89
40
25
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
食家推介
如題，無諗過京都豬扒都會整得難食難食到要寫食評午餐時段叫 上菜即食 豬扒已經係溫食到一半竟然有幾塊係一邊溫一邊凍似係整定之後翻熱 仲要翻得唔熱味道極度一般 豬扒肉質難以下嚥又凍又硬 唔知食梗咩平時其他茶記外賣好食過佢多多聲特飲少甜 但甜到確喉。。。反而菠蘿油幾出色 要求已經唔高 奇怪點解咁多人排隊
繼續閱讀
黎到太子就搵下野食，行下見到紅茶唔駛點排就入黎食等左10分鐘就有位。好耐無食就諗住試下結果失望。午餐50幾60蚊不過係呢個質素就好一般了，味道正常但完全無吸引之處，份量比較少。羅宋湯正常沒有特別。比較失望係杯凍檸檬茶，朋友另外2杯已經黎左10幾分鐘飲哂啦，我杯仲未黎就唔該女侍應追下杯凍檸檬茶，野又已經食到8899，個女侍應話有杯機壞左已經整緊架啦。 好啦我繼續等，我知你有人排想飲完快d走唔阻你，你咁講我就等，過左5 6分鐘仲未黎，我再追第2個算啦，同佢講情況，杯凍檸檬茶終於黎啦，第3個女侍應唔夠10秒就話外邊有人等緊位，我心諗等左杯凍檸檬茶差唔多20分鐘，黎左10秒就催，如果係咁急，當初就應該快d追杯茶比我，飲完就走。知你有客排點知等杯飲品都要10幾20分鐘，追又唔理，即刻答得咁快，再追先有。價錢唔值服務又差，唔駛你唔該前多謝後不過服務要合理點，唔好追完唔理，等20分鐘野飲一上就催人走。唔會再食了
繼續閱讀
話完以前仲住附近時有一次中伏經驗，有時都盡量避開唔食佢。但見當時正值疫情時間，距離而家已經3年幾，諗住俾多次機會佢～見佢門口都要排隊，心諗應該OK啩，最後等左幾分鐘就入得去～Menu嘅話都唔使點睇，梗係叫沙嗲牛啦。早餐而家要$41，都咪話唔乸脷，加埋杯凍啡就已經$44～2-3分鐘就上菜喇。個沙嗲牛嘅賣相好過上次好多喇，份量夠，個麵算係彈牙～炒蛋太過濕，可能叫太陽蛋好過，丹麥多士夠入味～咖啡味道幾夠，朝早飲完可以提一提神！
繼續閱讀
又貴又細碟，味精好重🤮嗰日食咗個牛柳仲晒伏，得嗰4片牛柳(唔夠3安士）配飯，收百三蚊！極之極之低性價比🙅🏻♂️直頭搵苯！洗濕咗個頭，叫多碟炒牛河，咸到爆🙅🏻直頭攞命！
繼續閱讀
主要都係態度唔好，排隊時仲有个阿叔邊閙邊行出黎。要拼臺噶話，建議臺號分成例如12A 12B，咁樣會可以分得清邊邊點噶單，我點咗奶茶，阿姐送過黎，我又冇留意系唔系拼臺噶哥哥仔點嘎，搞到阿姐唔耐煩
繼續閱讀