139
25
6
港鐵灣仔站 A3 出口, 步行約5分鐘
繼續閱讀
開飯介紹
有別一般扒房，提供90分鐘西冷牛扒放題，且亦提供各式各類的扒類，如炸豬扒、美國戰斧牛扒等。
繼續閱讀
營業時間
今日營業
全日休息
星期一至二
12:00 - 15:30
17:30 - 23:00
星期三
全日休息
星期四至五
12:00 - 15:30
17:30 - 23:00
星期六至日
12:00 - 16:00
17:30 - 23:00
公眾假期
12:00 - 16:00
17:30 - 23:00
以上資料只供參考, 請與餐廳確認詳情
-
網上訂座服務暫停
食家推介
相關文章
🌻推薦指數：西班牙麵包配橄欖油和意大利黑醋：7.5/10蜜思嘉：8.5/10美國荷斯登牛腰扒：8.5/10義大利燴牛膝：9/10忌廉牛油薯蓉：9.5/10環境整潔：8/10情調：8.5/10服務態度：8.5/10人均消費：$298 +10%整體評分：8.5/10食評：後街牛扒，顧名思義，係一間坐落喺灣仔道後街交加里既扒房，以牛扒馳名。同熙來攘往既灣仔道截然不同，交加里人煙稀少，環境清靜。餐廳室內裝潢略別具一格，兩面牆以無數酒樽同木箱裝飾，帶西洋風，對面灰色牆身則有掛畫同九龍皇帝風格既塗鴉點綴，將本地元素融入西方色彩之中。去到黃昏時分，餐廳會將燈光較暗，非常適合情侶或者密友一齊暢談心事。我地兩人總共點左兩份A La Carte。首先登場既係西班牙麵包配淺黃色橄欖油同埋深褐色意大利黑醋兩款醬料。西班牙麵包即叫即整，上碟時仲係觸手温暖，外皮乾脆，內裡軟熟蓬鬆，沾上橄欖油入口有淡淡既麥香餘韻。如果中意食甜既朋友不妨試吓沾意大利黑醋，醋味溫純細膩，葡萄芬芳，略帶微甜，亦都係唔錯既選擇。麵包免費任添，侍應亦會主動上前詢問，所以如果等緊主菜飢餓難耐既話不妨再叫多一碟同朋友分享。食完麵包略嫌口乾既話可以飲一啖welcome drinks。今次我地揀既係汽泡型蜜思嘉moscato，濃郁香甜既水果香為口腔帶嚟清新既感覺，又可以同朋友開心事台，一齊準備好迎接主角登場。第一味主菜係五成熟美國荷斯登牛腰扒（USDA BRANDT BEEF PRIME HOLSTEIN BAVETTE) 配法式忌廉牛油薯蓉。荷斯登牛腰扒係來自美國頭三甲牧場，就算有一定厚度依然唔覺韌，肉質嫩滑，咀嚼幾啖成口已經充滿油香濃郁既肉味。再加上表面切碎既蒜蓉香草同埋醬汁，令味道昇華至另一種層次。第二味主菜係義大利燴牛膝 (OSSOBUCO)配法式忌廉牛油薯蓉。同第一味最大既分別係佢帶有牛骨同埋少量肥腴既牛筋，牛膝經過細火慢燉之後肉質變得更為軟嫩。同第一味一樣，伴碟既法式忌廉牛油薯蓉極致綿密細滑，入口即溶。
繼續閱讀
兩人本身不太餓想點一個大portion 份量 (hkd 998) 去share. 職員說每人必須各自點一個main dishes但我說我們不太餓 想share 一下. 他說不可以A La Carte Menu 的牛有3款 (1. hkd 998 , 2 hkd 5883. 已忘記了) 其中一個沒有了 職員 說可試豬柳 我回應我来這裡是想吃牛 不吃豬的.他說必須要點2個主菜 ( 當中另一menu 是9course 更加不選吧 因為不太餓 最後我點了一主菜是價值為hkd 998 的M9 和牛扒配薯像和mashes potato 友人點了 另一Bavette. 最終是令我氣憤時結帳時 職員問食物可以嗎 打包嗎（因為吃剩了一半）我一早說了會我只想share 因分量太大 。 職員說對呀份量是很大 因為這新出的 3塊扒份量迫客人點著不想點的份量 menu 選擇不多,想收酒店級的價錢非常不專業 會和朋友分享絕不再光顧 慎入！
