身體檢查，聞說土瓜灣有很多美食，個人又很少來這一帶，便上openrice發掘一下附近有什麼好吃的。本來想吃一間很街坊的雞球撈麵，可惜星期一例休，又不想行太遠，剛好來到餐廳門口，很久沒吃港式的豉油西餐，便去過下口癮。餐廳門面充滿著懷舊的感覺，一排圓燈加上已掉色的招牌，大門隱約還透著紫紅色的光，仿佛回到80年代。甫走進門口，一位穿著恤衫牛仔褲的待應便走來招呼，即使是一位兩位，亦會著客人先坐卡位。店面的都是上了年紀的叔叔，每一個都企得筆直，又會不時走來走去，生怕怠慢客人，看得出來上一輩對於一份工作的重視，未食已頗為欣賞。舖頭內仍然維持舊時香港西餐廳的格局，中空的圓拱形卡位有種令客人置身包廂的感覺，地面用上舊式的水磨石地磚，配上老餐廳酒樓的椅子，有如時光倒流到80年代。午市套餐選擇不算多，一般大路的都有，來到為數不多的港式西餐廳，沒理由不點一個豉油西餐吧。剛坐下未點餐前店員會先問你要什麼餐湯，有紅白兩款，個人特別鍾愛港式的羅宋湯，雖然跟傳統俄式的有很大分別，但港式口味吃的就是小時候的回憶。配料甚多，味道帶茄膏和蕃茄的酸勁，作為開胃湯一流! 還有一點點碎牛肉渣，個人喜愛再加一點點桌邊的現磨黑胡椒，多點層次。主菜點了黑椒牛扒飯，打算小試這裡出品。牛扒有兩塊，每塊的大小跟外面的大字頭早餐牛扒差不多，幾十元一餐的牛扒並沒有什麼太高期望，但肉質明顯比較好，用刀切時要費一點勁，不過幸好兩塊都沒有筋，食起來時不會卡在牙縫，這點十分好。至於肉味則不算突出，但還是淺嚐到一點牛味。又或是因為這點原因，淋在牛扒上的黑椒汁頗辣，感覺是黑椒放得太重手，如果用來配飯和配菜就剛好，但個人來說還是希望醬汁不要太辣，對於不能吃辣的朋友來說應該要走汁或者轉其他汁。跟餐飲品可以選正常的茶飲或特飲，難得不用額外加錢便選了椰汁紅豆冰，紅豆跟椰汁比例正常，紅豆看到一粒一粒比較完整，沒有煮得太爛。個人喜歡再煮爛一點，去到半粉半豆的狀態為之最好，咬入口時可以有紅豆本身的粉感和甜味，又可以吃到粒狀的嚼勁。椰汁則正常不會太甜，但略為太稀，因為紅豆冰會加至少三份一杯的冰，如果本身椰汁太稀，喝到一半當冰融化時便會很淡。

星期六返公司加班🥲，不爽之餘仲要加班加到5點鐘🕔，同事建議不如去食嘢飲酒🍺，但又唔想落Bar，突然想起屋企附近有間清酒🍶任飲而且有關東煮食嘅小店，一於去試下。



作為區內唯一一間關東煮專門店，小店入面充滿着和風的裝飾🥰，估唔到係香港都可以感受到日本居酒屋嘅氣氛😍，加上又有咁多清酒🍶可以選擇，正好適合我今日和同事一路傾計一路飲酒🤭。



清酒放提有‘’竹‘’ ‘’松‘’兩個選擇，前者得1.5小時，可以任飲清酒，後者可以有3小時，除咗任飲清酒外仲每人可以自選3️⃣款關東煮和2️⃣款佐酒料理。(竹放題，一至四，日及假期 $308/位，五、六及假期前 $408/位；松放題，一至四，日及假期 $428/位，五，六及假期前 $568/位)。我地當然選擇後者啦，由於今日係星期六，所以價錢係每位$568。



