Godiva Chocolatier (創紀之城五期(apm)) (觀塘) 📍觀塘觀塘道418號創紀之城五期(apm)大堂C-SP3號 不時都有買一送一優惠，今日又見到有，點都要幫襯吓。 大約排咗四個字，終於到我。 雪糕依然一如以往咁軟滑，朱古力味都好濃。 不過唔知係唔係太多人買嘅緣故，佢雪糕唔係幾成形，但係買一送一性價比咁高就乜都值返哂啦！

[ The Farmhouse咖啡廳 ] 北角維港凱悅尚萃酒店The Farmhouse推出全新「春祭り」日式🇯🇵主題自助午餐及自助晚餐，午餐任飲任食2.5小時，晚餐更可任飲任食4小時！ ✿ 「春祭り」日本主題自助晚餐 日期：即日起至2024年5月4日 時間：晚上6時至晚上10時 價錢： 星期一至四 成人$748、長者$488、小童$374 / 星期五至日、公眾假期及其前夕 成人$798、長者$538、小童$399 自助晚餐超豐富，包括有機日式沙律吧、海鮮區（冰鎮海鮮、即切刺身、火炙壽司等）、熟食區（日式串燒、天婦羅、日式炸物、日式煮物、叉燒豚骨拉麵、中式及印度美食等），以及有日式甜品區。 海鮮區： 食自助餐點少得冰鎮海鮮😍！有波士頓龍蝦🦞、鱈埸蟹腳🦀、磯煮鮑魚、翡翠螺🐚、海蝦🦐等，全部都補充得好快。 刺身款式都幾多，有黃鰭吞拿魚、油甘魚、三文魚、北海道帆立貝、甜蝦等，即點即切保證新鮮；壽司🍣有火炙左口魚邊、火炙三文魚腩、海膽魷魚軍艦等，另外有幾款熟食卷物。 熟食區： 日式串燒🇯🇵🍢有日式雞肉串、汁燒魷魚鬚串等；日式炸物🇯🇵🔥有唐揚炸雞、吉列黑豚肉、和牛可樂餅等；天婦羅現場即製，有車海老、秋葵、日本南瓜等；日式煮物有西京燒比目魚，更有現場即製章魚燒🐙！ 此外有日式麵檔🇯🇵🍜，醬油叉燒拉麵逐碗煮！拉麵麵條幼身爽口，湯底自選黑蒜油豚骨湯或櫻花海老味噌湯，配料有日式醬油叉燒更有溏心蛋、味付竹筍等。 除咗日式熟食，有即點即手切大蒜燒肉汁烤草飼有骨肋眼牛排🔪🐮🥩、明爐燒味、清蒸沙巴龍躉、上湯焗琵琶蝦等中式菜式及印度烤羊架等熟食。 平日(星期1-4)晚餐每位會有一客蒸焗日本令和怪物牡蠣🇯🇵🦪配柚子酸汁和辣椒蘿蔔蓉；而週末(星期5至日)晚餐每位會有一客法式奶油焗龍蝦尾🇫🇷🦞。 飲品區： 每人會有一杯50ml日本清酒或一杯150ml日本Sapporo生啤。任飲飲品有凍檸檬紅茶及OOHA汽水等。 甜品區： 有多款日式甜品🇯🇵😍，包括抹茶提拉米蘇、草莓大福、日式芝士撻、麻糬雪糕卷、日本糰子、現場即焗紅豆鯛魚燒等。另外有限定雪糕及雪葩，口味有櫻花紅豆、抹茶、哈密瓜等。 總結🫦 果然係日式主題自助晚餐，由刺身壽司到熟食甜品都有好多款日式料理。由即日起至2024年4月尾透過酒店網站訂座更有限量5折折扣優惠😳！ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ The Farmhouse咖啡廳
地址：北角北角邨里1號香港維港凱悅尚萃酒店西座2樓
電話：3896 9896
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