繼續閱讀
今晚終於試咗後街牛扒，哇塞🤩，食物之正宗！嗰碗南瓜湯滑到不得了，好似絲絨一樣，配埋嗰塊軟綿綿嘅西班牙麵包，真係正到爆，食一啖，又香又扎實。啱啱上嘅荷斯登短骨牛肋眼，撩起我個食慾到最高點。眼前嘅肋眼肉質咁嫩滑，啖啖肉味，咀嚼之間，肉汁四溢，簡直係👌！味覺上嘅享受，真係一流。而家口水又諗起嗰股香melt喺舌尖嘅滋味。雖然環境簡單啲，但坐喺度享受高級牛扒嘅滋味，心情真係百倍！佢哋嘅牛肉採擇，火候掌握，隨便一款都深得我心，而且個個菜式嘅味道都好有層次感，簡直係味蕾嘅盛宴。唔得唔提嗰小輪色彩繽紛嘅macaroon，甜而不膩，完美收尾。真係一次飽嘴又滿足嘅晚餐，呢間牛扒房，無得輸，絕對係食家嘅首選啊👍！下次一定會再嚟，要同埋三五知己一齊分享呢個驚喜！
繼續閱讀
夜晚9 course set $ 688起， 選擇main course 後便會有前菜、甜品等另外八道餸。每個course都有默認選擇，可另外加錢upgrade。9 course set 既默認選項已經好好味同好夠飽。今次主菜選擇左牛腰扒，朋友選擇左風乾熟成牛臉頰。叫完set後會送上welcome drink，moscato 一杯。果味香濃但不易入口。係牛肉既好夥伴。餐前麵包係西班牙既麵包，外皮脆得黎有D煙韌，細嚼下會食到麵粉香。內部鬆軟。第一道前菜，魚子醬北海道吞拿魚他他伴芒果醬。魚肉味濃，加上魚子醬更咸鮮。伴上芒果醬有一種清新的風味。下一道是意大利傳統餐前小食，感覺係普普通通既芝士。基本既沙律🥗係凱撒沙律，特別既係煙肉除左脆仲有好強既煙燻肉味。白酒漬三文魚，魚子醬沒有太濃的味道。旁邊的檸檬泡沫亦淡味。三文魚有白酒的香甜。我地額外加左意大利生牛肉片。生牛肉本身應該腌製過，有少少Parma ham既味道。配埋芝士同醋，味道我都幾鍾意。但之後既first course亦有喱道菜，所以唔需要額外叫。法式慢煮鵝肝亦係額外加錢既。喱道菜係最好食既。睇相都知係有幾粉嫩，食落去軟到好似cream咁，肝味非常濃。入口即溶，個浸肝味既回韻非常正。配埋炸無花果解膩之餘，提升埋口感。餐湯係雲吞蘑菇雞湯。侍應話經過三日嘅熬製而煮成。睇相可見湯色如茶，非常清。飲落先有雞味再有蘑菇味，味道亦非常濃。First course係唔同既牛小食，味道由淡至濃。最近的是味道最淡，生牛肉卷。排第二的是和牛卷，味道平平。中間的是熟成牛肉片，與片內的配菜一起食，咸咸辣辣，開胃。好似jelly個道應該係牛肉濃湯凍。最後一道是蒸、燉、焗店內唔同牛肉部位的牛肉tart。牛肉口感多層次，配上酥皮非常滿足。Main course 係牛腰扒。叫左主廚推薦既三成熟。外層焦脆而且係好薄一層，內裏又非常嫩。唔知係點樣煎到。是日甜品係檸檬tart。喱樣唔係幾啱我口味，太酸澀。生日店舖仲送左份神秘生日禮物！總括黎講，餐廳出品係對得住個價錢。但市場睇落係更受落之前既平民扒房路線。星期一既晚市只有我地喱一台客，我估係因為地點，環境，名氣等因素。如果大家鐘意食牛扒，價錢又接受到可以一試。支持小店！
繼續閱讀
今日去了灣仔食牛扒，光顧了後街牛扒。餐廳格局及情調非常好，我點了名為 I have no idea 的餐。每度菜都非常精緻，侍應會詳細介紹每一道菜的食法及烹調方法。尤其牛扒，推介由最生至最熟，一口一口吃下去，非常美味。另外，甜品也值得一試。
繼續閱讀