為咗清晰啲，今次分享分為清酒篇和食物篇。

清酒篇：
一坐低，職員馬上俾咗嗰9️⃣宮格我地，自己揀返一個自己鍾意嘅清酒杯用。



之後職員奉上每人一杯熱辣辣嘅雞湯🍲俾我地，等我地可以係飲酒前先暖暖過個胃🥰。雞湯帶有好濃嘅雞味，超級好飲😋，而且仲要係可以添飲嘅🤭。



我地首先試咗3️⃣款果酒：
尾瀨之雪檸檬柚子酒 - 柚子味好濃好清甜，加上淡淡嘅檸檬酸味，兩者配合得非常之好🥰，而且入口溫和清新，必試👍。

楯野川子寶芒果酒 - 用大量印度芒果汁🥭製成，所以充滿着芒果🥭嘅風味，味道比較偏甜😊。

紀州柚子梅酒 - 帶有柚子嘅香味和梅嘅酸酸甜甜味，非常適合作為餐前飲用😍。



之後我地就開始試下啲清酒啦🍶。你可以自由選擇要凍飲❄️還是熱飲🔥，我地當然係每款清酒冷熱都試勻🤣。

九頭龍逸品 - 口味爽口且清淡，酒味唔濃，米香味較淡，非常適合配上關東煮🥰。

越乃雪 花 純米吟釀 - 入口時有着清新嘅花香味，當中亦帶有酒米嘅旨香，容易入口，但後段會出現微微嘅辛口感😛。

京都 匠 純米大吟釀 - 入口有香甜果香，帶有微辛，有米香味，口感舒適😋。

伝心 稻 純米酒 - 口感柔軟，溫和，潤喉，米香味重😍。

雪之茅舍 - 有淡淡清香味，口感略辛，但感覺順喉，職員話宜凍飲🧊。

我之後試咗一小杯“梗”嘢
神之河 麥燒酎 - 呈現琥珀嘅顏色🟠，散發着芳香味，口感就濃厚稍烈😌。

最後我地叫咗啤酒🍻作結尾

關東酒場自家啤酒 - 冰鎮酒杯🍺配上自家製淡淡又唔苦澀嘅啤酒簡直一流💯。



食物篇：

由於每人有3️⃣款關東煮和2️⃣款佐酒料理可以叫，所以我地叫咗唔同嘅嘢食，開心share之餘，順便睇下啲嘢食得唔得🤭。

關東煮：
牛肚 - 好嫩，一啲都唔韌，非常入味😋。
牛筋 - 唔係黏嗰款牛筋，而係爽滑彈牙那種，是我喜歡那款😍。
豬腸 - 唔肥，易咬，非常入味。
魷魚串 - 一啲都唔韌，而且唔同出面啲無味嘅魷魚串，呢度啲非常好味🥰。
蝦餅 - 大大塊，有蝦味，唔錯👍。
蘿蔔 - 超大舊，無渣，吸收哂湯嘅精華，好好味😋。