澳洲牛奶公司真係好好食。我已經好內冇去食，所以前日特登去食。我去到唔洗等，可能係因為唔係星期六日掛。 我叫左一個茶餐、炒蛋、通粉同一個蛋白燉鮮奶。速度同之前食一樣，唔冼五分鐘就有得食啦，新鮮滾熱辣!炒蛋又香又滑又多蛋汁，好味😋又香又滑嫩嘅炒蛋配上牛油多士，簡直係一個完美嘅配搭。仲有蛋白燉鮮奶真係好好味，有又濃厚又重嘅奶香味。質感有少少似布丁同燉蛋。個人嚟講，我覺得熱嘅蛋白燉鮮奶好食過凍嘅蛋白燉鮮奶。 食完個下午茶之後，真係好滿足。

第一次入到嚟重慶大廈食印度野, 感覺既興奮又緊張呀! 環境原來無想像中複雜, 地下好多兌換店同小商店, 上一層有好多不同嘅咖喱餐廳, 不過始終對周圍嘅環境唔熟悉, 沿着條長樓梯上到嚟一樓, 就搵網上介紹嘅呢間珍珠皇宮印度餐廳試下先;珍珠皇宮印度係網上數一數二好食餐廳, 店內裝飾充滿印度嘅色彩, 有啲似返咗去七八十年代嘅感覺。 印度脆米球 Paani Poori - $75 脆米球係岀名嘅印度街邊小食; 印度脆米球外表好得意, 係一個脆卜卜嘅波波球, 外酥內軟, 裡面裝住八種香料同薯仔蓉, 食之前要先將印度酸梅水倒入米球內, 食落有少少酸酸辣辣, 真係一道印度特色小吃。 蒜蓉蝦Garlic Prawn - $138 蝦食落真係爽口彈牙, 好新鮮。這道菜蒜蓉不會遮蓋左鮮味, 都是呢度嘅一道非常受歡迎嘅海鮮料理, 口感豐富。 瑪莎拉咖喱烤雞 Chicken Tikka Masala - $118 瑪莎拉咖哩比較香濃, 咖喱汁偏厚, 主要用香料同埋黃薑調製, 小小辣, 肉份量都幾多, 烤雞都香口, 唔會好鞋, 用嚟配烤餅一流。 蒜蓉烤餅 Garlic Naan - $30 又香又軟嘅烤餅係印度嘅傳統美食, 食印度菜不可或缺少, 配上咖喱真係可以食好多塊呀! 青檸梳打 Lime Soda - $38 青檸梳打解渴首選, 青檸亦可清清喉嚨, 口感清爽, 微酸微甜, 這是一款非常清新的飲料, 啱哂用嚟解渴。 芒果優格奶昔 Mango Lassi - $42 用新鮮芒果汁配乳酪撈埋一齊飲, 飲得出明顯係新鮮果汁整成, 酸酸甜甜, 好好飲。

老實講食過香港好多韓燒放題都覺得好一般。啲肉醃到過晒龍，唔係就好鹹。完全覺得浪費quota！ 但人總係會想試新嘢，尤其是隔一排又想食韓燒。出去韓式餐廳散呀又覺得好貴唔抵食，最後都係選擇食放題😂好彩今次冇伏！今次揀咗午市過嚟食，一嚟坐得舒服啲有冇咁多人，二來呢啲肥嘢梗係早食早消化。 整體來講，呢間放題啲肉肉都OK ，唔會醃好鹹，基本上都係冇乜調味，肉質都算新鮮。種類較多，仲有熟食可以揀。炸雞都唔錯，唔會好厚粉，熱辣辣脆卜卜！ 仲有好多小食同埋小菜，晚市仲有海鮮食。對得住個價錢。

今日出觀塘搵個朋友，食西餐慢慢傾慢慢嘆，工廈餐廳越嚟越出色，《NATA》地方闊落感覺好舒適，有個位置可以開party。炸芝士~
新鮮熱辣辣即叫即炸，外脆內軟拉絲芝士好滋味。西班牙鬆脆包配香蒜希臘芝士醬~
外層脆卜卜有驚喜，大大件，配上芝士醬更美味。美國1885安格斯肉眼~
下面細細火熱住食，五成熟最合適，牛肉味香濃，見到粉嫩肉質越食越可口，可沾少少鹽粒使肉味更出，也可加少少醬，仲有脆脆炸蒜。慢煮伊比利豬鞍~
肉味唔錯，有口感得嚟一啲都唔韌，加上少少肥膏更顯惹味。Cobber意粉~
辣蕃茄忌廉大蝦意粉，少少辣加啲啲甜好醒胃，意粉夠爽口，大蝦夠彈牙，正！榛子朱古力焦糖香蕉梳乎厘班戟~
呢個甜品真係不得了，Q彈梳乎厘pancake，仲有朱古力忌廉，粒粒榛子令味覺更上一層樓，記得要打卡啊！芒果冰茶~

餐廳：荳子 (旺角) 地址：旺角亞皆老街8號朗豪坊4樓7號舖 2013年開辦嘅本地咖啡店——荳子，由荃灣巷仔細舖位擴展至港九新界，半年前更喺朗豪坊開設分店🈺，店內設計以簡約清新嘅地中海⾵格為概念，環境寬敞舒適，就算開喺food court隔離都唔會有嘈吵侷促嘅感覺💆🏻‍♂️，餐廳主打西式輕食、甜品同咖啡，仲會不定期聯成集團旗下嘅姊妹店或者其他品牌推出各款限定美食🍴 為咗實踐「取諸社會，用諸社會」嘅理念，佢哋用唔同渠道，將客人嘅消費轉化為小費捐贈俾多間社福機構🤲🏽，呢排仲有同十字牌鮮奶、人字協會同本地紋身師合作，希望帶動本地行業同文化嘅發展🇭🇰，真係好值得大家過嚟支持一吓💪 凡叫午市套餐或餐牌上嘅主食都可以加配前菜、湯品、小食或者甜品😎，牛肝菌湯 (+$40)配上一片片嘅牛肝菌香氣四溢，濃而唔膩🍄；龍蝦海鮮濃湯($44)將鹹香嘅精華融入湯底，突出甘甜嘅鮮味🌊；羽衣甘藍藜麥沙律 (+$30)加咗清甜嘅青蘋果同番茄，配以酸甜油醋汁開胃一流🥗 ✝️班尼迪蛋•大啡菇•車輪牛角酥漢堡 $78 餐廳首度聯乘副線推出新產品🆕，將新鮮焗製、酥脆嘅法式車輪牛角酥同英式班尼迪嘅流心蛋，配上飽滿多汁嘅大啡菇層次感十足🍄，以美式漢堡嘅設計融為一體🍔，多重口感嘅滋味令人回味無窮🤪 ✝️澳洲肉眼扒(7oz)•太陽蛋•薯條 $168 切條嘅肉眼扒煎至五成熟🥩，富纖維感嘅肉質幼嫩中帶嚼勁，牛味較淡但勝在肉汁都算豐富💦，伴碟有兩隻太陽蛋同埋金黃酥脆嘅粗薯條，以呢個價錢嚟講都幾抵食👌🏽 ✝️Chocolate Mountain +$30 雪山造型嘅自家製甜品相當吸睛👀，主要由70%黑朱古力慕斯同蛋糕整成，每啖散發出甘醇嘅香氣🍫，甜蜜細膩嘅忌廉同焦糖香蕉內餡令整體口感更濕潤，搭配出甜苦交替嘅滋味 餐飲轉其他正價飲品可以減$8🤟🏽，的骰嘅Piccolo latte($28)將少量奶泡同濃縮咖啡融合，帶出芳香而充滿深度嘅韻味☕️；餐廳仲有駐場咖啡師為大家製作獨一無二嘅3D Latte Art，叫某幾款Latte就有，仲要唔洗加錢架😉，伯爵茶拿鐵($36)清幽嘅茶香同十字牌鮮牛奶 (+$3) 溫醇嘅奶香完美結合，可愛嘅貓貓真喺令人唔捨得破壞，影多兩張相先📸