佐酒料理：
唐揚墨魚咀 - 外層炸得非常香脆，雖然細細粒，但依然有咬口，又有墨魚🦑嘅鮮甜味，正👍！

唐揚炸雞(4件) - 同樣炸得外脆內嫩，連埋沙律醬一齊食，十分好食😋。

煎餃子(4隻) - 皮薄餡料足，有啖啖肉香味，外皮煎到金黃色，十分香脆😍，同喺日本食嘅冇咩分別😆。

芝麻雞翼(2隻) - 烤得皮脆內嫩，連同雞皮表面那些芝麻一齊食，口感上多了一份層次🥰，味道上多了一份芝麻香味😋。



試哂🔟款小食之後，覺得非常之好味，所以我地決定再追加個壽喜燒，同埋和牛串😂。

壽喜燒牛肉鍋 $98
一上台真係被佢嚇親😳，牛肉份量正常，但蔬菜就非常之多😮，食咗咁多邪惡炸物，都應該食多啲蔬菜清腸胃🤣！



日本和牛串 $32
和牛肉質嫩滑軟腍，而且充滿牛味，非常好味😋。



去到呢一刻，我和同事已經飲飽食醉，非常滿足🤗。

總括而言，無論食物，環境和服務都一流嘅居酒屋，仲要有咁多款清酒可以選擇，真係無得頂💯。

Bookmark了Gustaci很久了〰️
一直很想吃到正宗的意大利Pizza 😝
今天終於在一個星期天的下午來到了🤩🤩


枱面有餐具🍴、碟子、餐水、消毒劑🫧
店員會先查詢要sparkling/ still water
就回應他們要tap water就行了


每人可選兩款前菜 -
友人選了蕃茄芝士肉丸🍅和南瓜忌廉湯🎃
我選了蕃茄芝士肉丸🍅和吞拿魚牛油果他他🐟
蕃茄芝士肉丸非常大一顆 很紮實的免治肉〰️
蕃茄醬汁酸甜 比較稀身
配上鹹香的Parmesan cheese 🧀
好好吃哦!


友人的南瓜忌廉湯🎃
也是非常大一盤😂😂😂
比較濃稠 吃得出南瓜蓉的感覺
很香甜 配上忌廉 更creamy!
面頭還有3顆面包粒 增加口感😝
朋友大愛這個湯🤣🤣


吞拿魚牛油果他他 🥑 （需要額外 +$38）
賣相也是非常吸睛!


鮮甜的吞拿魚粒 配上以檸檬汁醃過的牛油果蓉🥑
旁邊還有柚子醬汁 整體的酸度更上一層樓
很開胃的一道菜🤩


當我們在享用前菜的時候 〰️
店員突然送上餐包😂 4塊sourdough
連同橄欖油和黑醋
店員說這是他們自家製sourdough
很好吃的 非常煙韌 帶點微酸✨
朋友更是以這個餐包 沾著南瓜湯吃
也是很幸福的配搭！


主菜 - 蕃茄肉醬千層麵🍅
即點即焗 所以上枱時還是熱氣騰騰
大家要小心享用🤣🤣
裏面就是數層千層麵、海量sheep ricotta cheese、蕃茄肉醬 👅
剛開始吃的時候 也是蠻開心的
因為入口盡是鹹香濃郁的芝士味 🧀
吃久了就會覺得很膩🤣🤣🤣🤣 一定要share吃!


主菜 - Calzone ✨✨✨
然後就是我期待已久的Calzone Pizza 🍕
店員會待我們把前面點的食物吃得7788 才會上菜
當然也是熱騰騰的
可是我等不及了 立刻吃了一口
天吶！！太好吃了！！
餅底非常煙韌 外層烤得香脆 帶點焦香
配上自家製的蕃茄醬、芝士、夾在裡面的辣肉腸、香草等等🌿
真的是人間美味😍
其實在完成前菜和千層麵之後
我和朋友已經很飽了😂😂😂
但我們還是覺得這個薄餅非常好吃！！追著吃！！


歇了一會兒之後 我們便點了甜品 - Tiramisu ✨
其實還有Gelato和芝士蛋糕可以選擇
不過店員向我們推介了店內的名物 Tiramisu haha


給大家看一下橫拍的樣子〰️
也是非常深刻的一道甜品
Mascarpone cheese 十分軟滑 很濃郁的味道
可可粉的份量很足夠
Lady fingers 濕潤度剛好
朋友和我也是給予這甜品很高的分數🧡
-
結帳時 平均每人 $455
看帳面可能會覺得不划算
可是食物的質素、環境、服務都在水準之上
而且當天我們在店內逗留了大概4小時
其實是抵到爛的🤣🤣🤣🤣
-
只是大家若要去洗手間的話
要到外面的共用洗手間
那邊的衛生程度比較惡劣🤣🤣🤣