如果以普通餐廳去食這餐飯，感覺都唔錯，而且個別小菜味道都幾好，但係比較多人介紹的，例如叉燒，爵士湯，未至於有驚喜的層次，亦都未至於米芝蓮級數的感覺 昨晚好彩有訂位，我們只是10個人，空間感還好，但旁邊兩張枱都係坐12個，張枱同我哋一樣，擠迫好多，都冇上菜來可言 今晚特別想試佢哋的爵士湯，但係與其他有名的爵士湯差咗少少 出名的叉燒，屬於好味，但未至於有驚喜 另外訂位時點咗茶王雞，呢個可能係今晚較為好的一道菜，訂位時，他們有介紹冰鮮雞和新鮮雞的價錢差，但我都想試一試冰鮮雞，結果冇令我失望 ✨不過他們價錢唔算貴，性價比比較高

超豐富嘅泰式西餐! 過咗晚飯時間都仲係咁多人，全因呢度嘅雞尾酒充滿特色，有超可愛浴缸造型加埋橡皮小鴨嘅加持，又可以打卡又好飲🫡花花加上維景簡直係拍拖聚會勝地！其他款式都非常精緻漂亮😳食物方面最鍾意小食拼盤，多款泰式炸物送酒一流～全部熱辣辣‼️‼️仲有三文魚他他配上米通口感豐富，份量都算多！主菜就叫咗青咖喱油封鴨腿同埋八爪魚意粉😛青咖喱油封鴨腿比較重口味，配埋一齊食別有一番風味！😝😝八爪魚都好大條！

今日第一次去中環街市行街 喺二樓見到呢間餐廳 就行咗入去試下 餐廳環境唔錯👍🏻 有好多卡位 好啱同朋友一齊嚟食飯傾計 今次主食我揀咗自己最鍾意食嘅糖醋魚飯🤤 小食就揀咗酥炸雲吞 糖醋魚嘅味道酸酸甜甜🤤 食落好開胃 平時糖醋魚飯通常只會加紅椒同菠蘿去炒 好少見到會放洋蔥 但今次佢有放洋蔥落去炒 所以聞落去都好香☺️ 而且佢冇放好多炸粉去炸魚塊 所以佢只有一層薄薄嘅外皮 食落去脆卜卜🤤 而且餸同飯嘅份量十足 好啱收工之後去補充能量 酥炸雲吞嘅味道都唔錯🤤 雲吞嘅表面炸到金黃色👍🏻 而且食落脆卜卜 側邊仲有一啲醬汁 但就算唔加醬汁都好好味 雲吞包得好靚👍🏻 入面係菜肉餡 材料好充足🤤 一碟酥炸雲吞總共有六隻 如果食唔曬可以同朋友一齊叫一碟 然後一齊share☺️

嵐橋日本料理位於尖沙咀白蘭軒道，屬於尖沙咀食肆林立嘅街道，但同時環境比較寧靜。餐廳係日本居酒屋嘅設計，座位空間闊落 🐟 時令魚薄切12片 🐟 兩切鯖魚 💰$98 鯖魚肉質嫩滑，表面輕輕燒過，將鯖魚嘅魚油帶出，食落更加香魚味 ✨養殖中拖羅刺身 💰$188 中拖羅切得厚身，肉質鮮甜肥美，食落無筋 ✨日本海膽壽司 💰$248 海膽望落鮮色，夠乾身而且飽滿，海膽味濃，帶點creamy，好新鮮 ✨油甘魚腩壽司 💰$80 油甘魚腩肉質肥嫩，油花分布平均，咬落夠厚實 🦀 軟殼蟹天婦羅 💰$88 天婦羅炸粉唔厚，軟殼蟹炸得香脆，而且軟殼蟹有滿滿嘅蟹膏 🍲 鯛魚湯窩燒烏冬 💰$158 鯛魚湯底魚味濃，湯底呈奶白色，清甜鮮味濃郁，其他材料仲有多件鯛魚、烏冬、冬菇、金菇、荷蘭豆等等